ԱՌԱԿՆԵՐ 6:16 - Նոր Էջմիածին Աստվածաշունչ

¹⁶ Ուրախանում է այն ամենով, ինչ ատում է Տերը, և կկործանվի իր անձի պղծության համար։

Նոր վերանայված Արարատ Աստվածաշունչ

¹⁶ Վեց բան կա, որ Տերն ատում է, և յոթը զզվելի են նրա հոգու առաջ.

ԱՌԱԿՆԵՐ 6:16 Խաչաձեւ Հղումներ

ՍԱՂՄՈՍՆԵՐ 11:5

«Լեզուներս երկարացնենք, մերն են մեր շրթունքները, Արդ, ո՞վ է մեր տերը»։

ԱՌԱԿՆԵՐ 8:13

Տիրոջից երկյուղը անիրավություն ատելն է, Ինչպես նաև ատելը թշնամությունը, հպարտությունը և չարի ճանապարհները։

ԱՌԱԿՆԵՐ 11:20

Աստծու համար պիղծ են թյուր ճանապարհները, և նրան ընդունելի են ուղիղ ճանապարհով ընթացողները։

ԱՌԱԿՆԵՐ 3:32

Քանզի ամեն անօրեն պիղծ է Տիրոջ առջև և չի հաղորդվում արդարների հետ։

Բ ՕՐԵՆՔ 25:16

որովհետև Տիրոջ՝ քո Աստծու համար պիղծ է նա, ով վարվում է այդ կերպ, ով անարդարություն է գործում»։

ԱՌԱԿՆԵՐ 17:15

Ովքեր անիրավին համարում են արդար և արդարին՝ անիրավ, պիղծ ու գարշելի են Տիրոջ առջև։

ԱՌԱԿՆԵՐ 11:1

Կեղծ կշեռքը պիղծ է Տիրոջ առջև, իսկ արդար կշեռքն ընդունելի է նրան։

ԱՄՈՎՍ 2:1

Այսպես է ասում Տերը. «Մովաբի երեք ամբարշտությունների և չորսի պատճառով առանց պատժելու չեմ դառնա նրանից, քանի որ այրեցին եդովմացիների թագավորների ոսկորները՝ մոխրացնելու համար»։

ԱՄՈՎՍ 1:11

Այսպես է ասում Տերը. «Եդովմի երեք ամբարշտությունների և չորսի պատճառով առանց պատժելու չեմ դառնա նրանցից, քանի որ սրով հալածեց իր եղբորը և կործանեց եղբորը երկրի վրա. հափշտակեց իր սարսափը վկայության համար և իր հանդգնությունը պահեց հակառակության համար։

ԱՄՈՎՍ 1:9

Այսպես է ասում Տերը. «Ծուրի երեք ամբարշտությունների և չորսի պատճառով առանց պատժելու չեմ դառնա նրանից, քանի որ Սողոմոնի գերիներին արգելափակեցին Եդովմում և չհիշեցին եղբայրների ուխտը։

ԱՄՈՎՍ 1:6

Այսպես է ասում Տերը. «Գազայի երեք ամբարշտությունների և չորսի պատճառով առանց պատժելու չեմ դառնա նրանցից, քանի որ գերեվարեցին Սողոմոնի գերիներին՝ արգելափակելով Եդովմում»։

ԱՄՈՎՍ 1:3

Տերն ասում է. «Դամասկոսի երեք անօրենությունների և չորսի պատճառով առանց պատժելու չեմ դառնա նրանից, քանի որ երկաթե սղոցներով կտրատում էին գաղաադացիների հղիներին»։

ԱՌԱԿՆԵՐ 30:21

Երեք բանից է դողում երկիրը և չորրորդից չի հանդարտվում.

