Գ ԹԱԳԱՎՈՐՆԵՐԻ 2:7 - Նոր Էջմիածին Աստվածաշունչ

⁷ Գաղաադացի Բերզելիի որդիներին ողորմությո՛ւն արա, նրանք թող քո սեղանից ուտողների մեջ լինեն, որովհետև նրանք ինձ աջակից եղան, երբ ես փախչում էի քո եղբայր Աբեսաղոմից։

Նոր վերանայված Արարատ Աստվածաշունչ

⁷ Բայց գաղաադացի Բերզելիի որդիներին բարությո՛ւն արա, որ լինեն քո սեղանից ուտողների հետ, որովհետև նրանք ինձ հետ այդպես վարվեցին, երբ ես փախչում էի քո եղբայր Աբիսողոմից։

Գ ԹԱԳԱՎՈՐՆԵՐԻ 2:7 Խաչաձեւ Հղումներ

ԾՆՆԴՈՑ 40:14

Եվ երբ այս բարիքը լինի քեզ, հիշի՛ր ինձ և ողորմությո՛ւն արա ինձ. փարավոնի առաջ հիշի՛ր իմ անունը և ինձ հանի՛ր այս բանտից,

Բ ԹԱԳԱՎՈՐՆԵՐԻ 19:28

Իսկ նա՝ քո ծառան, տե՛ր իմ արքա, քեզ մոտ ինձ զրպարտել է։ Տե՛ր իմ արքա, որպես Աստծու հրեշտակ, բարի գործեր ես արել։ Արդ, արա՛, ինչ քո աչքին բարի է.

Բ ԹԱԳԱՎՈՐՆԵՐԻ 9:10

Դու, քո որդիներն ու քո ծառաները կմշակեք նրա հողը, հացը կբերեք քո տիրոջ տունը, որ ուտեն։ Քո տիրոջ որդի Մեմփիբոսթեն միշտ իմ սեղանից պիտի հաց ուտի»։ Սիբան ուներ տասնհինգ որդի և քսան ծառա։

Բ ԹԱԳԱՎՈՐՆԵՐԻ 9:7

Դավիթը նրան ասաց. «Մի՛ վախեցիր, որովհետև քո հայր Հովնաթանի համար քեզ բարերարություն պիտի անեմ. քո հոր հայր Սավուղի բոլոր արտերը քեզ պիտի վերադարձնեմ, և դու միշտ իմ սեղանից հաց պիտի ուտես»։

Դ ԹԱԳԱՎՈՐՆԵՐԻ 25:29

Նրա բանտային հագուստները փոխեց, և Հովաքինը միշտ նրա հետ էր հաց ուտում։

Դ ԹԱԳԱՎՈՐՆԵՐԻ 25:30

Հովաքինի ապրուստի միջոցները, որպես հանապազօրյա ապրուստի միջոցներ, նրան տրվում էին արքայական տնից ամեն օր մինչև նրա կյանքի վերջը։

ԵԶՐԱՍ 2:61

Նույնպես քահանաների որդիներից Աբաիայի որդիները, Ակուսի որդիները և Բերզեղայի որդիները։ Այս վերջինը կոչվեց այսպես, երբ իր համար կնության առավ Բերզեղա Գաղադացու դուստրերից։

ԱՌԱԿՆԵՐ 27:10

Մի՛ լքիր քո բարեկամին և քո հոր բարեկամին, և մի՛ մտիր եղբորդ տունը քո տառապանքի ժամանակ. մոտիկ հարևանը հեռու եղբորից լավ է։

ԵՐԵՄԻԱ 52:33

Փոխեց բանտի նրա պատմուճանը, և նա ինչքան ժամանակ որ ապրեց, ամեն օր միշտ արքայի մոտ էր հաց ուտում։

Ղուկաս 12:37

Երանի՜ այն ծառաներին, որոնց արթուն կգտնի տերը, երբ գա։ Ճշմարիտ եմ ասում ձեզ, որ նա գոտի կկապի մեջքին, սեղան կնստեցնի նրանց և կանցնի նրանց ծառայելու։