Բ ՕՐԵՆՔ 28:49 - Նոր Էջմիածին Աստվածաշունչ

⁴⁹ Քո դեմ կհանի մի ազգ, հեռու վայրերից՝ երկրի ծագերից, նման խոյացող արծվի, ազգ, որի լեզուն չես հասկանա։

Նոր վերանայված Արարատ Աստվածաշունչ

⁴⁹ Տերը հեռվից՝ երկրի ծայրից, արծվի թռիչքի նման քեզ վրա մի ազգ կհանի, մի ազգ, որի լեզուն դու չես հասկանա,

Բ ՕՐԵՆՔ 28:49 Խաչաձեւ Հղումներ

ԵՐԵՄԻԱՅԻ ՈՂԲԵՐԸ 4:19

Լեռների վրա մեզ հալածողները թեթևաշարժ են. նրանք, ինչպես երկնային արծիվներ, ճախրեցին բարձր լեռների վրա և անապատում դարան մտած՝ պաշարեցին մեզ։

ԵՐԵՄԻԱ 49:22

Ահավասիկ թշնամին պիտի երևա արծվի պես, պիտի սլանա ու տարածի իր թևերը նրա ամրոցների վրա, և այդ օրը Եդովմի զորավոր մարդկանց սիրտը պիտի դառնա երկունքի մեջ գտնվող կանանց սրտի պես»։

ԵՐԵՄԻԱ 48:40

Այսպես է ասում Տերը. «Ահա արծվի նման թշնամին առաջ պիտի սլանա և իր թևերը տարածի Մովաբի վրա։

ՈՎՍԵԵ 8:1

«Կիջնի նրանց մեջտեղում՝ իբրև երկիր, և ինչպես արծիվ՝ Տիրոջ տան վրա, քանի որ դրժեցին իմ ուխտը և իմ օրենքի դեմ ամբարշտություն գործեցին։

ԵԶԵԿԻԵԼ 17:3

և ասա՛. “Ամենակալ Տերն այսպես է ասում. մի մեծ արծիվ՝ մեծաթև, երկայնատարած, խոշոր մագիլներով, մտադրվեց Լիբանան մտնել, մայրիների ամենաընտիրից վերցրեց,

ԵԶԵԿԻԵԼ 17:12

«Մարդո՛ւ որդի, ասա՛ Իսրայելի տանը՝ դառնացնող ժողովրդին. չգիտե՞ք, թե այդ ի՛նչ բան էր, որ ձեզ ասացի։ Երբ բաբելացիների թագավորը Երուսաղեմ գա, նրա թագավորին ու իշխաններին պիտի վերցնի և նրանց իր մոտ՝ Բաբելոն տանի։

Ա Կորնթացիներին 14:21

Օրենքի մեջ գրված է. «Օտար լեզուներով ու օտարների շուրթերով եմ խոսելու այդ ժողովրդի հետ, բայց ոչ էլ այդպես են լսելու ինձ» (Ես. 28.11-12)։

Մատթեոս 24:28

Որտեղ դիակն է, արծիվներն այնտեղ են հավաքվում»։

ԵՐԵՄԻԱ 4:13

Ահա նա ելնելու է որպես ամպ. նրա կառքերը նման են մրրիկի, նրա երիվարներն ավելի արագընթաց են, քան արծիվները։ Վա՜յ մեզ, որ թշվառացանք։

ԹՎԵՐ 24:24

Կիտացիները կգան ու կչարչարեն Ասուրին ու կչարչարեն եբրայեցիներին, բայց իրենք էլ գլխովին կկորչեն»։

ԵԶԵԿԻԵԼ 3:6

ո՛չ էլ բազում օտարազգիների կամ այլալեզուների և ո՛չ էլ խրթին լեզու ունեցողների, որոնց խոսքը չես հասկանում։ Եթե այդպիսիների մոտ անգամ ուղարկեի քեզ, նրանք, այնուամենայնիվ, քեզ կլսեին։

ԾՆՆԴՈՑ 11:7

Եկեք իջնենք և խառնենք նրանց լեզուներն այնպես, որ մեկը մյուսին չհասկանա»։

ՍԱՂՄՈՍՆԵՐ 81:5

Չիմացան և չհասկացան, խավարի մեջ ընթացան, Եվ երկրի բոլոր հիմքերը շարժվեցին։

ԱՌԱԿՆԵՐ 30:19

թռչող արծվի ուղին՝ օդում, օձի ճամփան՝ քարի վրա, ծովով անցնող նավի ճամփան և երիտասարդի ճանապարհները։

ԵՍԱՅԻ 7:18

Այդ օրը Տերը պիտի կանչի թշնամիներին, և ճանճերի նման պիտի թափվեն Եգիպտոսի գետի մյուս կողմից, և բոռերի նման՝ Ասորեստանի երկրից։

ԵՍԱՅԻ 33:19

նա խորհրդի չնստեց ժողովրդի հետ, որն անտեղյակ էր ու ծանրալեզու, որովհետև չէր լսում. վատթարացած մի ժողովուրդ, որ լսածի մասին չէր ուզում մտածել։

ԵՍԱՅԻ 39:3

Եվ ահա Եսայի մարգարեն ներկայացավ Եզեկիա արքային և ասաց նրան. «Ի՞նչ են ասում այդ մարդիկ, ո՞ր կողմերից են եկել մոտդ»։ Եզեկիան պատասխանեց. «Հեռավոր աշխարհից են եկել մոտս, Բաբելոնից»։

ԵԶԵԿԻԵԼ 11:9

Ձեզ նրա միջից դուրս եմ բերելու ու օտարների ձեռքն եմ մատնելու, ձեր մեջ դատաստան եմ անելու,