Դ ԹԱԳԱՎՈՐՆԵՐԻ 1:16 - Նոր Էջմիածին Աստվածաշունչ

¹⁶ և ասաց նրան. «Քանի որ պատգամավորներ ես ուղարկել Ակկարոնի Բահաղ-Ճանճիկ աստծու մոտ՝ բան հարցնելու, կարծես թե Իսրայելի մեջ չկար Աստված, որ նրանից հարցնեիր, ուրեմն այն մահճից, որի մեջ պառկել ես, չես իջնելու, այլ մեռնելու ես»։

Նոր վերանայված Արարատ Աստվածաշունչ

¹⁶ Եվ ասաց նրան. «Տերն այսպես է ասում. “Որովհետև դու պատգամավորներ ուղարկեցիր Ակկարոնի Բահաղ-Ճանճիկ աստծուն հարցնելու, իբր թե Իսրայելում Աստված չկար, որ նրանից բան հարցնեիր, դրա համար էլ քո անկողնուց, որի մեջ պառկած ես, չպիտի վայր իջնես, այլ անպատճառ պիտի մեռնես”»։

Դ ԹԱԳԱՎՈՐՆԵՐԻ 1:16 Խաչաձեւ Հղումներ

Գ ԹԱԳԱՎՈՐՆԵՐԻ 22:28

Միքիան ասաց. «Եթե դու ողջ և առողջ վերադառնաս, ուրեմն Տերը չէ, որ խոսել է իմ բերանով»։ Ապա ավելացրեց. «Լսե՛ք, զորքե՛ր, ամենքդ լսե՛ք»։

Դ ԹԱԳԱՎՈՐՆԵՐԻ 1:6

Նրան ասացին. «Մի մարդ մեր առաջ ելավ ու ասաց մեզ. “Վերադարձե՛ք ձեզ ուղարկող արքայի մոտ և ասե՛ք նրան. այսպես է ասում Տերը. “Իսրայելի մեջ Աստված չլինելո՞ւ պատճառով եք գնում Ակկարոնի Բահաղ-Ճանճիկ աստծուն հարցնելու։ Ուրեմն այն մահճից, որի մեջ պառկել ես, ցած չես իջնելու, մեռնելու ես”»։

Դ ԹԱԳԱՎՈՐՆԵՐԻ 20:1

Այդ օրերին Եզեկիան մերձիմահ հիվանդացավ։ Նրա մոտ եկավ Ամովսի որդի Եսայի մարգարեն և ասաց նրան. «Այսպես է ասում Տերը. “Քո տան գործերը կարգի՛ դիր, քանզի դու չես առողջանալու, մեռնելու ես”»։

Դ ԹԱԳԱՎՈՐՆԵՐԻ 5:21

Գեեզին վազեց Նեեմանի հետևից, և երբ Նեեմանը տեսավ, որ նա իր հետևից է գալիս, մարտակառքից իջավ և նրան ընդառաջ գնալով՝

Դ ԹԱԳԱՎՈՐՆԵՐԻ 8:10

Եղիսեեն ասաց նրան. «Գնա ասա՛, որ կապրի, թեև Տերն ինձ ցույց է տվել, որ կմեռնի»։

Դ ԹԱԳԱՎՈՐՆԵՐԻ 8:8

Արքան ասաց Ազայելին. «Մի ընծա՛ վերցրու, ընդառա՛ջ գնա Աստծու մարդուն, նրա միջոցով Տիրոջը հարցրո՛ւ, թե կբուժվե՞մ արդյոք իմ այս հիվանդությունից»։

ՍԱՂՄՈՍՆԵՐ 132:3

Ինչպես ցող, որ ցողվում է Հերմոնից Սիոն լեռան վրա։ Տերն այնտեղ պատրաստեց օրհնությունը Եվ կյանքը հավիտենական։

ԱՌԱԿՆԵՐ 11:19

Արդար որդին կյանքի համար է ծնվում, իսկ ամբարիշտը հալածում է մահը։

ԵԶԵԿԻԵԼ 14:4

Ուստի խոսի՛ր նրանց հետ ու ասա՛. “Ամենակալ Տերն այսպես է ասում. Իսրայելի տնից ամեն ոք, ով իր կռապաշտական խորհուրդներն իր սրտի մեջ դնի, իր անիրավությունների պատճառած տանջանքներն էլ՝ իր աչքի առաջ և գա մարգարեի մոտ՝ նրա միջոցով ինձնից պատգամ հարցնելու, ես՝ Տերս, նրան պատասխան եմ տալու ըստ այն բանի, թե ի՛նչ ունի իր մտքում,