Բ ՕՐԵՆՔ 28:53 - Նոր Էջմիածին Աստվածաշունչ

⁵³ Քո թշնամու՝ քեզ պատճառած տառապանքի ու նեղության ժամանակ կուտես քո որովայնի ծնունդները՝ Տիրոջ քեզ տված տղաներիդ ու աղջիկներիդ միսը։

Նոր վերանայված Արարատ Աստվածաշունչ

⁵³ Քո պաշարման ժամանակ և քո թշնամու քեզ պատճառած նեղության ժամանակ դու կուտես քո որովայնի ծնունդները՝ քո Տեր Աստծու քեզ տված քո տղաների և աղջիկների միսը։

Բ ՕՐԵՆՔ 28:53 Խաչաձեւ Հղումներ

ԵՐԵՄԻԱ 19:9

Նեղության ու պաշարման մեջ նրանք ուտելու են իրենց որդիների մարմինները և մարմինները դուստրերի, յուրաքանչյուրը՝ իր ընկերոջ մարմինը։ Նրանց պաշարելու են իրենց թշնամիները, որոնք ցանկանում էին տիրել նրանց հոգիներին։

ԵՐԵՄԻԱՅԻ ՈՂԲԵՐԸ 2:20

Տե՛ս, ո՛վ Տեր, նայի՛ր՝ ո՞ւմ այսպես ճռաքաղ արեցիր, որ կանայք ուտեն իրենց որովայնի պտուղը, ճռաքաղ արեցիր, ներս տարար, տվեցիր խոհարարներին, որ ներսում՝ Տիրոջ սրբարանի մեջ, մորթեն ծծկեր մանուկներին, քահանային ու մարգարեին։

ԵՐԵՄԻԱՅԻ ՈՂԲԵՐԸ 4:10

Գթասիրտ կանանց ձեռքերը եփեցին իրենց մանուկներին, որոնք իմ ժողովրդի դստեր կործանման ժամանակ նրանց համար կերակուր դարձան։

ԵԶԵԿԻԵԼ 5:10

Դրա համար ձեր մեջ հայրերը կուտեն որդիներին, որդիներն էլ՝ հայրերին։ Ձեր մեջ դատաստան կանեմ և այն ամենը, ինչ կմնա ձեզանից, ցրիվ կտամ բոլոր ուղղություններով։

ՂԵՎՏԱԿԱՆ 26:29

Եվ կուտեք ձեր տղաների մարմինները, կուտեք ձեր դուստրերի մարմինները։

Մատթեոս 24:19

Բայց վա՜յ հղիներին ու ստնտուներին այդ օրերին։

Բ ՕՐԵՆՔ 28:18

Անիծյալ՝ քո որովայնի ծնունդները, քո երկրի բերքը, քո արջառների նախիրներն ու ոչխարների հոտերը։

Բ ՕՐԵՆՔ 28:54

Ձեր մեջ գտնվող ամենափափկակյաց և նուրբ տղամարդը չար աչքով պիտի նայի իր եղբորը, ինչպես նաև իր ծոցում պառկող կնոջն ու ողջ մնացած իր որդիներին,

Բ ՕՐԵՆՔ 28:55

և նրանցից ոչ մեկին չի տա իր որդիների մսից, որ ինքը կուտի։ Այսպես պիտի վարվի նա, որովհետև քո անձկության և նեղության մեջ, որոնցով պիտի նեղեն քեզ քո թշնամիները քո բոլոր քաղաքներում, նրան ուտելու ոչինչ չպիտի մնա։

Բ ՕՐԵՆՔ 28:57

Զրկված լինելու պատճառով նա իր անձկության և նեղության մեջ բոլորից թաքուն պիտի խորովի և ուտի իր միջից ընկած ընկերքն ու իր իսկ ծնած զավակին, որովհետև թշնամին քո բոլոր քաղաքներում քեզ տառապանք է պատճառելու։