Դ ԹԱԳԱՎՈՐՆԵՐԻ 14:23 - Նոր Էջմիածին Աստվածաշունչ

²³ Հուդայի արքա Հովասի որդի Ամասիայի թագավորության տասնհինգերորդ տարում Իսրայելի վրա թագավորեց Իսրայելի արքա Հովասի որդի Հերոբովամը։ Նա քառասունմեկ տարի թագավորեց Սամարիայում։

Նոր վերանայված Արարատ Աստվածաշունչ

²³ Հուդայի թագավոր Հովասի որդի Ամասիայի տասնհինգերորդ տարում Իսրայելի թագավոր Հովասի որդի Հերոբովամը թագավոր դարձավ Սամարիայում և թագավորեց քառասունմեկ տարի։

Դ ԹԱԳԱՎՈՐՆԵՐԻ 14:23 Խաչաձեւ Հղումներ

Դ ԹԱԳԱՎՈՐՆԵՐԻ 10:30

Տերն ասաց Հեուին. «Քանի որ քաջություն ունեցար Աքաաբի որդիների նկատմամբ անելու այն, ինչ իմ սրտում էր, ուստի քո հետնորդները մինչև չորրորդ սերունդ նստելու են Իսրայելի գահին»։

Դ ԹԱԳԱՎՈՐՆԵՐԻ 13:13

Հովասը գնաց իր նախնիների գիրկը, և նրա գահին նստեց Հերոբովամը։ Հովասը թաղվեց Սամարիայում՝ Իսրայելի թագավորների մոտ։

Դ ԹԱԳԱՎՈՐՆԵՐԻ 14:1

Իսրայելի արքա Հովաքազի որդի Հովասի թագավորության երրորդ տարում թագավորեց Հուդայի արքա Հովասի որդի Ամասիան։

Դ ԹԱԳԱՎՈՐՆԵՐԻ 14:15

Հովասի մնացած գործերը, նրա կատարած քաջագործություններն ու Հուդայի երկրի արքա Ամասիայի դեմ մղած պատերազմը նկարագրված են Իսրայելի թագավորների ժամանակագրության մեջ։

Դ ԹԱԳԱՎՈՐՆԵՐԻ 14:16

Հովասը գնաց իր նախնիների գիրկը և թաղվեց Սամարիայում՝ Իսրայելի թագավորների հետ։ Նրա փոխարեն թագավորեց իր որդին՝ Հերոբովամը։

Դ ԹԱԳԱՎՈՐՆԵՐԻ 14:22

Ազարիան արքայի մեռնելուց հետո Հուդայի երկրին միացրեց Ելաթն ու բարեկարգեց այն։

Դ ԹԱԳԱՎՈՐՆԵՐԻ 14:24

Նա Տիրոջ առջև չարիք գործեց, չհրաժարվեց Իսրայելին մեղանչել տվող Նաբատի որդի Հերոբովամի բոլոր մեղքերից։

Դ ԹԱԳԱՎՈՐՆԵՐԻ 14:27

Տերը չէր ուզում, որ Իսրայելի զավակները բնաջնջվեն երկնքի ներքո, ուստի Հովասի որդի Հերոբովամի ձեռքով փրկեց նրանց։

Դ ԹԱԳԱՎՈՐՆԵՐԻ 15:1

Իսրայելի Հերոբովամ արքայի թագավորության քսանյոթերորդ տարում թագավորեց Հուդայի Ամասիա արքայի որդի Ազարիան։

Ա ՄՆԱՑՈՐԴԱՑ 5:17

Նրանք բոլորն ազգահամարի մեջ մտան Հուդայի արքա Հովաթամի և Իսրայելի արքա Հերոբովամի օրոք։

ՈՎՍԵԵ 1:1

Տիրոջ խոսքը, որ եղավ Երիի որդի Ովսեեին Հուդայի թագավորներ Ոզիայի, Հովաթամի, Աքազի և Եզեկիայի օրերին և Իսրայելի թագավոր Հերոբովամի՝ Հովասի որդու ժամանակ։

ԱՄՈՎՍ 1:1

Ամովսի պատգամները, որ եղան Թեկվայի Ակկարիմում, որոնք տեսավ Երուսաղեմի համար Հուդայի արքա Ոզիայի օրերին և Իսրայելի արքա Հովասի որդու՝ Հերոբովամի օրերին՝ երկրաշարժից երկու տարի առաջ, և ասաց.