Ա ԹԱԳԱՎՈՐՆԵՐԻ 19:23 - Նոր Էջմիածին Աստվածաշունչ

²³ Նա այնտեղից գնաց Ռամայի Նավաթ բնակավայրը։ Աստծու հոգին իջավ նրա վրա, և ճանապարհը շարունակելով՝ նա մինչև Ռամայի Նավաթ բնակավայրը հասնելը մարգարեություն էր անում։

Նոր վերանայված Արարատ Աստվածաշունչ

²³ Նա գնաց Ռամայի Նավաթ, և Աստծու Հոգին իջավ նրա վրա էլ. գնում էր ու մինչև Ռամայի Նավաթ հասնելը մարգարեություն էր անում։

Ա ԹԱԳԱՎՈՐՆԵՐԻ 19:23 Խաչաձեւ Հղումներ

ԱՌԱԿՆԵՐ 16:9

Մարդու սիրտը պիտի խորհի իրավունքի մասին, որ Աստված ուղղի ընթացքը նրա։

ԱՌԱԿՆԵՐ 21:1

Ինչպես ջրի սահանքը, այնպես էլ թագավորի սիրտը Աստծու ձեռքին է. որ կողմ կամենա, այն կողմն էլ կդարձնի այն։

ԹՎԵՐ 23:5

Աստված Բաղաամի բերանը խոսք դրեց և ասաց. «Վերադարձի՛ր Բաղակի մոտ և այսպե՛ս խոսիր»։

ԹՎԵՐ 24:2

Բաղաամը, իր աչքերը բարձրացնելով, տեսավ Իսրայելին՝ բանակած ըստ ցեղերի։ Աստծու հոգին իջավ նրա վրա,

Մատթեոս 7:22

Այն օրը շատերն ինձ կասեն. «Տե՜ր, Տե՜ր, չէ՞ որ քո անունով մարգարեացանք, քո անունով դևեր հանեցինք և քո անունով բազում հրաշքներ գործեցինք»։

ՀՈՎՀԱՆՆԵՍ 11:51

Այս բանը նա ինքն իրենից չասաց, այլ քանի որ այդ տարվա քահանայապետն էր, մարգարեացավ, որ Հիսուսը մեռնելու էր ազգի համար։

Ա Կորնթացիներին 13:2

Եթե մարգարեություն ունենամ, բոլոր խորհուրդներն իմանամ ու ամբողջական գիտությանը հասնեմ, և եթե լիակատար հավատ ունենամ՝ մինչև իսկ լեռները տեղափոխելու չափ, բայց սեր չունենամ, ոչինչ չարժեմ։

Ա ԹԱԳԱՎՈՐՆԵՐԻ 10:10

Երբ նա մոտեցավ բլրին, մարգարեների խումբը նրան ընդառաջ գնաց, նրա վրա Աստծու հոգին շարժվեց, և նա նրանց մեջ մարգարեացավ։

Ա ԹԱԳԱՎՈՐՆԵՐԻ 10:12

Նրանցից մեկը պատասխանեց և ասաց. «Ո՞վ է նրա հայրը, եթե ոչ՝ Կիսը»։ Այս առթիվ ասացվածք ստեղծվեց՝ «Սավո՞ւղն էլ մարգարեների մեջ է»։

Ա ԹԱԳԱՎՈՐՆԵՐԻ 10:6

Տիրոջ հոգին կիջնի քեզ վրա, և դու էլ կմարգարեանաս նրանց հետ և ուրիշ մարդ կդառնաս։

Ա ԹԱԳԱՎՈՐՆԵՐԻ 18:10

Հետևյալ օրը Աստծուց ուղարկված չար ոգին պատեց Սավուղին, և նա սկսեց մարգարեանալ իր տան մեջ։ Դավիթը, ինչպես միշտ, իր ձեռքով քնար էր նվագում, իսկ Սավուղի ձեռքին գեղարդ կար։

Ա ԹԱԳԱՎՈՐՆԵՐԻ 19:18

Դավիթը փախչելով փրկվեց, եկավ Արիմաթեմ՝ Սամուելի մոտ, նրան պատմեց ամեն ինչ, որ Սավուղն արել էր իր նկատմամբ։ Սամուելն ու Դավիթը գնացին ու բնակվեցին Ռամայի Նավաթ բնակավայրում։

Ա ԹԱԳԱՎՈՐՆԵՐԻ 19:20

Սավուղը մարդիկ ուղարկեց, որ բռնեն Դավթին, բայց երբ նրանք տեսան մարգարեություն անող մարգարեների ժողովն ու նրանց ղեկավարող Սամուելին, Աստծու հոգին Սավուղի մարդկանց վրա իջավ, և նրանք էլ մարգարեացան։

Ա ԹԱԳԱՎՈՐՆԵՐԻ 19:22

Սավուղը խիստ բարկացավ, ինքը գնաց Արիմաթեմ ու հասնելով մինչև Սոկքովի մեծ ջրհորը՝ հարցրեց. «Որտե՞ղ են Սամուելն ու Դավիթը»։ Նրան ասացին. «Ռամայի Նավաթում»։