ԱՄՈՎՍ 7:17 - Նոր Էջմիածին Աստվածաշունչ

¹⁷ Դրա համար այսպես է ասում Տեր Տերը. «Քո կինն այդ քաղաքում կպոռնկանա, և քո որդիներն ու քո դուստրերը սրով կընկնեն, քո երկիրը լարերով կբաժանվի, դու պիղծ երկրում կվախճանվես, և Իսրայելն ամբողջությամբ կգերեվարվի իր երկրից»։

Նոր վերանայված Արարատ Աստվածաշունչ

¹⁷ Ուստի Տերն այսպես է ասում. “Քո կինը քաղաքի մեջ պիտի պոռնկանա, քո որդիներն ու դուստրերը սրով պիտի ընկնեն, և քո երկիրը լարով պիտի բաժանվի, դու անմաքուր հողի վրա պիտի մեռնես, և Իսրայելն էլ իր երկրից անպատճառ գերի պիտի տարագրվի”»։

ԱՄՈՎՍ 7:17 Խաչաձեւ Հղումներ

ՈՎՍԵԵ 9:3

Չբնակվեցին Տիրոջ երկրում. Եփրեմը կբնակվի Եգիպտոսում, և ասորեստանցիների մեջ պիղծ բաներ կուտեն։

Դ ԹԱԳԱՎՈՐՆԵՐԻ 17:6

Օվսեեի թագավորության իններորդ տարում Ասորեստանի արքան գրավեց Սամարիան և Իսրայելին գերության տարավ Ասորեստան, նրանց բնակեցրեց Ալաթում և Աբովրում, Գովզան գետի շրջակայքում ու Մարերի լեռներում։

ԵԶԵԿԻԵԼ 4:13

Ու կասես. “Այսպես է ասում Իսրայելի Տերը՝ Աստված. “Իսրայելի որդիներն այսպես՝ պղծությամբ են ուտելու իրենց հացն այն ազգերի մեջ, ուր ցրիվ եմ տալու նրանց”»։

ԵՐԵՄԻԱ 28:16

Դրա համար Տերն այսպես է ասում. “Ահա ես վռնդելու եմ քեզ երկրի երեսից։ Այս տարվա մեջ պիտի մեռնես դու, որովհետև հակառակ բաներ խոսեցիր Տիրոջ անունից”»։

ԱՄՈՎՍ 7:11

քանի որ այսպես է ասում Ամովսը. «Հերոբովամը սրով կվախճանվի, և Իսրայելն ամբողջությամբ կգերեվարվի իր երկրից»։

ԵՐԵՄԻԱ 29:21

այսպես է ասում Զորությունների Տերը՝ Իսրայելի Աստվածը, Ուլկիի որդի Աքիաբի և Մաասի որդի Սեդեկիայի մասին, որոնք սուտ մարգարեացան իմ անունից. «Ահավասիկ ես նրանց կհանձնեմ բաբելացիների Նաբուքոդոնոսոր արքայի ձեռքը, որը նրանց կսպանի ձեր աչքի առաջ։

ԶԱՔԱՐԻԱ 14:2

Եվ կհավաքի բոլոր ազգերին Երուսաղեմի դեմ պատերազմի. և քաղաքը կգրավվի, տները կկողոպտվեն, կանայք կպղծվեն, և քաղաքի կեսը գերության կտարվի, բայց իմ ժողովրդի մնացորդները չեն վերանա այն քաղաքից։

ԵՐԵՄԻԱՅԻ ՈՂԲԵՐԸ 5:11

Կանանց խայտառակեցին Սիոնում, իսկ կույսերին՝ Հուդայի քաղաքներում։

ԵՐԵՄԻԱ 29:25

թե այսպես է ասում Զորությունների Տերը՝ Իսրայելի Աստվածը. «Դու իմ անունից նամակներ ես ուղարկել Երուսաղեմ՝ ամբողջ ժողովրդին,- մինչդեռ իմ կողմից ես քեզ չեմ ուղարկել,- նաև Մաաս քահանայի որդի Սոփոնիային, ինչպես և բոլոր քահանաներին և ասել,

ԵՐԵՄԻԱ 28:12

Եվ Երեմիա մարգարեն գնաց իր ճանապարհով։ Այն բանից հետո, երբ Անանիա մարգարեն Երեմիա մարգարեի պարանոցից խորտակեց լուծը, Տերը խոսքն ուղղեց Երեմիային՝ ասելով.

ԵՐԵՄԻԱ 20:6

Իսկ դու, Պասքո՛ր, դու և քո տան բոլոր բնակիչները պիտի գերի գնաք Բաբելոն, պիտի գնաք և այնտեղ մեռնեք ու այնտեղ էլ թաղվեք, դու և քո բոլոր բարեկամները, որոնց համար դու սուտ մարգարեություն արեցիր”»։

ԵՍԱՅԻ 13:16

Նրանց որդիներին նրանց աչքերի առաջ պիտի սպանեն, նրանց տները պիտի կողոպտեն, իսկ նրանց կանանց պիտի խայտառակեն։

ԵՐԵՄԻԱ 14:16

նաև այն ժողովուրդը, որի համար նրանք մարգարեանում են. նրանք սրից ու սովից ընկած պիտի մնան Երուսաղեմի ճանապարհներին, թե՛ նրանք, թե՛ նրանց կանայք և թե՛ նրանց որդիներն ու դուստրերը, և նրանց թաղող չպիտի լինի. իրենց չարությունն իրենց վրա պիտի թափեմ։

ԱՄՈՎՍ 6:7

արդ, դրա համար կգերեվարվեն բռնակալների իշխանության կողմից, և կկտրվի Եփրեմի երիվարների խրխնջյունը»։

ԱՄՈՎՍ 8:1

Այսպես ցույց տվեց ինձ Տեր Տերը, և ահա թռչնորսորդների մի գործիք,

ԱՄՈՎՍ 9:1

Տեսա Տիրոջը, որ զոհասեղանի վրա էր և ասաց. «Հարվածի՛ր այդ զոհասեղանին, և կշարժվեն դրանդիները. կտրիր գցի՛ր բոլորի գլուխներին, իսկ նրանց մնացորդները սրով կկոտորեմ. չի փրկվի նրանցից փախածը, և չի ազատվի նրանցից ճողոպրածը։

ԱՄՈՎՍ 9:8

Ահա Տիրոջ աչքերը մեղավորներիդ թագավորության դեմ են. «Կվերացնեմ դա երկրի երեսից, սակայն իսպառ չեմ ջնջի Հակոբի տունը»,- ասում է Տերը։

ՄԻՔԻԱ 1:16

Ածիլվի՛ր և կտրի՛ր մազերդ քո փափկասուն որդիների համար, լայնացրո՛ւ մազերիդ կտրվածքն արծվի պես, քանի որ գերեվարվեցին քեզնից։

ԵՍԱՅԻ 22:18

և փառապսակից։ Քեզ պիտի նետի մեծ ու անսահման երկիրը, և այնտեղ դու պիտի մեռնես. քո շքեղ կառքերը անարգանքի առարկա պիտի դարձնի, քո իշխանական տունը ոտնատակ պիտի տա։