Դ ԹԱԳԱՎՈՐՆԵՐԻ 18:24 - Նոր Էջմիածին Աստվածաշունչ

²⁴ Ինչպե՞ս կարող ես դիմադրել իմ տիրոջ հետին ծառաներից որևէ զորականի, երբ մարտակառքեր ու երիվարներ ստանալու համար ապավինում ես Եգիպտոսին։

Նոր վերանայված Արարատ Աստվածաշունչ

²⁴ հապա էլ ինչպե՞ս կարող ես կանգնել իմ տիրոջ փոքր ծառաներից մի կուսակալի դեմ, երբ դու կառքերի ու ձիերի համար ապավինում ես Եգիպտոսին։

Դ ԹԱԳԱՎՈՐՆԵՐԻ 18:24 Խաչաձեւ Հղումներ

ԾՆՆԴՈՑ 50:9

Նրա հետ գնացին նաև կառքերն ու հեծյալները և դարձան մի հսկա բանակ։

Գ ԹԱԳԱՎՈՐՆԵՐԻ 20:10

Ադերի որդին նրա մոտ մարդ ուղարկեց և ասաց. «Այսպես և այսպես թող անեն ինձ աստվածները և ավելին թող անեն, եթե Սամարիայի հողը բավի իմ հետևակի բոլոր զինվորներին մեկ բռաչափով»։

Դ ԹԱԳԱՎՈՐՆԵՐԻ 18:21

Դու ապավինել ես այդ ջախջախված եղեգի՞ն՝ Եգիպտոսի՞ն, որին եթե մարդ հենվի, ձեռքը կծակի, ու նա կխոցվի դրանից։ Այդպիսին է փարավոնը՝ Եգիպտոսի արքան, բոլոր նրանց համար, ովքեր իրենց հույսը դնում են նրա վրա”։

Դ ԹԱԳԱՎՈՐՆԵՐԻ 18:23

Արդ, իմ տիրոջ՝ Ասորեստանի արքայի հետ հաշտվե՛ք, և նա քեզ երկու հազար երիվար կտա, եթե դու կարող ես այդքան հեծյալներ գտնել դրանց համար։

Դ ԹԱԳԱՎՈՐՆԵՐԻ 18:25

Կամ առանց Տիրոջ հրամանի՞ եմ ես հարձակվել այս երկրի վրա, որ բնաջնջեմ այն։ Տերն է ինձ ասել. “Հարձակվի՛ր այդ երկրի վրա և բնաջնջի՛ր այն”»։

ԵՍԱՅԻ 10:8

Եվ եթե նրան ասեն՝ «Միայն դո՞ւ ես լինելու իշխան»,

ԵՍԱՅԻ 30:1

Այսպես է ասում Տերը. «Վա՜յ ձեզ, ապստա՛մբ որդիներ, քանի որ խորհուրդ եք անում, բայց ոչ իմ կամքով, դաշինք եք կռում, բայց ոչ իմ Հոգով, մեղքերի վրա մեղքեր եք բարդում։

ԵՍԱՅԻ 31:1

Վա՜յ նրանց, ովքեր օգնության համար են իջնում Եգիպտոս, ովքեր հեծյալներին ու մարտակառքերին են ապավինում, թե շատ են, և ձիերի մեծ բազմությանը. նրանք Իսրայելի Սրբի վրա հույս չէին դնում, Աստծուն չէին փնտրում։

ԵՍԱՅԻ 31:3

Եգիպտացի մարդուն են ապավինում և ոչ թե Աստծուն, ձիերի մարմիններին. բայց օգնություն չի լինի. Տերն իր ձեռքը կերկարի նրանց վրա, և օգնողները տանջանքի կենթարկվեն, իսկ նրանցից օգնություն սպասողները կկործանվեն, ամենքն անխտիր կոչնչանան։

ԵՍԱՅԻ 36:6

Ահա հույսդ դրել ես ջախջախված եղեգնյա ցուպի՝ եգիպտացու վրա, որին եթե որևէ մեկը հենվի, պիտի խորտակվի և նրա ձեռքը ծակի. ահա այդպիսին է Եգիպտոսի փարավոն արքան և բոլոր նրանք, որ ապավինել են նրան”։

ԵՍԱՅԻ 36:9

Եվ դուք, որ հույս եք դրել Եգիպտոսի վրա, նրանց հեծյալների ու երիվարների վրա, ինչպե՞ս պիտի կարողանաք կռվել իմ տիրոջ աշխարհակալ զորապետներից որևէ մեկի հետ։

ԵՐԵՄԻԱ 37:7

իսկ քաղդեացիները կրկին պիտի վերադառնան այստեղ. պիտի պատերազմեն այս քաղաքի դեմ, պիտի գրավեն և հրով այրեն այն»։

ԵԶԵԿԻԵԼ 17:15

Սակայն նրա դեմ պիտի ապստամբի՝ սուրհանդակներ ուղարկելով Եգիպտոս, որպեսզի իրեն ձիեր ու բազում զորք տան։ Բայց արդյոք հաջողությո՞ւն է ունենալու։ Արդյոք փրկվելո՞ւ է նա, ով այսպիսի հակառակ բաներ է անում և դրժում ուխտը։ Արդյոք փրկվելո՞ւ է։

ԵԶԵԿԻԵԼ 17:17

Փարավոնն էլ ոչ թե իր մեծ զորությամբ, ոչ թե բազում գնդերով է նրա դեմ պատերազմելու, այլ պատնեշներ ու պարսպակործաններ է սարքելու, որպեսզի շատերին ոչնչացնի։

ԵԶԵԿԻԵԼ 29:6

Եգիպտոսի բոլոր բնակիչները կիմանան, որ ես եմ Տերը, քանի որ Իսրայելի տան համար եղեգնյա գավազան եղար.

Բ ՕՐԵՆՔ 17:16

Իշխանը չպետք է մտածի իր երիվարները բազմացնելու մասին, ոչ էլ ժողովրդին Եգիպտոս ուղարկի, որովհետև Տերն ասել է. “Այլևս նույն ճանապարհով հետ չեք դառնալու”։