Բ ԹԱԳԱՎՈՐՆԵՐԻ 23:20 - Նոր Էջմիածին Աստվածաշունչ

²⁰ Բազում գործեր կատարած կաբեեղացի մի զորավոր մարդու՝ Հովիդայեի որդի Բանեան սպանել էր մովաբացի Արիելի երկու որդիներին։ Նա, ձյունոտ մի օր փոսի մեջ իջնելով, առյուծ էր սպանել։

Նոր վերանայված Արարատ Աստվածաշունչ

²⁰ Բանեան, որը կաբեսելացի մի եռանդուն ու գործունյա մարդու՝ Հովիադայի որդին էր, սպանեց Մովաբի երկու կտրիճ մարդկանց։ Նա նաև ձյան ժամանակ իջավ մի գուբի մեջ և սպանեց առյուծին։

Բ ԹԱԳԱՎՈՐՆԵՐԻ 23:20 Խաչաձեւ Հղումներ

Բ ԹԱԳԱՎՈՐՆԵՐԻ 1:23

Սավուղն ու Հովնաթանը միմյանց սիրելի էին, գեղեցիկ ու վայելուչ, իրենց կենդանության ժամանակ անբաժան էին միմյանցից, իրենց մահվան ժամանակ էլ իրարից չբաժանվեցին։ Արծիվներից ավելի թեթևաշարժ էին, առյուծներից ավելի զորեղ։

Բ ԹԱԳԱՎՈՐՆԵՐԻ 20:23

Հովաբն Իսրայելի ամբողջ զորքի հրամանատարն էր, Հովիդայի որդի Բանեան հրամանատարն էր քերեթիների ու փելեթիների,

Բ ԹԱԳԱՎՈՐՆԵՐԻ 23:19

Նա անվանի էր երեքի մեջ, նրանցից ավելի փառավորված, նրանց գլխավորը, բայց նա այն երեքի աստիճանին չհասավ։

Բ ԹԱԳԱՎՈՐՆԵՐԻ 23:21

Նա էր սպանել եգիպտացի հաղթանդամ մի մարդու։ Այդ եգիպտացու ձեռքին կար կամրջի գերան հիշեցնող մի նիզակ։ Նա նիզակով հարձակվելով այդ մարդու վրա՝ նիզակը խլել էր եգիպտացու ձեռքից և նրա նիզակով էլ սպանել նրան։

Բ ԹԱԳԱՎՈՐՆԵՐԻ 23:22

Այս բանն արել էր Հովիդայեի որդին՝ Բանեան։ Նա անվանի էր երեք զորավարների մեջ։

Բ ԹԱԳԱՎՈՐՆԵՐԻ 8:18

Հովիդայի որդի Բանեան քերեթիների ու փելեթիների ղեկավարն էր։ Դավթի որդիները արքունի իշխաններ [𝕸 քահանաներ] էին։

Գ ԹԱԳԱՎՈՐՆԵՐԻ 1:26

իսկ ինձ՝ քո ծառային, Սադովկ քահանային, Հովիդայեի որդի Բանեային և քո Սողոմոն ծառային չի կանչել։

Գ ԹԱԳԱՎՈՐՆԵՐԻ 1:38

Սադովկ քահանան, Նաթան մարգարեն, Հովիդայեի որդի Բանեան, քերեթիներն ու փելեթիները եկան և Սողոմոնին նստեցրին Դավիթ արքայի ջորու վրա և նրան տարան Գեհովն։

Գ ԹԱԳԱՎՈՐՆԵՐԻ 1:8

Սադովկ քահանան, սակայն, Բանեան՝ Հովիդայեի որդին, Նաթան մարգարեն, Սեմեին, Ռեին և Դավթի թիկնապահները Ադոնիայի հետ չէին։

Գ ԹԱԳԱՎՈՐՆԵՐԻ 2:46

Եվ Սողոմոն արքան հրաման տվեց Հովիդայեի որդի Բանեային, որը եկավ ու սպանեց Սեմեիին, և նա մեռավ։

Ա ՄՆԱՑՈՐԴԱՑ 12:8

Գաղաադից հեռանալով՝ անապատից Դավթի մոտ եկան քաջազուն մարդիկ, որոնք ռազմիկներ լինելով՝ զինված էին վահաններով ու տեգերով։ Նրանց դեմքը նման էր առյուծի դեմքի, իսկ արագաշարժությամբ նման էին լեռնային այծյամների։

Ա ՄՆԱՑՈՐԴԱՑ 18:17

Հովիդայեի որդի Բանեասը՝ քերեթիների ու փելեթիների վերակացու, իսկ Դավթի որդիները՝ արքայի առաջին փոխանորդները։

ԵԼՔ 15:15

Տագնապեցին Եդովմի դատավորներն ու Մովաբի իշխանները։ Դող բռնեց նրանց, հալվեցին Քանանի բոլոր բնակիչները։

ՀԵՍՈՒ 15:21

Նրանց՝ Հուդայի որդիների ցեղի՝ Եդովմի սահմանների մոտ, անապատում առաջին քաղաքները եղան Կասբեեղը, Եդրայինը, Հագուրը,