Բ ՄՆԱՑՈՐԴԱՑ 31:19 - Նոր Էջմիածին Աստվածաշունչ

¹⁹ Քաղաքի շուրջը բնակվող Ահարոնի որդիների՝ քահանաների համար յուրաքանչյուր քաղաքում անվանապես մարդիկ նշանակվեցին, որպեսզի բաժին տան քահանաների բոլոր արուներին ու ղևտացիների ցուցակի մեջ արձանագրված բոլոր մարդկանց։

Նոր վերանայված Արարատ Աստվածաշունչ

¹⁹ Իսկ Ահարոնի որդիների՝ քահանաների համար, որոնք բնակվում էին իրենց քաղաքների արվարձանների շրջակա գյուղերում, ամեն մի քաղաքում անվանապես մարդիկ էին նշանակված, որպեսզի բաժիններ տային արական սեռի քահանաներին և ղևտացիների ազգահամարում գրվածներին։

Բ ՄՆԱՑՈՐԴԱՑ 31:19 Խաչաձեւ Հղումներ

Ա ՄՆԱՑՈՐԴԱՑ 6:54

Սրանք են Կահաթի տոհմից սերված Ահարոնի որդիների բնակավայրերն իրենց գյուղերում ու իրենց սահմաններում, որովհետև դրանք էին նրանց բաժին ընկել։

Ա ՄՆԱՑՈՐԴԱՑ 6:60

Բենիամինի ցեղից տվեցին Գաբեեն՝ իր արվարձաններով, Գաղեմեթը՝ իր արվարձաններով, Ղաբեեն՝ իր արվարձաններով, Անաթովթը՝ իր արվարձաններով, Անքովսը՝ իր արվարձաններով։ Այդ տոհմերի բոլոր քաղաքների թիվը տասնչորս էր։

Բ ՄՆԱՑՈՐԴԱՑ 28:15

Ապա վեր կացան անվանապես նշանակված բոլոր մարդիկ և սկսեցին խնամել գերիներին։ Բոլոր մերկերին հագցրին ավարի մեջ եղած հագուստներից, կոշիկներ տվեցին, կերցրին, յուղով օծեցին, բոլոր տկարներին գրաստ տվեցին ու տարան Երիքով՝ Արմավենիների քաղաքը, իրենց եղբայրների մոտ, իսկ իրենք վերադարձան Սամարիա։

Բ ՄՆԱՑՈՐԴԱՑ 31:18

Մարդահամարի մեջ արձանագրված էին նաև նրանց տղաներն ու աղջիկները՝ ամբողջ բազմությամբ, քանի որ սրանք հավատարմորեն սրբագործեցին սրբարանը։

ՂԵՎՏԱԿԱՆ 25:32

Իսկ ղևտացիների քաղաքների տները, որոնք գտնվում են նրանց ժառանգական քաղաքներում, կարող են միշտ հետ գնվել ղևտացիների կողմից։

ՂԵՎՏԱԿԱՆ 25:34

Ղևտացիների ագարակները, որոնք քաղաքների շուրջն են գտնվում, վաճառքի ենթակա չեն, որովհետև դրանք նրանց հավիտենական կալվածքներն են։