Բ Կորնթացիներին 4:8 - Նոր Էջմիածին Աստվածաշունչ

⁸ Ամեն ինչի մեջ նեղություն ունենք, բայց ընկճված չենք, կարոտյալ ենք, բայց հուսահատ չենք,

Նոր վերանայված Արարատ Աստվածաշունչ

⁸ Ամեն բանում նեղված ենք, բայց ճնշված չենք, կարոտյալ ենք, բայց հուսահատ չենք,

Բ Կորնթացիներին 4:8 Խաչաձեւ Հղումներ

Բ Կորնթացիներին 12:10

Դրա համար էլ գոհ եմ ի սեր Քրիստոսի կրած իմ տկարությունների, նախատինքների, վշտերի, հալածանքներին և նեղությունների համար, որովհետև, երբ տկար եմ, այն ժամանակ եմ զորավոր։

Բ Կորնթացիներին 7:5

Որովհետև երբ մենք Մակեդոնիա հասանք, երբեք հանգիստ չունեցանք, ավելին՝ ամեն կողմից նեղություն կրեցինք, քանի որ դրսից թշնամիներն էին, իսկ ներսից՝ մեր վախը։

ՀՈՎՀԱՆՆԵՍ 14:18

Ձեզ որբ չեմ թողնի, կգամ ձեզ մոտ։

Ա Կորնթացիներին 10:13

Մարդկայինից բացի՝ ուրիշ ոչ մի փորձություն չի եկել ձեզ վրա։ Բայց Աստված հավատարիմ է, որ ձեզ ձեր կարողությունից ավելի փորձության մեջ չի գցի, այլ փորձության հետ նաև հաղթահարման ելք ցույց կտա, որպեսզի կարողանաք դիմանալ։

Բ Կորնթացիներին 6:4

այլ բոլոր դեպքերում դուք ձեզ ներկայացրեք որպես Աստծու պաշտոնյաներ՝ ցուցաբերելով մեծ համբերություն նեղությունների մեջ, վշտերի մեջ, չարչարանքների մեջ,

ԱՌԱԿՆԵՐ 14:26

Տիրոջից երկյուղի մեջ զորեղ հույս կա և իր որդիներին խաղաղության ապավեն է։

Ա ԹԱԳԱՎՈՐՆԵՐԻ 28:15

Սամուելն ասաց Սավուղին. «Ինչո՞ւ ինձ կանչելով նեղություն տվեցիր ինձ»։ Սավուղն ասաց. «Սաստիկ նեղ վիճակում եմ, այլազգիներն իմ դեմ պատերազմի են ելել, Աստված ինձնից հեռացել է, ինձ չի պատասխանում ո՛չ մարգարեության, ո՛չ էլ երազների միջոցով։ Արդ, քեզ կանչեցի, որ ինձ ցույց տաս, թե ի՛նչ անեմ»։

Ա ԹԱԳԱՎՈՐՆԵՐԻ 30:6

Դավիթը մեծ տագնապի մեջ էր. ժողովուրդն ուզում էր նրան քարկոծել, որովհետև ամեն մեկի սիրտը կսկծում էր իր տղաների ու աղջիկների համար։

ԱՌԱԿՆԵՐ 18:10

Տիրոջ անունը հայտնի է զորության մեծությունից, նրան փութացող արդարները բարձրանում են։

Ա ԹԱԳԱՎՈՐՆԵՐԻ 31:4

Սավուղն իր կապարճակրին ասաց. «Սուրդ մերկացրո՛ւ և դրանով ինձ մահացու խոցի՛ր։ Չլինի թե անթլփատները գան, ինձ խոցոտեն և ծաղրուծանակի ենթարկեն»։ Կապարճակիրը չուզեց այդ անել, քանի որ սաստիկ վախեցել էր։

ՍԱՂՄՈՍՆԵՐ 129:2

Տե՛ր, լսի՛ր իմ ձայնը, Թող ականջներդ լսեն աղոթքիս ձայնը։

ԵՍԱՅԻ 40:31

իսկ նրանք, որոնք Տիրոջն են սպասում, նոր ուժ պիտի ստանան և նոր փետուրներով զարդարվեն արծիվների պես, պիտի վազեն, բայց չպիտի հոգնեն, պիտի գնան, բայց քաղց չպիտի զգան։

ԱՄԲԱԿՈՒՄ 3:17

Թեև թզենին չի տա իր պտուղը, և որթատունկը ծնունդ չի ունենա, ձիթենու բերքը կխաբի, և դաշտերը կերակուր չեն տա, հոտերը կպակասեն արոտավայրից, և մսուրների մեջ եզներ չեն լինի,

Բ Կորնթացիներին 6:12

Դուք մեր պատճառով չեք նեղվում, այլ դուք ձեր սրտերում եք նեղվում։

Գաղատացիներին 4:20

Կուզենայի այժմ ձեզ մոտ լինել և փոխել խոսելաոճս, որովհետև տարակուսանքի մեջ եմ ձեզ համար։