Գ ԹԱԳԱՎՈՐՆԵՐԻ 9:21 - Նոր Էջմիածին Աստվածաշունչ

²¹ Սողոմոնը նրանց հարկատու ծառայության ենթարկեց, ինչպես որ մինչև այսօր են։

Նոր վերանայված Արարատ Աստվածաշունչ

²¹ այսինքն՝ նրանց որդիներին, որ իրենցից հետո մնացել էին երկրում, և որոնց Իսրայելի որդիները չէին կարողացել բնաջնջել, Սողոմոնը նրանց հարկատու ծառաներ դարձրեց մինչև այսօր։

Գ ԹԱԳԱՎՈՐՆԵՐԻ 9:21 Խաչաձեւ Հղումներ

Գ ԹԱԳԱՎՈՐՆԵՐԻ 5:13

Նա խոսել է ծառերի մասին՝ Լիբանանի մայրուց մինչև պատն ի վեր մագլցող զոպան, պատմել է անասունների, թռչունների ու ձկների մասին։

Գ ԹԱԳԱՎՈՐՆԵՐԻ 9:15

Սողոմոն արքայի սահմանած մարդահարկի նպատակն այն էր, որ կառուցի Տիրոջ տունը և արքայի տունը, Մելոնը և բարձրավանդակները, լցնի Դավթի քաղաքի խրամատները, կառուցի Ասուրը, Մայդանը և Երուսաղեմի պարիսպը, Եսերը, Մակեդդովն ու Գազերը,

Գ ԹԱԳԱՎՈՐՆԵՐԻ 9:20

Որպեսզի գլուխ չբարձրացնեն Իսրայելի ցեղին չպատկանող և ամորհացիներից, քետացիներից, փերեզացիներից, խևացիներից, քանանացիներից, հեբուսացիներից ու գերգեսացիներից երկրում կենդանի մնացած մարդիկ, որոնց իսրայելացիները չէին կարողացել կոտորել,

Ա ՄՆԱՑՈՐԴԱՑ 22:2

Դավիթը հրամայեց հավաքել Իսրայելի երկրում բնակվող բոլոր եկվորներին և նրանց քարհատներ նշանակեց, որ քարեր հատեն ու շինեն Աստծու տունը։

Բ ՄՆԱՑՈՐԴԱՑ 8:8

Իսրայելի կազմակերպած կոտորածից հետո երկրում վերապրած նրանց որդիներին Սողոմոնը հարկատու դարձրեց, և այդպես է մինչև այսօր։

ՆԵԵՄԻԱ 11:3

Սրանք են երկրի իշխանները, քահանաները, ղևտացիները, նաթանացիները և Սողոմոնի ծառաների որդիները, որոնք բնակվեցին Երուսաղեմում։

ՆԵԵՄԻԱ 7:57

Սողոմոնի ծառաների որդիները. Սուտիի որդիները, Սափարաթի որդիները, Փարեդայի որդիները,

ԱՌԱԿՆԵՐ 12:24

Ընտրյալների ձեռքը դյուրին պիտի հաղթի, նենգավորները պիտի հափշտակվեն։

Բ ՕՐԵՆՔ 20:11

Եթե խաղաղությունն ընդունեն և քո առջև բաց անեն դարպասները, ապա այդ քաղաքի մեջ գտնվող ամբողջ ժողովուրդը հարկատու և հնազանդ թող լինի քեզ։

ՀԵՍՈՒ 15:63

Հեբուսացիները բնակվում էին Երուսաղեմում, և Հուդայի որդիները չկարողացան մարտնչել նրանց դեմ, հեբուսացիները մինչև այսօր Երուսաղեմում բնակվում են Հուդայի որդիների հետ։

ՀԵՍՈՒ 16:10

Եփրեմյանները չվերացրեցին Գազերում բնակվող քանանացիներին, և քանանացիները բնակվեցին եփրեմյանների մեջ, մինչև որ եգիպտացիների փարավոն արքան ելավ գրավեց քաղաքը, այն հրով այրեց, ջարդեց Գազերում բնակվող քանանացիներին ու փերեզացիներին, այն օժիտ տվեց իր դստերը, և նրանք դարձան հարկատու ծառաներ։

ՀԵՍՈՒ 17:12

Մանասեի որդիները չկարողացան բնաջնջել այս քաղաքները, և քանանացիները շարունակեցին բնակվել այդ երկրում։

ՀԵՍՈՒ 17:13

Երբ իսրայելացիները զորացան, նրանք հնազանդեցրին քանանացիներին, բայց ամբողջովին չբնաջնջեցին նրանց։

ԴԱՏԱՎՈՐՆԵՐ 1:21

Բենիամինի որդիները Երուսաղեմում բնակվող հեբուսացիներին չնվաճեցին, և հեբուսացիները բնակվում են այնտեղ Բենիամինի որդիների հետ մինչև այսօր։

ԴԱՏԱՎՈՐՆԵՐ 1:36

Ամորհացիներն Ակրաբիմի զառիվայրի վրա, Վեմից սկսած և դեպի վեր սահմանակից էին եդովմացիներին։

ԴԱՏԱՎՈՐՆԵՐ 2:20

Տերը սաստիկ բարկացավ Իսրայելի վրա ու ասաց. «Քանի որ այս ազգը զանց արեց իմ ուխտը, որը ես դրել էի նրանց հայրերի հետ, և չլսեց իմ ձայնը,

ԴԱՏԱՎՈՐՆԵՐ 3:1

Սրանք են այն ազգերը, որոնց թողեց Հեսուն, որպեսզի նրանցով փորձվի Իսրայելի այն մասը, որը չէր մասնակցել Քանանին տիրելու պատերազմներին.