Բ ՕՐԵՆՔ 2:34 - Նոր Էջմիածին Աստվածաշունչ

³⁴ Այդ ժամանակ նվաճեցինք նրա բոլոր քաղաքները, մեկ առ մեկ ոչնչացրինք նրա բոլոր քաղաքները, նրանց կանանց ու նրանց ժառանգներին՝ ոչ ոքի կենդանի չթողնելով։

Նոր վերանայված Արարատ Աստվածաշունչ

³⁴ Այդ ժամանակ նրա բոլոր քաղաքները գրավեցինք և բոլոր քաղաքները, տղամարդկանց, կանանց ու երեխաներին բնաջնջեցինք. ոչ մեկին էլ ողջ չթողեցինք։

Բ ՕՐԵՆՔ 2:34 Խաչաձեւ Հղումներ

Բ ՕՐԵՆՔ 3:6

Նրանց կոտորեցինք այնպես, ինչպես Եսեբոնի արքա Սեհովնին։ Մեկ առ մեկ ոչնչացրինք բոլոր քաղաքները, ինչպես նաև նրանց կանանց ու մանուկներին։ Ոչ մեկը չազատվեց։

Բ ՕՐԵՆՔ 7:2

և Տերը՝ քո Աստվածը, նրանց մատնի քո ձեռքը, կհարվածես և կոչնչացնես նրանց։ Նրանց հետ ուխտ չդնես և նրանց չխնայես։

Բ ՕՐԵՆՔ 7:26

Այդպիսի պիղծ բան չտանես քո տունը, որպեսզի դու էլ դրա նման նզովված չլինես, այլ պետք է բոլորովին գարշես դրանից և պիղծ համարես այն, որովհետև այն նզովված է»։

ՀԵՍՈՒ 10:28

Այդ օրը գրավեցին նաև Մակեդան, սրի քաշեցին այն ու նրա թագավորին, բնաջնջեցին այն և նրա մեջ եղած բոլոր մարդկանց. ոչ մի ազատված կամ փախստական չմնաց նրանցից։ Մակեդայի թագավորի հետ էլ վարվեցին այնպես, ինչպես վարվել էին Երիքովի թագավորի հետ։

ՀԵՍՈՒ 10:40

Հեսուն գրավեց ողջ երկիրը՝ լեռնայինն ու Նագեբը [հարավային շրջանները], դաշտային շրջաններն ու Ասեդովթը [լեռնալանջերը]։ Ոչնչացրեց երկրի բոլոր թագավորներին, նրանցից ոչ մեկին ողջ չթողեց, բոլոր բնակիչներին սպանեց, ինչպես պատվիրել էր Տերը՝ Իսրայելի Աստվածը։

ՀԵՍՈՒ 11:14

Ամբողջ ավարն ու անասուններն Իսրայելի որդիները կողոպտեցին, իսկ բոլոր մարդկանց սրի քաշեցին, մինչև որ բնաջնջեցին նրանց և ոչ մի շնչավոր էակ չթողեցին։

ՀԵՍՈՒ 6:21

և նզովեցին այն։ Ինչ որ կար քաղաքում՝ այր թե կին, երիտասարդ թե ծեր, արջառ, ոչխար և էշ, բոլորը սրի քաշեցին։

ՀԵՍՈՒ 7:11

Ժողովուրդը մեղք գործեց, դրժեց իմ ուխտը, որ ուխտեցի նրանց, նրանք գողացան և վերցրին նզովված բաներից, ստեցին և դրեցին իրենց ամանների մեջ։

ՀԵՍՈՒ 9:24

Նրանք պատասխան տվեցին և ասացին Հեսուին. «Մեզ լուր հասավ, որ Տերը՝ քո Աստվածը, իր ծառա Մովսեսին հրամայել է, որ այս երկիրը ձեզ տա և մեզ ու այս երկրի բոլոր բնակիչներին ձեր առաջ բնաջինջ անի, ուստի մենք խիստ վախեցանք ձեզնից և այդ բանն արեցինք։

Ա ԹԱԳԱՎՈՐՆԵՐԻ 15:3

Արդ, գնա՛ և հարվածի՛ր Ամաղեկին ու Հարիմին և ոչնչացրո՛ւ այն ամենը, ինչ նրանց է պատկանում։ Նրանցից ոչ ոք չպետք է փրկվի։ Կկոտորես նրանց ու կոչնչացնես բոլորին՝ տղամարդ թե կին, երեխա թե կաթնակեր մանուկ, արջառ ու ոչխար, ուղտ ու էշ”»։