ԱՌԱԿՆԵՐ 4:18 - Նոր Էջմիածին Աստվածաշունչ

¹⁸ Արդարների ճանապարհները ծագող լույսի են նման, որ առաջնորդում են և լուսավորում, մինչև օրը լուսավոր դառնա։

Նոր վերանայված Արարատ Աստվածաշունչ

¹⁸ Բայց արդարների ճանապարհը ծագող լույսի պես է. այն գնալով լուսավորվում է, մինչև որ կատարյալ օր է դառնում։

ԱՌԱԿՆԵՐ 4:18 Խաչաձեւ Հղումներ

ՀՈՎՀԱՆՆԵՍ 8:12

Հիսուսը կրկին խոսեց ժողովրդի հետ ու ասաց. «Ես եմ աշխարհի լույսը. ով իմ հետևից է գալիս, խավարի միջով չի քայլի, այլ կընդունի կյանքի լույսը»։

ՀՈԲ 11:17

Քո աղոթքը՝ որպես Արուսյակը. կեսօրին կծագի կյանքը քո,

Բ Կորնթացիներին 3:18

Եվ մենք ամենքս, բաց երեսով տեսնելով Տիրոջ փառքը, ինչպես հայելու մեջ, այդ նույն պատկերով ենք փոխակերպվում փառքից փառք, ինչպես Տիրոջ Հոգով։

Փիլիպպեցիներին 2:15

որպեսզի լինեք անբասիր ու անարատ, Աստծու որդիներ, անմեղ՝ կամակոր ու խոտորված սերնդի մեջ։ Նրանց մեջ պիտի երևաք ինչպես լուսատուներն աշխարհում՝

Բ Պետրոս 1:19

Ունենք նաև մարգարեական ավելի հաստատուն խոսքը, որին եթե անսաք, լավ կանեք, քանզի այն մութ տեղում լույս տվող ճրագ է, մինչև օրը լուսանա, և արուսյակը ծագի ձեր սրտերում։

Մատթեոս 5:16

Այդպես էլ թող ձեր լույսը փայլի մարդկանց առաջ, որպեսզի տեսնեն ձեր բարի գործերը և փառավորեն ձեր Հորը, որ երկնքում է»։

Մատթեոս 5:14

Դո՛ւք եք աշխարհի լույսը։ Մի քաղաք, որ լեռան վրա է կառուցված, չի կարող թաքնվել։

ՍԱՂՄՈՍՆԵՐ 84:7

Աստվա՛ծ, մեզ դառնալով՝ դու պիտի ապրեցնես մեզ, Քո ժողովուրդը քեզանով պիտի ուրախանա։

ԵՍԱՅԻ 26:7

Բարեպաշտների ճանապարհներն ուղիղ են, հարթ ու դյուրին են աստվածապաշտների ճանապարհները,

Բ ԹԱԳԱՎՈՐՆԵՐԻ 23:4

ինչպես առավոտյան լույսին”։ Արեգակն առավոտյան ծագում է, և նրա լույսը չի պակասում, ինչպես անձրևից հետո կանաչն է բարձրանում երկրի վրա։

Հայտնություն 22:5

Եվ այնտեղ գիշեր չի լինի, այնտեղ ճրագի և արևի լույսի կարիք չի լինի, քանզի Տերը՝ Աստված, պիտի լուսավորի նրանց, և նրանք պիտի թագավորեն հավիտյանս հավիտենից։

Բ Պետրոս 3:18

Աճե՛ք մեր Տիրոջ և Փրկչի՝ Հիսուս Քրիստոսի շնորհով և գիտությամբ։ Նրան փա՜ռք թե՛ այժմ և թե՛ մինչև հավիտենության օրը։ Ամեն։

Հայտնություն 21:23

Եվ քաղաքին լուսավորելու համար արեգակ ու լուսին պետք չէին, քանզի Աստծու փառքն էր լուսավորում քաղաքը ամեն ժամ, և Գառը ճրագ էր նրա մեջ։

ՈՎՍԵԵ 6:3

և կճանաչենք ու հետևից կգնանք՝ ճանաչելու Տիրոջը։ Նրան պատրաստակամ կգտնենք, ինչպես առավոտը, և կգա մեզ մոտ, ինչպես վաղորդյան և ուշացած անձրևը՝ երկրի վրա»։

ՀՈԲ 23:10

քանի որ ինքը գիտի իմ ճանապարհը, քննել-կշռել է ոսկու պես։

Մատթեոս 5:45

որպեսզի որդիները լինեք ձեր Հոր, որ երկնքում է, որովհետև Նա իր արեգակը ծագեցնում է թե՛ չարերի և թե՛ բարիների վրա, և անձրև է բերում թե՛ արդարների և թե՛ մեղավորների վրա։

ՀՈԲ 17:9

Հավատարիմը թող հաստատ մնա իր ճանապարհին, իր մաքուր ձեռքով քաջալերություն թող ստանա։

ԱՌԱԿՆԵՐ 2:9

Այն ժամանակ կհասկանաս արդարությունն ու իրավունքը և բոլոր շավիղները կուղղես դեպի բարություն,

ԱՌԱԿՆԵՐ 2:20

Իսկ եթե գնացած լինեին բարի ճամփաներով, հեշտությամբ կգտնեին արդարության շավիղները։

ԱՌԱԿՆԵՐ 13:9

Արդարների լույսը մշտատև է, ամբարիշտների լույսը պիտի մարի։

ԱՌԱԿՆԵՐ 15:24

Իմաստունի խորհուրդը կյանքի ճանապարհ է, որովհետև խորշելով դժոխքից՝ կփրկվի։

ԴԱՏԱՎՈՐՆԵՐ 5:31

Այսպես թող կորչեն քո բոլոր թշնամիները, Տե՛ր։ Քեզ սիրողները թող լինեն այնպես, ինչպես արևը, որ ծագում է իր զորությամբ»։ Եվ երկիրը խաղաղվեց քառասուն տարի։