Դ ԹԱԳԱՎՈՐՆԵՐԻ 17:34 - Նոր Էջմիածին Աստվածաշունչ

³⁴ Մինչև օրս նրանք առաջնորդվում են իրենց սովորույթներով. թեև երկնչում են Տիրոջից, բայց վարվում են ըստ իրենց սովորույթների ու կանոնների, նաև ըստ այն պատվիրանի և օրենքների, որ Տերը պատվիրել էր Հակոբի որդիներին, ում անունը դրել էր Իսրայել։

Նոր վերանայված Արարատ Աստվածաշունչ

³⁴ Մինչև այսօր էլ նրանք առաջվա սովորությունների պես են անում. չեն պաշտում Տիրոջը և ոչ էլ հնազանդվում են այն կանոններին, իրավունքներին, օրենքին և պատվիրանին, որ Տերը պատվիրեց Հակոբի որդիներին, որի անունը Իսրայել դրեց։

Դ ԹԱԳԱՎՈՐՆԵՐԻ 17:34 Խաչաձեւ Հղումներ

ԾՆՆԴՈՑ 32:28

Մարդն ասաց նրան. «Ի՞նչ է քո անունը»։ Նա պատասխանեց՝ Հակոբ։

ԾՆՆԴՈՑ 32:29

Եվ Հակոբին ասաց. «Այսուհետև Հակոբ չես կոչվելու, այլ Իսրայել, որովհետև դիմացար Աստծու հետ մաքառելիս, ուստի մարդկանց նկատմամբ էլ ուժեղ լինես»։

ԾՆՆԴՈՑ 33:20

Նա այնտեղ զոհասեղան կանգնեցրեց և կանչեց Իսրայելի Աստծու անունը։

ԾՆՆԴՈՑ 35:10

և ասաց. «Քո անունը Հակոբ է, բայց այլևս Հակոբ չես կոչվելու, այլ քո անունը Իսրայել կլինի»։ Եվ նրան կոչեց Իսրայել։

Գ ԹԱԳԱՎՈՐՆԵՐԻ 11:31

Նա ասաց Հերոբովամին. «Ա՛ռ քեզ տասը կտոր, քանի որ Տերը՝ Իսրայելի Աստվածը, այսպես է ասում. “Ահա ես Սողոմոնի թագավորությունը պիտի պատառոտեմ և քեզ պիտի հանձնեմ տասը ցեղ,

Գ ԹԱԳԱՎՈՐՆԵՐԻ 18:11

Արդ, ինձ ասում ես՝ “Գնա՛ ու պատմի՛ր քո տիրոջը, թե՝ “Ահա այստեղ է Եղիան”։

Գ ԹԱԳԱՎՈՐՆԵՐԻ 18:31

առավ տասներկու քար, ըստ Իսրայելի ցեղերի թվի, ինչպես Տերն էր ասել նրան՝ «Իսրայե՛լ թող լինի քո անունը»։

Դ ԹԱԳԱՎՈՐՆԵՐԻ 17:25

Իրենց բնակության սկզբնական շրջանում նրանք չվախեցան Տիրոջից, և Տերն առյուծներ ուղարկեց, որոնք հոշոտեցին շատերին։

Դ ԹԱԳԱՎՈՐՆԵՐԻ 17:33

թեև երկնչում էին Տիրոջից, պաշտում էին իրենց աստվածներին ըստ այն ազգերի կրոնների, որոնց Աստված մերժել էր։

Դ ԹԱԳԱՎՈՐՆԵՐԻ 17:40

Մի՛ հավատացեք նրանց կրոնին, որին նրանք հետևում են»։

ԱՌԱԿՆԵՐ 14:2

Ուղիղ ընթացողը երկնչում է Տիրոջից, իսկ ով կամակորում է իր ճանապարհին, պիտի անարգվի։

ԵՍԱՅԻ 48:1

«Լսե՛ք այս, ո՛վ Հակոբի տուն, Իսրայելի անունով կոչվածնե՛ր և Հուդայի սերնդի՛ց ծնվածներ, որ երդվում եք Տիրոջ՝ Իսրայելի Աստծու անունով և հիշում նրան, բայց ո՛չ ճշմարտությամբ, ո՛չ արդարությամբ։