Ա ՄՆԱՑՈՐԴԱՑ 29:15 - Նոր Էջմիածին Աստվածաշունչ

¹⁵ Մենք պանդուխտ ենք քո առջև և օտարական, ինչպես մեր բոլոր հայրերը։ Մեր օրերը երկրի վրա ստվերի են նման, և մնայուն ոչ մի բան չունենք։

Նոր վերանայված Արարատ Աստվածաշունչ

¹⁵ Որովհետև մենք պանդուխտներ ենք քո առջև և նժդեհներ, ինչպես մեր բոլոր հայրերը։ Մեր օրերը երկրի վրա ստվերի նման են, և հաստատուն ոչինչ չկա։

Ա ՄՆԱՑՈՐԴԱՑ 29:15 Խաչաձեւ Հղումներ

ԾՆՆԴՈՑ 21:34

Աբրահամը որպես պանդուխտ երկար ժամանակ փղշտացիների երկրում ապրեց։

ԾՆՆԴՈՑ 23:4

«Ես ձեր մեջ պանդուխտ ու օտարական եմ։ Արդ, ինձ մի գերեզմանի կալվա՛ծք տվեք ձեզ մոտ, որ թաղեմ իմ ննջեցյալին»։

ԾՆՆԴՈՑ 28:4

Քեզ և քո սերունդներին թող տա իմ հոր՝ Աբրահամի օրհնությունը՝ ժառանգելու քո պանդխտության երկիրը, այն, որ Աստված տվեց Աբրահամին»։

ԾՆՆԴՈՑ 36:7

որովհետև նրանց անասուններն այնքան շատ էին, որ չէին կարող միասին բնակվել, և պանդխտության երկիրն ի վիճակի չէր նրանց բավարարելու նրանց չափազանց շատ ունեցվածքի պատճառով։

ԾՆՆԴՈՑ 47:9

Հակոբը պատասխանեց փարավոնին. «Իմ ապրած կյանքի տարիների թիվը հարյուր երեսուն է։ Քիչ ու դժվարին են եղել իմ կյանքի տարիները և չեն հասել իմ հայրերի ապրած կյանքի տարիներին»։

Ա ՄՆԱՑՈՐԴԱՑ 29:14

Ո՞վ եմ ես, և ո՞վ է քո ժողովուրդը, որ կարողանայինք հոժարությամբ նվիրաբերել այս ամենը։ Չէ՞ որ քոնն է ամեն ինչ, և քեզնից ստացածն ենք տալիս քեզ։

Ա ՄՆԱՑՈՐԴԱՑ 29:16

Տե՜ր, մեր Աստվա՛ծ, այս ամենը, որ ես պատրաստել եմ քո սուրբ անվան տունը կառուցելու համար, քեզնից է գալիս, և ամեն ինչ քոնն է։

ՀՈԲ 14:10

Բայց վախճանված մարդը՝ ընկածը, գնաց և այլևս գոյություն չունի։

ՀՈԲ 14:2

Ով որպես ծաղիկ էր ծաղկել, թափվեց ու ընկավ, փախավ իբրև ստվեր. հաստատ չի մնա։

ՀՈԲ 8:9

Մենք երեկվան ենք պատկանում և բան չենք իմանում. մեր կյանքը ստվեր է երկրի վրա։

ՍԱՂՄՈՍՆԵՐ 102:11

Այլ որքան բարձր է երկինքը երկրից, Այնքան զորացրեց Տերն իր ողորմությունն Իրենից երկյուղածների հանդեպ։

ՍԱՂՄՈՍՆԵՐ 144:4

Սերնդեսերունդ պիտի գովեն քո գործերը Եվ պատմեն քո զորությունները։

ՍԱՂՄՈՍՆԵՐ 39:12

Իսկ դու, Տե՜ր, քո գթությունն ինձնից հեռու մի՛ պահիր, Քո ողորմությունն ու ճշմարտությունը թող միշտ օգնեն ինձ։

ՍԱՂՄՈՍՆԵՐ 39:13

Ինձ պաշարեցին չարերը, որոնց թիվ չկար, Իմ անօրենությունները հասան ինձ, և ես չկարողացա տեսնել։ Գլխիս մազերից ավելի շատացան, և սիրտս լքեց ինձ։

ՍԱՂՄՈՍՆԵՐ 90:9

Որովհետև, Տե՛ր, դու իմ հույսն ես։ Բարձրյալին քեզ ապավեն դարձրիր,

ԺՈՂՈՎՈՂ 6:12

Ի՞նչ է մարդու առավելությունը, և ո՞վ գիտե, թե ի՞նչն է լավ նրա ունայն կյանքի օրերին, որ անցնում են ստվերի նման։ Որովհետև ո՞վ պիտի պատմի մարդուն, թե ի՛նչ է լինելու նրանից հետո արեգակի ներքո։

ՂԵՎՏԱԿԱՆ 25:23

Հողը վերջնականապես չպետք է վաճառվի, քանզի հողն իմն է, իսկ դուք իմ առաջ պնդուխտ ու նժդեհ եք։

Հակոբոս 4:14

(Դուք, որ չգիտեք վաղվա մասին, ինչպիսի՞ն կլինի ձեր կյանքը, քանի որ մի ամպ է ձեր կյանքը, որ մի պահ երևում է և անհետանում)։

Ա Պետրոս 2:11

Սիրելինե՛ր, աղաչում եմ ձեզ, իբրև պանդուխտների և նժդեհների, որ հեռու մնաք մարմնավոր ցանկություններից, որոնք պայքարում են հոգու դեմ,