Գ ԹԱԳԱՎՈՐՆԵՐԻ 15:26 - Նոր Էջմիածին Աստվածաշունչ

²⁶ Նա չար գործեր արեց Տիրոջ առաջ, ընթացավ իր հոր գործած մեղքերի ճանապարհով և դրանցով էլ Իսրայելին մեղքի մեջ գցեց։

Նոր վերանայված Արարատ Աստվածաշունչ

²⁶ Նա չարիք գործեց Տիրոջ առաջ և գնաց իր հոր ճանապարհով ու նրա մեղքերով և դրանցով էլ մեղանչել տվեց Իսրայելին։

Գ ԹԱԳԱՎՈՐՆԵՐԻ 15:26 Խաչաձեւ Հղումներ

ԾՆՆԴՈՑ 20:9

Ապա Աբիմելեքը կանչեց Աբրահամին ու ասաց. «Մեզ այդ ի՞նչ արեցիր։ Մի՞թե մենք որևէ մեղք էինք գործել քո դեմ, որ իմ ու իմ թագավորության վրա այդպիսի մեծամեծ մեղք բարդեցիր։ Դու ինձ հետ արեցիր այն, ինչ ոչ ոք չի անի»։

Գ ԹԱԳԱՎՈՐՆԵՐԻ 14:16

Տերը կորստյան կմատնի Իսրայելին Հերոբովամի մեղքերի համար, որը մեղանչեց և Իսրայելին էլ մեղանչել տվեց»։

Գ ԹԱԳԱՎՈՐՆԵՐԻ 15:30

որովհետև Հերոբովամն ինքը շատ մեղքեր էր գործել և Իսրայելին էլ մեղքերի մեջ էր գցել ու դրանով զայրացրել Տիրոջը՝ Իսրայելի Աստծուն։

Գ ԹԱԳԱՎՈՐՆԵՐԻ 15:34

Նա չար գործեր արեց Տիրոջ առաջ, գնաց Նաբատի որդի Հերոբովամի գործած մեղքերի ճանապարհով և դրանցով Իսրայելին էլ մեղքերի մեջ գցեց։

Գ ԹԱԳԱՎՈՐՆԵՐԻ 16:19

Տիրոջ առաջ իր գործած մեղքերի պատճառով, քանի որ գնացել էր Նաբատի որդի Հերոբովամի գործած մեղքերի ճանապարհով և դրանցով էլ Իսրայելին մեղքի մեջ գցել։

Գ ԹԱԳԱՎՈՐՆԵՐԻ 16:30

Ամրիի որդի Աքաաբը Տիրոջ առջև առավել չար գտնվեց, քան իր բոլոր նախորդները։

Գ ԹԱԳԱՎՈՐՆԵՐԻ 16:7

Արդեն ասել ենք, որ Տերն Անանիայի որդի Հեու մարգարեի միջոցով խոսել էր Բաասայի, նրա տան և այն բոլոր չարիքների մասին, որ նա գործել էր Տիրոջ նկատմամբ, թե ինչպես իր կատարած գործերով նա բարկացրել էր նրան, և Տերը պատուհասել էր նրան այնպես, ինչպես Հերոբովամին։

Գ ԹԱԳԱՎՈՐՆԵՐԻ 21:22

Քո տունը դարձնելու եմ Նաբատի որդի Հերոբովամի տան նման և Աքիայի որդի Բաասի տան նման, որովհետև դու բարկացրիր ինձ և Իսրայելին մեղանչել տվեցիր։

Գ ԹԱԳԱՎՈՐՆԵՐԻ 22:52

Աքաաբի որդի Օքոզիան Սամարիայում Իսրայելի վրա թագավորեց Հուդայի արքա Հովսափատի թագավորության տասնյոթերորդ տարում։ Նա Իսրայելում թագավորեց երկու տարի։

Դ ԹԱԳԱՎՈՐՆԵՐԻ 21:11

«Քանի որ Հուդայի արքա Մանասեն այս գարշություններն արեց իմ առջև, առավել չարիք գործեց, քան ամորհացիներն էին արել իմ առջև, իր կուռքերով Հուդայի երկրին մեղանչել տվեց,

Դ ԹԱԳԱՎՈՐՆԵՐԻ 23:15

Բեթելի բարձունքում գտնվող զոհասեղանը, որ պատրաստել էր Իսրայելին մեղանչել տվող Նաբատի որդի Հերոբովամը, այս բարձր զոհասեղանը ևս կործանեց. նրա քարերը ջարդուփշուր անելով՝ փոշու վերածեց, իսկ պաշտամունքի սյունը այրեց։

Դ ԹԱԳԱՎՈՐՆԵՐԻ 3:3

Սակայն նա միացավ Նաբատի որդի Հերոբովամի գործած մեղքերին, որն Իսրայելին մեղանչել էր տվել, և դրանցից չհրաժարվեց։

ԵԼՔ 32:21

Մովսեսն ասաց Ահարոնին. «Ի՞նչ է արել քեզ այս ժողովուրդը, որ նրան այդպիսի մեծ մեղքերի մղեցիր»։

ԵՐԵՄԻԱ 32:35

Իրենց աղտեղությունների համար Ենովմացիների ձորում Բահաղին բագիններ կանգնեցրին, որպեսզի իրենց տղաներին ու աղջիկներին զոհ մատուցեն Մողոքին, մի բան, որ ես չէի պատվիրել նրանց, և ոչ էլ մտքովս անցել էր նրանց կատարել տալ այդ պղծությունը՝ Հուդային հանցանքի մեջ գցելու համար»։

Հռոմեացիներին 14:15

Եթե ուտելիքի պատճառով եղբայրդ մտատանջվում է, այլևս սիրով չես վարվում։ Քո ուտելիքով մի՛ կործանիր նրան, ում համար Քրիստոսը մեռավ։

Ա ԹԱԳԱՎՈՐՆԵՐԻ 2:24

Մի՛ արեք, որդյակնե՛ր, իմ լսած լուրը բարի չէ, դուք Աստծու ժողովրդին չեք ծառայում։