Ա ԹԱԳԱՎՈՐՆԵՐԻ 30:1 - Նոր Էջմիածին Աստվածաշունչ

¹ Երբ Դավիթն ու նրա մարդիկ երրորդ օրը մտան Սիկելակ, ամաղեկացիներն ասպատակել էին հարավակողմը և Սիկելակը, հարվածել էին Սիկելակին ու հրի մատնել այն,

Նոր վերանայված Արարատ Աստվածաշունչ

¹ Երբ Դավիթն ու իր մարդիկ երրորդ օրը մտան Սիկելակ, ամաղեկացիները հարձակվել էին հարավային երկրի և Սիկելակի վրա, Սիկելակը գրավելով՝ այրել այն։

Ա ԹԱԳԱՎՈՐՆԵՐԻ 30:1 Խաչաձեւ Հղումներ

ԾՆՆԴՈՑ 24:62

Իսահակն անապատում էր՝ Տեսիլքի ջրհորի [𝕸 Բեեր-լախայ-ռոի] մոտ, որովհետև բնակվում էր երկրի հարավային կողմում։

Բ ԹԱԳԱՎՈՐՆԵՐԻ 1:1

Սավուղի մահից և ամաղեկացիներին կոտորելուց հետո Դավիթը վերադարձավ ու երկու օր մնաց Սիկելակում։

Բ ԹԱԳԱՎՈՐՆԵՐԻ 1:2

Երրորդ օրը Սավուղի զորքի բանակատեղիից մարդ եկավ, որի հագուստները պատառոտված էին, իսկ գլխին՝ հող։ Երբ նա Դավթի մոտ մտավ, գետնին ընկավ ու խոնարհվեց նրա առաջ։

Բ ԹԱԳԱՎՈՐՆԵՐԻ 1:8

Նա ասաց ինձ. “Ո՞վ ես դու”։ Ասացի՝ “Ամաղեկացի եմ”։

Բ ԹԱԳԱՎՈՐՆԵՐԻ 15:18

Նրա բոլոր ծառաները մեկ առ մեկ անցնում էին նրա մոտով. բոլոր քերեթիները, փելեթիներն ու բոլոր գեթացիները՝ վեց հարյուր մարդ, որ ոտքով եկել էին Գեթից, անցան Դավթի առջևից։

Ա ՄՆԱՑՈՐԴԱՑ 12:21

Նրանք Դավթի հետ պատերազմի ելան ելուզակների դեմ, որովհետև զորավոր ու ուժեղ էին, և բոլորն էլ զորքի հրամանատարներ էին։

Ա ՄՆԱՑՈՐԴԱՑ 12:22

Այսպես օր օրի Դավթի մոտ էին գալիս նոր ուժեր, մինչև որ Դավթի բանակն Աստծու բանակի պես հզոր դարձավ։

ԵՐԵՄԻԱ 41:12

հավաքեցին իրենց բոլոր զինվորներին և շարժվեցին, որպեսզի գնան ու պատերազմ մղեն Նաթանի որդի Իսմայելի դեմ։ Նրան հանդիպեցին Գաբավոնում՝ հորդ ջրերի մոտ։

ՀԵՍՈՒ 11:6

Տերը Հեսուին ասաց. «Մի՛ վախեցիր նրանցից, քանի որ վաղը այս ժամին ես նրանց բոլորին փախուստի պիտի մատնեմ Իսրայելի որդիների առաջ. նրանց ձիերին ջղակտոր կանես, նրանց կառքերը հրով կայրես»։

ՀԵՍՈՒ 15:31

Սիկեղեկը, Մադեբենան, Սանսաննան,

Ա ԹԱԳԱՎՈՐՆԵՐԻ 15:7

Սավուղը Ամաղեկի զորքին ջախջախեց Եվիլատից մինչև Սուր, որը գտնվում է Եգիպտոսի դիմաց։

Ա ԹԱԳԱՎՈՐՆԵՐԻ 15:8

Նա կենդանի բռնեց Ամաղեկի թագավոր Ագագին, իսկ Հարիմի ամբողջ ազգը սրի քաշեցին։

Ա ԹԱԳԱՎՈՐՆԵՐԻ 27:6

Այն ժամանակ Անքուսը նրան տվեց Սիկելակը. այդ պատճառով էլ Սիկելակը Հուդայի երկրի արքաներին է պատկանում մինչև օրս։

Ա ԹԱԳԱՎՈՐՆԵՐԻ 29:10

Արդ, դու և քո տիրոջ ծառաները, որոնք քեզ հետ են եկել, առավոտ կանուխ վե՛ր կացեք, գնացե՛ք այնտեղ, ուր ձեզ նշանակել եմ։ Ոչ մի վատ բան մի՛ մտածիր, քանի որ դու ինձ հաճելի մարդ ես։ Առավոտ կանուխ վե՛ր կացեք ու լուսածագին գնացե՛ք»։

Ա ԹԱԳԱՎՈՐՆԵՐԻ 29:11

Դավիթն ու նրա մարդիկ առավոտյան կանուխ վեր կացան, որ գնան, այլազգիների երկիրը պահպանեն, իսկ այլազգիները դուրս եկան՝ պատերազմելու Իսրայելի դեմ։

Ա ԹԱԳԱՎՈՐՆԵՐԻ 29:4

Այլազգիների նախարարները, խոժոռ նայելով Դավթին, ասացին Անքուսին. «Հե՛տ դարձրու այդ մարդուն, թող գնա այնտեղ, ուր նշանակել ես նրան, մեզ հետ պատերազմի թող չգա, միգուցե նա դավաճանի մեր բանակին։ Նա ինչո՞վ պիտի հաշտվի իր տիրոջ հետ, եթե ոչ այս մարդկանց գլուխներով։

Ա ԹԱԳԱՎՈՐՆԵՐԻ 30:14

Մենք ասպատակեցինք Քերեթի հարավային կողմերը, Հուդայի երկրի կողմերը և Քաղեբի հարավակողմը, իսկ Սիկելակը հրի մատնեցինք»։