Ա ՄՆԱՑՈՐԴԱՑ 9:22 - Նոր Էջմիածին Աստվածաշունչ

²² Դռան պահպանության համար ընտրվածները երկու հարյուր տասներկու հոգի էին։ Սրանք գրանցված էին իրենց բնակության վայրերի մարդահամարի ցուցակներում։ Դավիթն ու տեսանող Սամուելը նրանց նշանակել էին իրենց հավատարմության համար։

Նոր վերանայված Արարատ Աստվածաշունչ

²² Դռների համար դռնապաններ ընտրվածներն ամենքը երկու հարյուր տասներկու հոգի էին։ Սրանք ազգահամարի մեջ արձանագրվեցին ըստ իրենց գյուղերի։ Դավիթն ու տեսանող Սամուելը նրանց հաստատեցին իրենց պաշտոնում։

Ա ՄՆԱՑՈՐԴԱՑ 9:22 Խաչաձեւ Հղումներ

Ա ԹԱԳԱՎՈՐՆԵՐԻ 9:9

(Հին ժամանակներում Իսրայելի մեջ այսպես էր ասում ամեն ոք, երբ գնում էր Աստծուց հարցում անելու. «Եկե՛ք գնանք տեսանողի մոտ», որովհետև հին ժամանակներում ժողովուրդը մարգարեին տեսանող էր անվանում)։

Ա ՄՆԱՑՈՐԴԱՑ 28:13

Նա տվեց Տիրոջ տան սպասավորության բոլոր գործերը կատարող քահանաների ու ղևտացիների խմբերի կացարանների և Տիրոջ տան սպասավորության անոթների պահեստի նախագիծը։

ՆԵԵՄԻԱ 12:44

Այդ օրը գանձատան վրա մարդիկ նշանակվեցին գանձերի, բերքի երախայրիքի և տասանորդների համար, որպեսզի քաղաքների դաշտերից այնտեղ հավաքեն քահանաների և ղևտացիների բաժինը, ինչպես հրամայված էր Մովսեսի օրենքով, որովհետև Հուդայի երկրում մեծապես ուրախացել էին քահանաների ու ղևտացիների համար,

ՆԵԵՄԻԱ 11:36

Ղևտացիների բաժինը Հուդայի և Բենիամինի գավառներում էր։

Բ ՄՆԱՑՈՐԴԱՑ 31:18

Մարդահամարի մեջ արձանագրված էին նաև նրանց տղաներն ու աղջիկները՝ ամբողջ բազմությամբ, քանի որ սրանք հավատարմորեն սրբագործեցին սրբարանը։

Բ ՄՆԱՑՈՐԴԱՑ 31:15

Օդոմը, Բենիամինը, Հեսուն, Սեմեին, Ամարիան ու Սեքինիան հավատարմորեն օգնում էին նրան քահանաների քաղաքներում՝ իրենց դասերի համաձայն բաժիններ հատկացնելու իրենց եղբայրներին՝ թե՛ մեծերին և թե՛ փոքրերին,

Ա ՄՆԱՑՈՐԴԱՑ 28:21

Ահա նաև քահանաների ու ղևտացիների խմբերը՝ Աստծու տան ողջ սպասավորության համար։ Բոլոր գործերում քեզ հետ կլինեն նաև բոլոր այն կամավորները, որոնք հմուտ են ամեն տեսակ արհեստի մեջ, իշխաններն ու համայն ժողովուրդը՝ պատրաստ քո հրամաններին»։

Ա ՄՆԱՑՈՐԴԱՑ 9:31

Ղևտացիներից Մատաթիան, որը կորխացի Սաղովմի անդրանիկ որդին էր, հավատարմությամբ կատարում էր զոհաբերության և քահանայապետի տապակի հսկողությունը։

Ա ՄՆԱՑՈՐԴԱՑ 9:16

Իդիթովնի որդի Գողաղի որդի Սամեայի որդի Օբդիասը և նետոփատացիների գյուղերում բնակվող Եղկանայի որդի Ասայի որդի Բարաքիան։

Ա ՄՆԱՑՈՐԴԱՑ 9:23

Սրանք և իրենց որդիները նշանակվել էին Տիրոջ տան՝ խորանի տան դռների վրա, որ պահպանեն։

Բ ՄՆԱՑՈՐԴԱՑ 23:19

Պահապաններ կանգնեցին Տիրոջ տան դռների մոտ, և որևէ բանում անմաքուր եղողն այնտեղ չէր մտնում։

Ա ՄՆԱՑՈՐԴԱՑ 29:29

Դավիթ արքայի մնացած գործերը՝ առաջիններն ու վերջինները, նկարագրված են Սամուել տեսանողի գրքում, Նաթան մարգարեի գրքում և Գադ տեսանողի գրքում,