ԱՌԱԿՆԵՐ 20:23

Սխալ չափը պիղծ է Տիրոջ առջև, և նենգ կշեռքն ընդունելի չէ Տիրոջ առջև։

Բ ՕՐԵՆՔ 24:4

ապա առաջին ամուսինը, որ արձակեց նրան, իրավունք չունի նրան նորից կնության առնելու, որովհետև համարվում է պիղծ, մերժելի է Տիրոջ՝ քո Աստծու առջև։ Մի՛ պղծեք այն երկիրը, որ Տերը՝ Աստված, տալու է ձեզ իբրև ժառանգություն»։

Բ ՕՐԵՆՔ 23:18

Իսրայելի դուստրերի մեջ և ոչ Իսրայելի որդիների մեջ պոռնիկ չպետք է լինի։ Իսրայելի դուստրերից և որդիներից որևէ մեկին չընծայաբերեք կուռքերի պոռնկության։

ԱՄՈՎՍ 2:6

Այսպես է ասում Տերը. «Իսրայելի երեք ամբարշտությունների և չորսի պատճառով առանց պատժելու չեմ դառնա նրանից, քանի որ արդարին վաճառեցին արծաթով և տնանկին՝ կոշիկների դիմաց,

ԱՄՈՎՍ 2:4

Այսպես է ասում Տերը. «Հուդայի որդիների երեք ամբարշտությունների և չորսի պատճառով առանց պատժելու չեմ դառնա նրանից, քանի որ մերժեցին Տիրոջ օրենքները և նրա հրամանները չպահեցին, մոլորեցրին նրանց իրենց ստեղծած սնոտի բաներով, որոնց հետևից գնացին նրանց հայրերը։

ԱՌԱԿՆԵՐ 30:29

Երեք բան կա, որ շրջում են վեհապանծ, և չորրորդը, որ ճեմում է գեղեցիկ.

ԱՌԱԿՆԵՐ 20:10

Մեծ, կամ փոքր ծուռ կշեռքը և երկակի չափը, երկուսն էլ պիղծ են Տիրոջ առջև.

Հայտնություն 21:27

Եվ այնտեղ մտած չի լինի ոչ մի չարակամ, պիղծ և ստախոս մարդ, այլ պիտի մտնեն միայն նրանք, որոնց անունները գրված կլինեն Գառան Կյանքի գրքում։

ԱՌԱԿՆԵՐ 30:24

Չորս բան կա, որ փոքր են երկրի վրա, և դրանք իմաստուններից իմաստուն են.

ԱՌԱԿՆԵՐ 30:18

Երեք բան կա, որ անհնար է ինձ իմանալ, և չորրորդը, որ չեմ ճանաչում.

ԱՌԱԿՆԵՐ 6:15

Այդ իսկ պատճառով նրա կործանումը հանկարծակի կգա. կհաշմվի ու կմաշվի առանց բժշկության։

ԱՌԱԿՆԵՐ 6:17

Կկործանվեն թշնամացող աչքերը, անիրավ լեզուն, արդար արյուն հեղող ձեռքերը,

ԵՐԵՄԻԱ 26:15

Բայց լա՛վ իմացեք, որ եթե դուք ինձ սպանեք, անմեղ արյան տակ պիտի ընկնեք դուք և այս քաղաքն ու իր բնակիչները, քանի որ արդարև Տերն ինձ ուղարկեց ձեզ մոտ՝ ձեր ականջին ասելու այս բոլոր խոսքերը»։

ԶԱՔԱՐԻԱ 8:17

թող յուրաքանչյուրն իր սրտում չարիք չխորհի իր ընկերոջ համար. մի՛ սիրեք սուտ երդումը, որովհետև ատեցի այդ ամենը”,- ասում է Ամենակալ Տերը»։

Դ ԹԱԳԱՎՈՐՆԵՐԻ 21:16

Մանավանդ Մանասեն չափազանց շատ անմեղ արյուն թափեց, այնպես որ Երուսաղեմը ծայրեծայր արյամբ լցրեց, բացի այն մեղքերից, որոնցով Տիրոջ առջև Հուդայի երկրին մեղանչել ու չարիք գործել տվեց”»։

ՀՈԲ 5:19

Վեց անգամ փրկելու է քեզ վշտերից, և յոթերորդին չարը քեզ չի մոտենալու։

ՍԱՂՄՈՍՆԵՐ 5:7

Կորստի ես մատնում ստախոսներին։ Արյունահեղ և նենգավոր մարդը, Տե՜ր, Պիղծ է քեզ համար,

ԱՌԱԿՆԵՐ 12:22

Տիրոջ առջև պիղծ են ստախոս շուրթերը, իսկ հավատարիմ մարդը ընդունելի է նրան։

ԱՌԱԿՆԵՐ 21:4

Խստասիրտ մարդը մեծամիտ է իր թշնամանքի մեջ. ամբարիշտների լապտերը մեղքն է։