Բ ՄՆԱՑՈՐԴԱՑ 17:4 - Նոր Էջմիածին Աստվածաշունչ

⁴ այլ Տիրոջը՝ իր հոր Աստծուն պաշտեց, իր հոր պատվիրաններով առաջնորդվեց և ոչ թե Իսրայելի թագավորության նման վարվեց։

Նոր վերանայված Արարատ Աստվածաշունչ

⁴ այլ իր հոր Աստծուն փնտրեց և առաջնորդվեց նրա պատվիրաններով և ոչ թե ինչպես արել էր Իսրայելը։

Բ ՄՆԱՑՈՐԴԱՑ 17:4 Խաչաձեւ Հղումներ

Գ ԹԱԳԱՎՈՐՆԵՐԻ 12:28

Արքան խորհեց ու ոսկե երկու հորթ պատրաստելով՝ ասաց ժողովրդին. «Բավական է մինչև Երուսաղեմ գնաք։ Ահա քո աստվածները, ո՜վ Իսրայել, որոնք քեզ դուրս բերեցին եգիպտացիների երկրից»։

Գ ԹԱԳԱՎՈՐՆԵՐԻ 12:30

Եվ այսպես մեղք գործվեց, որովհետև ժողովուրդը գնում էր մինչև Դան՝ հորթերից մեկին երկրպագելու։

Գ ԹԱԳԱՎՈՐՆԵՐԻ 12:33

Ութերորդ ամսի տասնհինգերորդ օրը՝ տոնին, որ ինքն իրենից էր սահմանել, նա ելավ այն զոհասեղանը, որ կառուցել էր Բեթելում. տոնախմբություն սահմանեց Իսրայելի որդիների համար և զոհասեղան բարձրացավ, որպեսզի զոհեր մատուցի։

Գ ԹԱԳԱՎՈՐՆԵՐԻ 3:3

Սողոմոնը, հնազանդվելով իր հայր Դավթի հորդորներին, սիրեց Տիրոջը, բայց ինքն էլ էր բարձունքներում զոհեր մատուցում ու խունկ ծխում։

Գ ԹԱԳԱՎՈՐՆԵՐԻ 9:4

Եթե դու քո հայր Դավթի նման մաքուր սրտով, ուղիղ ճանապարհով ընթանաս իմ առջև, կատարես այն ամենը, ինչ պատվիրեցի նրան, պահես իմ հրամաններն ու պատվիրանները,

Դ ԹԱԳԱՎՈՐՆԵՐԻ 17:19

Սակայն Հուդայի ցեղի մարդիկ էլ չպահեցին Տիրոջ՝ իրենց Աստծու պատվիրանները և ընթացան Իսրայելի երկրում ընդունված սովորույթներով։

Դ ԹԱԳԱՎՈՐՆԵՐԻ 8:18

Նա ընթացավ Իսրայելի թագավորների ճանապարհով, ինչպես արել էր Աքաաբի տոհմը, քանի որ Աքաաբի դուստրը նրա կինն էր։ Նա չարիք գործեց Տիրոջ առջև,

Բ ՄՆԱՑՈՐԴԱՑ 14:6

քանզի երկիրը խաղաղվել էր, և այն տարիներին պատերազմ չկար նրա դեմ, որովհետև Տերը նրան հանգստություն էր պարգևել։

Բ ՄՆԱՑՈՐԴԱՑ 17:3

Տերը Հովսափատի հետ էր, քանզի նա ընթացավ իր հոր այն ճանապարհներով, որ նա որդեգրել էր իր իշխանության սկզբում. կուռքեր չպաշտեց,

Բ ՄՆԱՑՈՐԴԱՑ 21:12

Եղիա մարգարեից նրան գրություն եկավ, որի մեջ ասված էր. «Այսպես է ասում Տերը՝ քո նախահայր Դավթի Աստվածը. “Քանի որ չընթացար քո հոր՝ Հովսափատի ուղիով և ոչ էլ Հուդայի արքա Ասայի ուղիով,

Բ ՄՆԱՑՈՐԴԱՑ 22:9

Նա հրամայեց փնտրել գտնել Օքոզիային։ Նրան բռնեցին, մինչ բուժվում էր Սամարիայում։ Նրան բերեցին Հեուի մոտ, որը սպանեց նրան։ Նրան թաղեցին այնտեղ, քանզի ասացին. «Հովսափատի որդին է, որն իր ամբողջ սրտով Տիրոջն էր փնտրում»։ Եվ Օքոզիայի տան մեջ չգտնվեց մեկը, որ ձեռքն առներ թագավորական իշխանությունը։

Բ ՄՆԱՑՈՐԴԱՑ 27:6

Հովաթամը զորացավ, որովհետև ուղիղ ճանապարհով էր ընթանում Տիրոջ՝ իր Աստծու առաջ։

Բ ՄՆԱՑՈՐԴԱՑ 29:2

Եզեկիան արեց այն, ինչ ուղիղ էր Տիրոջ առաջ, ինչպես որ իր նախահայր Դավիթն էր արել։

Բ ՄՆԱՑՈՐԴԱՑ 34:2

Նա արեց այն, ինչ ուղիղ էր Տիրոջ առջև. գնաց իր նախահայր Դավթի ճանապարհներով՝ չխոտորվելով ո՛չ աջ, ո՛չ ձախ։

ՈՎՍԵԵ 4:15

Բայց դո՛ւ, Իսրայե՛լ, տգետ մի՛ եղիր, և դո՛ւ, Հուդա՛, մի՛ մտեք Գաղգաղա, մի՛ ելեք Ովնի տուն և չերդվե՛ք կենդանի Տիրոջով։

Ղուկաս 1:6

Երկուսն էլ Աստծու առաջ արդար էին ու անարատ կերպով ընթանում էին Տիրոջ բոլոր պատվիրանների և օրենքների ճանապարհով։

Ա Թեսաղոնիկեցիներին 2:12

հորդորում ու սփոփում էինք և աղաչում, որ դուք ապրեք Աստծուն արժանի կերպով, որ կանչեց ձեզ իր արքայությանը և փառքին։

Ա Թեսաղոնիկեցիներին 4:1

Հետևաբար, եղբայրնե՛ր, ձեզ աղաչում ու Քրիստոս Հիսուսով հորդորում եմ, որ, ինչպես սովորեցիք մեզնից, թե ի՛նչ ձևով պետք է ապրեք և հաճելի լինեք Աստծուն,- և այդպես էլ ապրում եք,- շարունակեք առաջանալ նույն ընթացքով։