Գաղատացիներին 5:10 - Նոր Էջմիածին Աստվածաշունչ

¹⁰ Ես հույս ունեմ ձեր հանդեպ Տիրոջով, որ ուրիշ կերպ չեք խորհելու, իսկ ով խռովեցնում է ձեզ, դատապարտության է ենթարկվելու, ով էլ լինի։

Նոր վերանայված Արարատ Աստվածաշունչ

¹⁰ Ես ձեզ վրա Տիրոջով հույս ունեմ, որ ուրիշ բան չեք մտածի, ու ձեզ խռովեցնողը, ով էլ որ լինի, դատապարտության է ենթարկվելու։

Գաղատացիներին 5:10 Խաչաձեւ Հղումներ

Գաղատացիներին 5:12

Երանի՜ թե արմատից կտրվեին նրանք, ովքեր խռովեցնում են ձեզ։

Փիլիպպեցիներին 3:15

Այսուհետև ձեզնից նրանք, ովքեր կատարյալ են, նույն ձևով թող խորհեն, իսկ եթե որևէ բանի շուրջ ուրիշ կերպ խորհեք, Աստված ձեզ դրա մասին էլ կհայտնի։

Գաղատացիներին 1:7

Ուրիշ ավետարան չկա, այլ միայն կան ոմանք, որ ալեկոծում են ձեզ և ուզում են խեղաթյուրել Քրիստոսի Ավետարանը։

Բ Կորնթացիներին 2:3

Եվ այս ամենը գրեցի նրա համար, որ երբ գամ, տրտմություն չկրեմ նրանցից, որոնցով պետք է ուրախանամ. վստահ եմ ձեր բոլորի վրա, որ իմ ուրախությունը ձեր բոլորինն է։

Ա Տիմոթեոսին 1:20

Դրանց թվում են Հիմենոսն ու Ալեքսանդրոսը, որոնց հանձնեցի սատանային, որպեսզի սովորեն չհայհոյել։

Գաղատացիներին 6:17

Այսուհետև ոչ ոք թող ինձ նեղություն չպատճառի, որովհետև ես իմ մարմնի մեջ կրում եմ Քրիստոսի չարչարանքները։

Գաղատացիներին 4:17

Նրանք ձեր նախանձախնդրությունն են գրգռում ոչ բարի նպատակով և ուզում են խոչընդոտ լինել ձեզ, որպեսզի նախանձախնդիր լինեք իրենց հանդեպ։

Գաղատացիներին 3:1

Ո՛վ անմիտ գաղատացիներ, ո՞վ հրապուրեց ձեզ, որոնց աչքերի առաջ Հիսուս Քրիստոսը ներկայացվեց խաչված։

Գաղատացիներին 2:6

Ինչ վերաբերում է երևելիներին (ինձ համար կարևոր չէ, թե նրանք մի ժամանակ ի՛նչ են եղել, որովհետև Աստված մարդկանց միջև աչառություն չի անում (Բ Օր. 10.17բ)), այդ երևելիներն իմ ասածի վրա որևէ նոր բան չավելացրեցին։

Գաղատացիներին 2:4

որոնք սպրդել էին՝ լրտեսելու մեր այն ազատությունը, որ ունենք Քրիստոս Հիսուսով, որպեսզի մեզ ծառա դարձնեն։

Բ Կորնթացիներին 10:6

Եվ պատրաստ ենք պատժելու որևէ անհնազանդություն, երբ ձեր հնազանդությունը կատարյալ լինի։

Ա Կորնթացիներին 5:5

հանձնե՛ք այդպիսի մեկին սատանային՝ նրա մարմնի կորստյան համար, որպեսզի նրա հոգին փրկվի մեր Տեր Հիսուս Քրիստոսի դատաստանի օրը։

Գործք Առաքելոց 15:24

Քանի որ լսեցինք, թե մեզանից համարվող ոմանք, որոնց մենք նման հրաման չենք տվել, խռովեցրել են ձեզ խոսքերով և խախտել ձեր մտքերը՝ ասելով, թե պետք է թլփատվել և օրենքը պահել։

Փիլիմոնին 1:21

Քո հնազանդությանը վստահելով գրեցի քեզ, որովհետև գիտեմ, որ կանես ասածիցս շատ ավելին։

Բ Թեսաղոնիկեցիներին 3:4

Ձեզ վրա վստահ ենք Տիրոջով, որ այն, ինչ ձեզ պատվիրեցինք, և՛ կատարում եք, և՛ կատարելու եք։

Գաղատացիներին 4:20

Կուզենայի այժմ ձեզ մոտ լինել և փոխել խոսելաոճս, որովհետև տարակուսանքի մեջ եմ ձեզ համար։

Գաղատացիներին 4:11

Վախենում եմ ձեզ համար, որ գուցե ձեր մեջ իզուր եմ աշխատել։

Բ Կորնթացիներին 13:10

Ուստի հեռվից այս ամենը գրում եմ, որ երբ գամ, խստությամբ չվարվեմ այն իշխանությամբ, որ Տերն ինձ տվեց՝ հաստատելու և ոչ թե քանդելու համար։

Բ Կորնթացիներին 10:2

Աղաչում եմ, մի՛ ստիպեք, որ երբ մոտ լինեմ, խստությամբ վարվեմ կամ հանդուգն գտնվեմ նրանց նկատմամբ, ովքեր կարծում են, թե մենք մարդկային շարժառիթներով ենք առաջնորդվում։

Բ Կորնթացիներին 8:22

Նրանց հետ ուղարկեցինք նաև մեր այն եղբորը, որին փորձեցինք շատ բաների մեջ՝ միշտ պատրաստակամ գտնելով։ Եվ այժմ նա է՛լ ավելի պատրաստակամ է ձեր հանդեպ իր ունեցած մեծ վստահությամբ։

Բ Կորնթացիներին 7:16

Արդ ուրախ եմ, որ ամբողջական վստահություն ունեմ ձեզ վրա։

Բ Կորնթացիներին 5:16

Այսուհետև մենք ոչ ոքի չենք ճանաչում մարդկային չափանիշով. որովհետև թեպետ մարդկային չափանիշով էինք ճանաչում Քրիստոսին, սակայն այժմ այլևս նույն ձևով չենք ճանաչում։

Բ Կորնթացիներին 2:6

Այդպիսի մեկի համար բավական է այն պատիժը, որը տրվեց շատերից։

Բ Կորնթացիներին 1:15

Այս վստահությամբ էի կամենում նախ գալ ձեզ մոտ, որպեսզի դուք կրկին շնորհ ընդունեք,

Գաղատացիներին 5:7

Լավ էիք ընթանում, ո՞վ ձեզ կանգնեցրեց, որ չհնազանդվեք ճշմարտությանը։