Գ ԹԱԳԱՎՈՐՆԵՐԻ 13:4 - Նոր Էջմիածին Աստվածաշունչ

⁴ Երբ Հերոբովամ արքան լսեց Աստծու մարդու՝ Բեթելում գտնվող զոհասեղանին ուղղված խոսքերը, իր ձեռքը մեկնեց զոհասեղանի վրայից՝ ասելով. «Բռնե՛ք դրան», բայց դեպի նա մեկնված նրա ձեռքը գոսացավ, և չկարողացավ այն հետ քաշել իրեն,

Նոր վերանայված Արարատ Աստվածաշունչ

⁴ Եվ երբ թագավորը լսեց Աստծու մարդու այն խոսքը, որ կանչել էր Բեթելում եղած զոհասեղանի դեմ, այդ ժամանակ Հերոբովամն իր ձեռքը մեկնեց զոհասեղանի վրայից՝ ասելով. «Բռնեցե՛ք դրան». սակայն նրա ձեռքը չորացավ, որ մեկնել էր զոհասեղանի վրայից, և չկարողացավ այն ետ քաշել դեպի իրեն։

Գ ԹԱԳԱՎՈՐՆԵՐԻ 13:4 Խաչաձեւ Հղումներ

Հայտնություն 11:5

Եվ ովքեր ուզենան նրանց վնասել, կրակ պիտի ելնի երկու վկաների բերանից և պիտի լափի նրանց թշնամիներին։ Եվ նրանց վնասել կամեցողներն այսպես պիտի կործանվեն։

ՀՈՎՀԱՆՆԵՍ 18:6

Երբ Հիսուսն ասաց՝ «Ես եմ», հետ-հետ գնացին ու ընկան գետնին։

ՀՈՎՀԱՆՆԵՍ 13:20

Ճշմարիտ, ճշմարիտ եմ ասում ձեզ, իմ ուղարկածին ընդունողն ինձ է ընդունում, և ինձ ընդունողն ընդունում է նրան, ով ուղարկեց ինձ»։

Ղուկաս 6:10

Եվ շուրջը հավաքված բոլորի վրա զայրագին նայելով՝ ասաց մարդուն. «Ձեռքդ երկարի՛ր»։ Նա երկարեց, և նրա ձեռքն առողջացավ մյուսի նման։

Մատթեոս 26:57

Իսկ նրանք ձերբակալեցին Հիսուսին և տարան Կայիափա քահանայապետի մոտ, որտեղ հավաքված էին դպիրներն ու ծերերը։

Մատթեոս 25:40

Թագավորը կպատասխանի և նրանց կասի. “Ճշմարիտ եմ ասում ձեզ, քանի որ իմ այս փոքրիկ եղբայրներից մեկին արեցիք, ի՛նձ համար արեցիք”։

ՍԱՂՄՈՍՆԵՐ 105:15

Նրանց տվեց իրենց խնդրածը Եվ լիություն ուղարկեց նրանց անձանց։

Բ ՄՆԱՑՈՐԴԱՑ 16:10

Ասան զայրացավ մարգարեի վրա և նրան բանտարկեց, որովհետև այդ բանի համար բարկացել էր։ Այդ ժամանակ Ասան նաև սկսեց դաժան վերաբերվել ժողովրդին։

ԾՆՆԴՈՑ 19:11

իսկ դռան մոտ գտնվող մարդկանց՝ փոքրից մինչև մեծ, կուրացրին, և սրանք հոգնեցին դուռը փնտրելուց։

Գ ԹԱԳԱՎՈՐՆԵՐԻ 13:3

Իր ասածը հաստատելու համար նշան տվեց՝ ասելով. «Այս է նշանը, որ Տերն է ասել. “Հիմա զոհասեղանը կպատռվի, իսկ դրա վրայինը կթափվի”»։

Գ ԹԱԳԱՎՈՐՆԵՐԻ 13:5

զոհասեղանը պատռվեց, և զոհասեղանի վրայինը թափվեց, ըստ այն նշանի, որ տվել էր Աստծու մարդը Տիրոջ թելադրանքով։

Գ ԹԱԳԱՎՈՐՆԵՐԻ 12:29

Նա կուռքերից մեկը դրեց Դանում, իսկ մյուսը՝ Բեթելում։

Գ ԹԱԳԱՎՈՐՆԵՐԻ 22:27

ասե՛ք. “Այսպես է հրամայում արքան. “Բանտարկե՛ք սրան, և թող մի կտոր հաց ուտի ու մի կում ջուր խմի, մինչև որ ողջ և առողջ վերադառնամ պատերազմից”»։