Գ ԹԱԳԱՎՈՐՆԵՐԻ 9:24 - Նոր Էջմիածին Աստվածաշունչ

²⁴ Փարավոնի դուստրը, Դավթի քաղաքից դուրս գալով, եկավ այն տունը, որ Սողոմոնը կառուցել էր իր համար։ Այդ ժամանակ էր, որ Սողոմոնը կառուցեց Մելոնը։

Նոր վերանայված Արարատ Աստվածաշունչ

²⁴ Եվ փարավոնի աղջիկը ելավ Դավթի քաղաքից ու գնաց այն տունը, որ Սողոմոնը շինել էր նրա համար. ապա կառուցեց Մելոնը։

Գ ԹԱԳԱՎՈՐՆԵՐԻ 9:24 Խաչաձեւ Հղումներ

Բ ՄՆԱՑՈՐԴԱՑ 32:5

Եզեկիան զորացավ և վերաշինեց բոլոր կործանված պարիսպներն ու աշտարակները, ինչպես նաև կառուցեց արտաքին մի ուրիշ պարիսպ։ Նա ամրացրեց Դավթի քաղաքի պատնեշները և շատ զենք պատրաստեց։

Գ ԹԱԳԱՎՈՐՆԵՐԻ 11:27

Ահա թե ինչ պատճառով նա ձեռք բարձրացրեց Սողոմոն արքայի դեմ։ Սողոմոն արքան կառուցեց միջնաբերդը և լցրեց իր հոր՝ Դավթի քաղաքի խրամատը։

Գ ԹԱԳԱՎՈՐՆԵՐԻ 7:8

Նրա տան մեջ, որտեղ բնակվում էր, նույն ձևով կառուցված կամարակապ մի սրահ կար։ Փարավոնի դստեր համար, որը Սողոմոնի կինն էր, նույն ձևով կամարակապ սրահ պատրաստեց։

Բ ԹԱԳԱՎՈՐՆԵՐԻ 5:9

Դավիթն ապրեց ամրոցում, և այն կոչվեց Դավթի քաղաք։ Նա շուրջանակի՝ ծայրից ծայր քաղաք շինեց և իր համար էլ՝ տուն։

Գ ԹԱԳԱՎՈՐՆԵՐԻ 3:1

Երբ Սողոմոնի թագավորությունն ամրապնդվեց, նախքան իր տան, Տիրոջ տան ու Երուսաղեմի շուրջանակի պարսպի շինարարության ավարտը նա խնամիություն հաստատեց փարավոնի՝ Եգիպտոսի արքայի հետ, առավ նրա դստերն ու բերեց Դավթի քաղաքը։

Բ ՄՆԱՑՈՐԴԱՑ 8:11

Սողոմոնը, փարավոնի դստերը հանելով Դավթի քաղաքից, բերեց այն տունը, որ կառուցել էր նրա համար, քանի որ ասաց. «Իմ կինը չպետք է բնակվի Իսրայելի արքա Դավթի քաղաքում, որովհետև սուրբ է այն վայրը, որտեղ Տիրոջ տապանակն է մտել»։

Բ ԹԱԳԱՎՈՐՆԵՐԻ 5:7

Դավիթը գրավեց Սիոնն ու նրա ամրոցը, որ Դավթի քաղաքն է։