Գ ԹԱԳԱՎՈՐՆԵՐԻ 6:27 - Նոր Էջմիածին Աստվածաշունչ

²⁷ Երկու քերովբեները դրեց ներսի սենյակում և նրանց թևերը տարածեց. մի քերովբեի մեկ թևը հասնում էր մի պատին, իսկ երկրորդ քերովբեի մեկ թևը՝ մյուս պատին։ Նրանց մյուս թևերը սենյակում գալիս միանում էին իրար։

Նոր վերանայված Արարատ Աստվածաշունչ

²⁷ Եվ քերովբեներին դրեց տան ներսում, տարածեցին նրանց թևերը, և մեկի թևը դիպչում էր մի պատին, երկրորդ քերովբեի թևն էլ՝ մյուս պատին. մյուս թևերը տան մեջտեղում դիպչում էին թև թևի։

Գ ԹԱԳԱՎՈՐՆԵՐԻ 6:27 Խաչաձեւ Հղումներ

Գ ԹԱԳԱՎՈՐՆԵՐԻ 6:26

Մի քերովբեի բարձրությունը տասը կանգուն էր, նույնը և երկրորդ քերովբեինը։

Գ ԹԱԳԱՎՈՐՆԵՐԻ 6:28

Նա քերովբեները ոսկով պատեց։

Գ ԹԱԳԱՎՈՐՆԵՐԻ 8:6

Քահանաները Տիրոջ Ուխտի տապանակը տարան ներսի մասը, իր տեղը՝ Սրբություն սրբոց, և տեղադրեցին քերովբեների թևերի ներքո։

Գ ԹԱԳԱՎՈՐՆԵՐԻ 8:7

Քերովբեները թևերը տարածել էին տապանակի վրա, և նրանք վերևից ծածկում էին տապանակն ու դրա սրբությունները։

Բ ՄՆԱՑՈՐԴԱՑ 3:11

Քերովբեների թևերի երկարությունը քսան կանգուն էր. ամեն մի թևը՝ հինգ կանգուն, կպած սրահի պատին, և մյուս թևը՝ հինգ կանգուն, կպած մյուս քերովբեի թևին։

Բ ՄՆԱՑՈՐԴԱՑ 5:8

Քերովբեները, իրենց թևերը տարածելով տապանակի վրա, վերևից ծածկում էին տապանակն ու այն վերցնելու ձողերը։

ԵԼՔ 25:20

թող քերովբեները դեպի վեր տարածեն իրենց թևերը և իրենց թևերով հովանի անեն Քավության վրա։ Նրանց դեմքերը թող նայեն միմյանց, որպեսզի քերովբեների երեսները հայեն Քավությանը։

ԵԼՔ 37:9

Քերովբեները դեպի վեր էին տարածել իրենց թևերը և իրենց թևերով հովանի էին անում Քավության վրա։ Քավության վրայի քերովբեների դեմքերը նայում էին միմյանց։