Ա ԹԱԳԱՎՈՐՆԵՐԻ 26:21 - Նոր Էջմիածին Աստվածաշունչ

²¹ Սավուղն ասաց. «Մեղք եմ գործել։ Վերադարձի՛ր, որդյա՛կ իմ Դավիթ։ Քեզ չար բան չեմ անի այն բանի համար, որ իմ անձն այսօր էլ քո աչքին պատվական է։ Ես անզգամ եմ եղել և խիստ հանցավոր»։

Նոր վերանայված Արարատ Աստվածաշունչ

²¹ Սավուղն ասաց. «Մեղք գործեցի. վերադարձի՛ր, որդյա՛կ իմ Դավիթ, այլևս չարիք չեմ գործի քո դեմ, որովհետև այսօր իմ հոգին պատվական թվաց քո աչքին. ահա ես հիմարություն եմ արել և խիստ սխալվել»։

Ա ԹԱԳԱՎՈՐՆԵՐԻ 26:21 Խաչաձեւ Հղումներ

Դ ԹԱԳԱՎՈՐՆԵՐԻ 1:13

Արքան երրորդ անգամ հիսնապետ ուղարկեց հիսուն հոգով։ Երրորդ հիսնապետը եկավ, Եղիայի առջև ծնկի իջավ և աղաչելով ասաց նրան. «Ո՜վ Աստծու մարդ, բարի՛ աչքով նայիր ինձ ու քո այս հիսուն ծառաներին,

Դ ԹԱԳԱՎՈՐՆԵՐԻ 1:14

քանզի տեսանք, որ կրակ ընկավ երկնքից ու լափեց նախորդ երկու հիսնապետներին ու նրանց հիսունական զինվորներին։ Արդ, բարի՛ աչքով նայիր քո ծառաներին»։

ՍԱՂՄՈՍՆԵՐ 49:8

Ինձ զոհաբերություններ ես անում, Այդ մասին չէ, որ կշտամբում եմ քեզ. Քո ողջակեզները միշտ իմ առջև են։

ՍԱՂՄՈՍՆԵՐ 72:14

Ամեն օր խոշտանգվեցի Եվ առավոտները կշտամբանք կրեցի»։

ԵԼՔ 9:27

Փարավոնը կանչեց Մովսեսին ու Ահարոնին և ասաց նրանց. «Այս անգամ մեղանչեցի։ Տերն արդար է, իսկ ես ու իմ ժողովուրդը՝ ամբարիշտ։

ԹՎԵՐ 22:34

Բաղաամն ասաց Տիրոջ հրեշտակին. «Մեղանչեցի, որովհետև չգիտեի, որ դու էիր ճանապարհս փակողը։ Արդ, եթե քեզ ցանկալի չէ գնալս, կվերադառնամ»։

Մատթեոս 27:4

ասելով. «Մեղանչեցի, որովհետև մի արդարի մահվան մատնեցի»։ Իսկ նրանք ասացին. «Մեր հոգը չէ, դո՛ւ գիտես»։

Ա ԹԱԳԱՎՈՐՆԵՐԻ 13:13

Սամուելն ասաց Սավուղին. «Զուր ես արել, քանի որ չես պահել իմ պատվիրանը, որ Տերն էր պատվիրել։ Տերը քեզ Իսրայելի վրա ցմահ թագավոր պիտի դարձներ,

Ա ԹԱԳԱՎՈՐՆԵՐԻ 15:24

Սավուղը Սամուելին ասաց. «Մեղանչեցի՝ զանց անելով Տիրոջ և քո խոսքերը, որովհետև վախեցա ժողովրդից և նրա ձայնին անսացի։

Ա ԹԱԳԱՎՈՐՆԵՐԻ 15:30

Սավուղն ասաց. «Մեղանչել եմ, սակայն հիմա ժողովրդի ծերերի ու Իսրայելի առաջ ինձ պատվի՛ր, եղի՛ր ինձ հետ, և ես կերկրպագեմ Տիրոջը՝ քո Աստծուն»։

Ա ԹԱԳԱՎՈՐՆԵՐԻ 18:30

Այլազգիների իշխանները ոտքի ելան. նրանք բազում անգամներ հարձակվեցին, բայց ամեն անգամ Դավիթն ավելի խորագետ էր գործում, քան Սավուղի բոլոր ծառաները, ուստի նրա անունը գնալով ավելի էր փառավորվում։

Ա ԹԱԳԱՎՈՐՆԵՐԻ 24:17

Երբ Դավիթն ավարտեց Սավուղին ուղղված այս խոսքերը, Սավուղն ասաց. «Այդ քո՞ ձայնն է, որդյա՛կ իմ Դավիթ»։ Եվ Սավուղը, իր ձայնը բարձրացնելով, լաց եղավ։

Ա ԹԱԳԱՎՈՐՆԵՐԻ 26:22

Դավիթը պատասխան տվեց՝ ասելով. «Ահավասիկ արքայի գեղարդը։ Թող ծառաներից մեկը գա և վերցնի սա։

Ա ԹԱԳԱՎՈՐՆԵՐԻ 26:24

Եվ ահա, ինչպես քո անձն այսօր իմ աչքին պատվական երևաց, իմ անձն էլ Տիրոջ առջև այնպես պատվական թող երևա, ինձ զորացնի ու փրկի ամեն տեսակ նեղությունից»։

Ա ԹԱԳԱՎՈՐՆԵՐԻ 27:4

Երբ Սավուղին տեղեկացրին, թե Դավիթը փախել է Գեթ, նա այլևս չհետապնդեց նրան։