Բ ՄՆԱՑՈՐԴԱՑ 26:8 - Նոր Էջմիածին Աստվածաշունչ

⁸ Մինեցիները հարկ էին տալիս Ոզիասին։ Նրա անունը տարածվեց մինչև Եգիպտոս, որովհետև նա շատ հզորացավ։

Նոր վերանայված Արարատ Աստվածաշունչ

⁸ Ամմոնացիները հարկ էին տալիս Ոզիային, և նրա անունը տարածվեց մինչև Եգիպտոսի սահմանը, որովհետև նա շատ հզորացավ։

Բ ՄՆԱՑՈՐԴԱՑ 26:8 Խաչաձեւ Հղումներ

Բ ՄՆԱՑՈՐԴԱՑ 17:11

Այլազգիները Հովսափատին բերում էին ընծաներ՝ ոսկի, արծաթ ու այլ նվերներ, իսկ արաբները նրան բերում էին յոթ հազար յոթ հարյուր խոյ և յոթ հազար յոթ հարյուր նոխազ։

Բ ԹԱԳԱՎՈՐՆԵՐԻ 8:2

Դավիթը հարվածեց Մովաբին, նրանց գետնին պառկեցրեց և չափեց նրանց պարանով. երկու պարանի չափ սպանելով և ամեն երկու պարան՝ կենդանի թողնելով։ Մովաբացիները Դավթի հարկատու հպատակները դարձան։

ԾՆՆԴՈՑ 19:38

Կրտսերը նույնպես որդի ծնեց և նրա անունը դրեց Ամման՝ ասելով. «Իմ ազգականի որդի է»։ Նա այսօրվա ամովնացիների նախահայրն է։

Մատթեոս 4:24

Նրա համբավը տարածվեց ողջ Ասորիքով մեկ, և նրա մոտ բերեցին զանազան ցավերով ու տանջանքներով տառապող ամեն մի հիվանդի, դիվահարի, լուսնոտի, անդամալույծի, և Հիսուսը բժշկեց նրանց։

Բ ՄՆԱՑՈՐԴԱՑ 20:1

Դրանից հետո ամովնացիներն ու մովաբացիները, նրանց հետ նաև մինեցիներից ոմանք եկան Հովսափատի դեմ պատերազմելու։

Բ ԹԱԳԱՎՈՐՆԵՐԻ 8:13

Դավիթն անվանի դարձավ. երբ նա վերադառնում էր ասորիների դեմ մարտից, Գաբեղեմում տասնութ հազար մարդ կոտորեց։

Ա ԹԱԳԱՎՈՐՆԵՐԻ 11:1

Մեկ ամիս անց Նաաս Ամովնացին ելավ ու բանակեց Գաղաադի Հաբիս քաղաքի շուրջը։ Հաբիսի բոլոր բնակիչները Նաաս Ամովնացուն ասացին. «Մեզ հետ դաշի՛նք կնքիր, և մենք կծառայենք քեզ»։

Բ ՕՐԵՆՔ 2:19

Եվ կմոտենաք Ամովնի որդիներին։ Նրանց հետ թշնամություն չանեք, նրանց դեմ պատերազմ չհրահրեք, որովհետև Ամովնի որդիների երկիրն իբրև սեփականություն ձեզ չեմ տա, որովհետև այն իբրև սեփականություն տվել եմ Ղովտի որդիներին։

ԾՆՆԴՈՑ 12:2

Քեզ մեծ ազգ պիտի դարձնեմ, պիտի օրհնեմ քեզ, փառավորեմ քո անունը, և դու օրհնյալ պիտի լինես։

Բ ՄՆԱՑՈՐԴԱՑ 26:9

Ոզիասը Երուսաղեմում Ձորի դռան ու Անկյան դռան մոտ աշտարակներ կառուցեց և ամրացրեց դրանք։

Ա ՄՆԱՑՈՐԴԱՑ 14:17

Դավթի անունն ամբողջ երկրում հռչակվեց, և Տերը նրա երկյուղը տարածեց բոլոր ազգերի վրա։

Բ ՄՆԱՑՈՐԴԱՑ 27:5

Նա կռվեց ամովնացիների արքայի դեմ և հաղթեց նրան. ամովնացիները նրան տարեկան հարյուր տաղանդ արծաթ, տասը հազար քոռ ցորեն ու տասը հազար քոռ գարի էին տալիս։ Այս ամենը Ամովնի արքան բերում էր ամեն տարի՝ թե՛ առաջին, թե՛ երկրորդ, թե՛ երրորդ տարում։