Գ ԹԱԳԱՎՈՐՆԵՐԻ 22:48 - Նոր Էջմիածին Աստվածաշունչ

⁴⁸ Այդ ժամանակ Եդովմում թագավոր չկար։

Նոր վերանայված Արարատ Աստվածաշունչ

⁴⁸ Այդ ժամանակ Եդովմում թագավոր չկար, մի փոխարքա էր։

Գ ԹԱԳԱՎՈՐՆԵՐԻ 22:48 Խաչաձեւ Հղումներ

ԾՆՆԴՈՑ 27:37

Իսահակը նրան պատասխանեց. «Քանի որ նրան քեզ տեր դարձրի և քո բոլոր եղբայրներին՝ նրան ծառաներ, և նրան ապահովեցի ցորենով ու գինով, ի՞նչ կարող եմ անել քեզ համար, որդյա՛կ»։

Բ ԹԱԳԱՎՈՐՆԵՐԻ 8:14

Նա Եդովմի մեջ՝ եդովմացիների երկրի բոլոր տեղերում, բերդապահ զորքեր դրեց, և բոլոր եդովմացիները դարձան արքայի հպատակները։ Տերը հովանավորում էր Դավթին ամենուրեք, ուր էլ որ նա գնում էր։

Գ ԹԱԳԱՎՈՐՆԵՐԻ 10:22

Սողոմոն արքան ծովում մինչև Թարսիս հասնելու կարող նավ ուներ Քիրամի նավերի հետ, և երեք տարին մեկ Թարսիսից մի նավ էր գալիս՝ բեռնված ոսկով, արծաթով, փղոսկրով, կապիկներով ու սիրամարգերով։

Գ ԹԱԳԱՎՈՐՆԵՐԻ 22:49

Հովսափատ արքան Թարսիս հասնելու կարող նավեր պատրաստեց, որ գնան Օփիր՝ ոսկի ձեռք բերելու, սակայն նավերը տեղ չկարողացան հասնել, որովհետև Ասիոնգաբերում նավաբեկության ենթարկվեցին։

Գ ԹԱԳԱՎՈՐՆԵՐԻ 9:26

Եվ Սողոմոն արքան նավ կառուցեց Գասիոն Գաբերում, որ Ելաթի մոտ է գտնվում, Կարմիր ծովի եզրին՝ Եդովմի երկրում։

Գ ԹԱԳԱՎՈՐՆԵՐԻ 9:28

եկան Սովփերա և այնտեղից չորս հարյուր քսան տաղանդ ոսկի բերեցին Սողոմոն արքային։

Դ ԹԱԳԱՎՈՐՆԵՐԻ 3:9

Իսրայելի արքան, Հուդայի արքան և Եդովմի արքան գնացին, յոթ օրվա ճանապարհ կտրեցին, սակայն ջուր չկար ո՛չ բանակի, ո՛չ էլ իրենց հետ եղող անասունների համար։

Դ ԹԱԳԱՎՈՐՆԵՐԻ 8:20

Նրա օրոք Եդովմն ապստամբեց Հուդայի դեմ և իր համար առանձին մի թագավոր օծեց։

Բ ՄՆԱՑՈՐԴԱՑ 20:21

Նա խորհուրդ արեց ժողովրդի հետ և սաղմոսերգուներ ու օրհներգուներ կարգեց, որ զորքի առջևից ընթանալիս փառք տան ու օրհնաբանեն սրբությունները։ Նրանք ասում էին. «Փառաբանենք Տիրոջը, քանզի նրա ողորմությունը հավիտյան է»։

Բ ՄՆԱՑՈՐԴԱՑ 25:7

Նրա մոտ Աստծու մի մարդ եկավ և ասաց. «Արքա՛, թող Իսրայելի զորքերը քեզ հետ չգնան, որովհետև Տերն Իսրայելի՝ Եփրեմի որդիների հետ չէ։

Բ ՄՆԱՑՈՐԴԱՑ 9:21

քանի որ Սողոմոն արքայի Թարսիս նավախումբը Քիրամի ծառաների անձնակազմով երկար ճամփորդություններ էր անում։ Երեք տարին մեկ արքայական Թարսիս նավախումբը վերադառնում էր՝ լի ոսկով, արծաթով, փղոսկրով, կապիկներով ու սիրամարգերով։

ՍԱՂՄՈՍՆԵՐ 45:9

Եկե՛ք և տեսե՛ք Աստծու գործերը, Որ հրաշքներ և նշաններ գործեց երկրի վրա.

ՍԱՂՄՈՍՆԵՐ 48:7

Եվ նրանցից, ովքեր իրենց զորության վրա են հույս դնում, Իրենց մեծ հարստությամբ են պարծենում։

ԵՍԱՅԻ 2:16

ծովի բոլոր նավերի դեմ, բոլոր վեհաշուք նավերի դեմ։

ԵՍԱՅԻ 60:9

Ինձ են սպասում կղզիները և Թարսիսի նավերը, որպեսզի սկզբից հեռուներից բերեն քո որդիներին և նրանց հետ՝ արծաթն ու ոսկին, Տիրոջ սուրբ անվան համար, Իսրայելի փառավորյալ Սրբի համար։

ՀՈՎՆԱՆ 1:3

Սակայն Հովնանը ելավ Տիրոջ երեսից փախչելու Թարսիս. իջավ Հոպպե և գտավ մի նավ, որ Թարսիս էր գնում. տվեց գինը և այնտեղ մտավ՝ Տիրոջ երեսից նրանց հետ Թարսիս նավարկելու։