Բ ՕՐԵՆՔ 33:11 - Նոր Էջմիածին Աստվածաշունչ

¹¹ Տե՜ր, օրհնի՛ր նրա զորությունը և ընդունի՛ր նրա ձեռքի գործերը։ Ջարդի՛ր նրա վրա հարձակվող թշնամիների մեջքը, որպեսզի նրան ատող մարդիկ ոտքի չկանգնեն»։

Նոր վերանայված Արարատ Աստվածաշունչ

¹¹ Տե՛ր, օրհնի՛ր նրա զորությունը, Ընդունի՛ր նրա ձեռքի գործերը, Փշրի՛ր նրա հակառակորդների մեջքը, Որպեսզի նրան ատողներն այլևս ոտքի չկանգնեն»։

Բ ՕՐԵՆՔ 33:11 Խաչաձեւ Հղումներ

ԵԶԵԿԻԵԼ 43:27

և երբ ութերորդ օրը լինի, քահանաները թող սեղանի վրա անեն ձեր ողջակեզը, և դա թող լինի ձեր փրկության համար։ Ես էլ կընդունեմ ձեզ”»,- ասում է Տերը՝ Աստված։

Բ ԹԱԳԱՎՈՐՆԵՐԻ 24:23

Ոռնան, ամեն ինչ տալով արքային, նրան ասաց. «Թող Տերը՝ քո Աստվածը, քեզ օրհնի»։

Ա Թեսաղոնիկեցիներին 4:8

Ահա թե ինչու, ով անարգում է այս պատվերը, ոչ թե մարդուն է անարգում, այլ Աստծուն, որ Սուրբ Հոգին շնորհեց ձեզ։

Ղուկաս 10:16

Ով ձեզ լսում է, ինձ է լսում, և ով ձեզ մերժում է, ինձ է մերժում, և ով ինձ է մերժում, ինձ ուղարկողին է մերժում, և ով ինձ է լսում, լսում է նրան, ով ինձ ուղարկեց»։

ԱՄՈՎՍ 5:10

Ատեցին հանդիմանողներին դռների առաջ և սուրբ խոսքերը պղծեցին։

ԵՐԵՄԻԱ 15:10

Վա՜յ ինձ, վա՜յ ինձ, մա՛յր իմ. իբրև ո՞ւմ ծնեցիր ինձ. իբրև մի մարդո՞ւ, որին երկրում ամենուրեք դատափետել են, քաշքշել դատարան։ Ո՛չ ես եմ ինչ-որ բան պարտք, ո՛չ էլ ուրիշն է ինձ որևէ բան պարտք, բայց ինձ անիծողներից իմ ուժն սպառվեց։

ԵՍԱՅԻ 29:21

նրանց հետ նաև նրանք, ովքեր խոսքով ստիպում էին մարդկանց մեղանչել, իրենց հանդիմանողներին արգելք էին լինում և անարդարությամբ շեղում իրավունքը։

ՍԱՂՄՈՍՆԵՐ 20:3

Նրա սրտի ուզածը տվեցիր նրան Եվ նրա շրթունքների ցանկությունը չմերժեցիր նրան։

Բ ՕՐԵՆՔ 33:10

Քո իրավունքները կպատմեն Հակոբին, քո օրենքները՝ Իսրայելին։ Քո զոհասեղանի վրա նրանք մշտապես խունկ պիտի ծխեն քո արդար բարկությունը մեղմելու համար։

Բ ՕՐԵՆՔ 33:12

Բենիամինի մասին ասաց. «Տիրոջ սիրելին ապահով թող ապրի. Աստված նրան հովանի թող լինի ամեն օր, և Նա նրա ուսերին կհանգստանա»։

ԵՐԵՄԻԱ 17:18

Իմ հալածիչնե՛րը թող ամոթահար լինեն, և ոչ թե ես ամաչեմ, նրա՛նք թող զարհուրեն, և ոչ թե ես զարհուրեմ. սև օ՛ր բեր նրանց գլխին, կրկնակի հարվածի ենթարկելով՝ կոտորի՛ր նրանց։