Գ ԹԱԳԱՎՈՐՆԵՐԻ 3:1 - Նոր Էջմիածին Աստվածաշունչ

¹ Երբ Սողոմոնի թագավորությունն ամրապնդվեց, նախքան իր տան, Տիրոջ տան ու Երուսաղեմի շուրջանակի պարսպի շինարարության ավարտը նա խնամիություն հաստատեց փարավոնի՝ Եգիպտոսի արքայի հետ, առավ նրա դստերն ու բերեց Դավթի քաղաքը։

Նոր վերանայված Արարատ Աստվածաշունչ

¹ Եվ Սողոմոնը խնամիացավ Եգիպտոսի թագավոր փարավոնի հետ և կին առավ փարավոնի աղջկան ու նրան բերեց Դավթի քաղաք՝ դեռևս չվերջացրած իր պալատի և Տիրոջ տան ու Երուսաղեմի շրջապարսպի շինարարությունը։

Գ ԹԱԳԱՎՈՐՆԵՐԻ 3:1 Խաչաձեւ Հղումներ

Գ ԹԱԳԱՎՈՐՆԵՐԻ 9:24

Փարավոնի դուստրը, Դավթի քաղաքից դուրս գալով, եկավ այն տունը, որ Սողոմոնը կառուցել էր իր համար։ Այդ ժամանակ էր, որ Սողոմոնը կառուցեց Մելոնը։

Գ ԹԱԳԱՎՈՐՆԵՐԻ 11:1

Սողոմոն արքան կնամոլ էր. նա կնության առավ շատ օտար կանանց. փարավոնի աղջկան, մովաբացի, ամովնացի, եդովմացի, ասորի, քետացի, ամորհացի

Բ ՄՆԱՑՈՐԴԱՑ 8:11

Սողոմոնը, փարավոնի դստերը հանելով Դավթի քաղաքից, բերեց այն տունը, որ կառուցել էր նրա համար, քանի որ ասաց. «Իմ կինը չպետք է բնակվի Իսրայելի արքա Դավթի քաղաքում, որովհետև սուրբ է այն վայրը, որտեղ Տիրոջ տապանակն է մտել»։

Գ ԹԱԳԱՎՈՐՆԵՐԻ 6:1

Իսրայելացիների՝ Եգիպտոսից դուրս գալու չորս հարյուր քառասուներորդ տարում և Սողոմոն արքայի՝ Իսրայելի վրա թագավորելու չորրորդ տարվա երկրորդ ամսում Սողոմոնն սկսեց կառուցել Տիրոջ տունը։

Բ ԹԱԳԱՎՈՐՆԵՐԻ 5:7

Դավիթը գրավեց Սիոնն ու նրա ամրոցը, որ Դավթի քաղաքն է։

ԵԶՐԱՍ 5:11

Հրեաները, պատասխան տալով, մեզ այսպես ասացին. “Մենք Տիրոջ՝ երկնքի և երկրի Աստծու ծառաներն ենք և շինում ենք այս տունը, ինչպես շինված էր շատ տարիներ առաջ Իսրայելի մեծն Սողոմոն թագավորի կողմից, և նույն օրինակով էլ մենք կառուցում ենք այն։

Բ ՄՆԱՑՈՐԴԱՑ 18:1

Հովսափատն է՛լ ավելի շատ հարստություն ու մեծ փառք ունեցավ և խնամություն արեց Աքաաբի տան հետ։

Ա ՄՆԱՑՈՐԴԱՑ 11:7

Դավիթը նստեց ամրոցում, այդ պատճառով այն կոչեց Դավթի քաղաք։

ԵԶՐԱՍ 9:14

Իսկ մենք, անտեսելով քո օրենքները, դարձյալ խոտորվեցինք և խառնակվեցինք երկրի հեթանոսների աղտեղությունների հետ, սակայն դու չբարկացար և չոչնչացրիր մեզ այն աստիճան, որ ոչ մի զավակ կամ արմատ չմնար։

Գ ԹԱԳԱՎՈՐՆԵՐԻ 2:10

Եվ Դավիթը գնաց իր նախնիների մոտ։ Նա թաղվեց Դավթի քաղաքում։

Գ ԹԱԳԱՎՈՐՆԵՐԻ 7:1

Սողոմոնն իր պալատը կառուցեց տասներեք տարում և ամբողջովին ավարտեց այն։

Գ ԹԱԳԱՎՈՐՆԵՐԻ 7:8

Նրա տան մեջ, որտեղ բնակվում էր, նույն ձևով կառուցված կամարակապ մի սրահ կար։ Փարավոնի դստեր համար, որը Սողոմոնի կինն էր, նույն ձևով կամարակապ սրահ պատրաստեց։

Գ ԹԱԳԱՎՈՐՆԵՐԻ 9:10

Քսան տարվա ընթացքում, երբ Սողոմոնը կառուցում էր երկու տները՝ Տիրոջ տունն ու արքայի տունը,

Բ ՕՐԵՆՔ 23:8

Սակայն եդովմացուց մի՛ խորշիր, որովհետև նա քո եղբայրն է։ Եգիպտացուց նույնպես մի՛ խորշիր, որովհետև պանդուխտ էիր նրա երկրում։

Գ ԹԱԳԱՎՈՐՆԵՐԻ 9:1

Երբ Սողոմոնն ավարտեց Տիրոջ տան և արքունի տան շինությունը, ինչպես նաև այն բոլոր շինությունները, որ նա կամենում էր կատարել,