ԱՌԱԿՆԵՐ 3:10 - Նոր Էջմիածին Աստվածաշունչ

¹⁰ Որ քո շտեմարանները լցվեն ցորենի առատությամբ, և քո հնձաններն ավելիով գինի հորդեն։

Նոր վերանայված Արարատ Աստվածաշունչ

¹⁰ Այն ժամանակ քո շտեմարաններն առատությամբ կլցվեն, և քո հնձաններից նոր գինին կհորդի։

ԱՌԱԿՆԵՐ 3:10 Խաչաձեւ Հղումներ

ԱՌԱԿՆԵՐ 19:17

Ով ողորմություն է տալիս տնանկին, փոխ է տալիս Աստծուն, ըստ տվածի՝ Աստված նրան պիտի հատուցի։

Բ ՕՐԵՆՔ 28:8

Տերը օրհնություն կառաքի քեզ, քո շտեմարաններին ու բոլոր այն գործերին, որոնք կձեռնարկես այն երկրում, որ Տերը՝ քո Աստվածը, տալու է քեզ։

ԱՌԱԿՆԵՐ 22:9

ով աղքատին ողորմի, ինքը կկերակրվի, քանզի անտունին իր հացից է տվել։

ՀՈՎԵԼ 2:24

Կլցվեն ցորենի կալերը, և կհորդեն գինու և յուղի հնձանները։

Մատթեոս 10:42

Եվ ով այս փոքրիկներից մեկին թեկուզ մի բաժակ սառը ջուր տա խմելու՝ իբրև աշակերտի, ճշմարիտ եմ ասում ձեզ, իր վարձը չի կորցնի»։

ԱՆԳԵ 2:19

մի՞թե կհայտնվի ինչ-որ բան ձեր կալի և որթատունկի, թզենու, նռնենու և ձիթենու վրա, որ չէին պտղաբերում. այս օրվանից կօրհնեմ»։

Բ ՄՆԱՑՈՐԴԱՑ 31:21

Ամեն գործի մեջ, որ ձեռնարկեց թե՛ Տիրոջ տանը ծառայելիս, թե՛ Տիրոջ օրենքն ու պատվիրանը կատարելիս, իր ամբողջ սրտով փնտրեց Աստծուն, կատարեց և հաջողություն ունեցավ։

ՍԱՂՄՈՍՆԵՐ 144:13

Քո արքայությունը ողջ հավիտենականության Արքայությունն է, Եվ տերությունդ՝ սերնդեսերունդ։

Բ ՕՐԵՆՔ 14:29

Եվ այն կուտի ղևտացին, որովհետև նա ո՛չ բաժին ունի, ո՛չ էլ ժառանգություն, կուտի եկվորը, որբն ու այրին, կուտեն ու կկշտանան, և Տերը՝ քո Աստվածը, կօրհնի քո բոլոր գործերը»։

Բ ՄՆԱՑՈՐԴԱՑ 31:10

և Ազարիա քահանան՝ Սադովկի տան իշխանը, ասաց նրան. «Այն բանից հետո, երբ սկսեցին երախայրիքները բերել Տիրոջ տունը, մենք կերանք, խմեցինք և թողեցինք այդ մնացորդը։ Քանի որ Ամենակալ Տերն օրհնեց իր այդ ժողովրդին, ահա այսքան շատ մնացորդ է ավելացել»։