Դ ԹԱԳԱՎՈՐՆԵՐԻ 10:13 - Նոր Էջմիածին Աստվածաշունչ

¹³ Հեուն հանդիպեց Հուդայի Օքոզիա արքայի եղբայրներին, որոնց ասաց. «Ովքե՞ր եք դուք»։ Նրանք ասացին. «Մենք Օքոզիայի եղբայրներն ենք, եկել ենք արքայի ու թագուհու որդիներին ողջունելու»։

Նոր վերանայված Արարատ Աստվածաշունչ

¹³ այնտեղ Հեուն գտավ Հուդայի Օքոզիա թագավորի եղբայրներին և ասաց. «Դուք ովքե՞ր եք»։ Եվ նրանք ասացին. «Մենք Օքոզիայի եղբայրներն ենք, իջնում ենք թագավորի որդիներին և թագուհու որդիներին բարևելու»։

Դ ԹԱԳԱՎՈՐՆԵՐԻ 10:13 Խաչաձեւ Հղումներ

Դ ԹԱԳԱՎՈՐՆԵՐԻ 10:12

Դրանից հետո Հեուն ելավ գնաց Սամարիա։ Երբ ճանապարհին նա հասավ հովիվների կացարանին,

Դ ԹԱԳԱՎՈՐՆԵՐԻ 10:14

Հեուն ասաց. «Սրանց կենդանի՛ բռնեք»։ Նրանց կենդանի բռնեցին ու հովիվների կացարանի մոտ կոտորեցին այդ քառասուներկու հոգուն, և նրանցից ոչ ոք կենդանի չմնաց։

Դ ԹԱԳԱՎՈՐՆԵՐԻ 8:24

Հովրամը գնաց իր նախնիների գիրկը և թաղվեց իր հայրերի մոտ՝ իր նախնի Դավթի քաղաքում, և նրա փոխարեն թագավորեց նրա որդին՝ Օքոզիան։

Դ ԹԱԳԱՎՈՐՆԵՐԻ 8:29

Հովրամ արքան վերադարձավ, որպեսզի Հեզրայելում բուժվի այն վերքերից, որ ասորիները հասցրել էին Ռամաթում ասորիների արքա Ազայելի դեմ պատերազմելու ժամանակ։ Հուդայի արքա Հովրամի որդի Օքոզիան եկավ Հեզրայել՝ Աքաաբի որդի Հովրամին տեսության, որովհետև նա հիվանդացել էր։

Բ ՄՆԱՑՈՐԴԱՑ 21:17

Նրանք հարձակվեցին Հուդայի վրա, կողոպտեցին այն և տարան արքայի տան ամբողջ հարստությունը, նրա տղաներին ու աղջիկներին, և նա զրկվեց իր բոլոր որդիներից, բացի ամենակրտսեր որդուց՝ Օքոզիայից։

ԵՐԵՄԻԱ 41:5

Սյուքեմից, Սաղեմից և Շամրինից մարդիկ եկան, ութսուն տղամարդ՝ մորուքները սափրած, զգեստները պատառոտած, կոծ անելով, ձեռքներին ընծաներ և կնդրուկ, որպեսզի տանեն Տիրոջ տունը։