Ա ԹԱԳԱՎՈՐՆԵՐԻ 18:14 - Նոր Էջմիածին Աստվածաշունչ

¹⁴ Դավիթն ամեն գործում խելամիտ էր, և Տերը նրա հետ էր։

Նոր վերանայված Արարատ Աստվածաշունչ

¹⁴ Դավիթն իր բոլոր գործերում խելամտությամբ էր վարվում, և Տերը նրա հետ էր։

Ա ԹԱԳԱՎՈՐՆԵՐԻ 18:14 Խաչաձեւ Հղումներ

ԾՆՆԴՈՑ 39:23

Բանտապետը նրա շնորհիվ բանտի գործերին չէր խառնվում, որովհետև ամեն ինչ Հովսեփի ձեռքում էր։ Աստված նրա հետ էր, և նա ինչ որ անում էր, Տերը հաջողեցնում էր այն։

Բ ԹԱԳԱՎՈՐՆԵՐԻ 5:10

Դավիթը գնալով հզորանում էր, և Ամենակալ Տերը նրա հետ էր։

Դ ԹԱԳԱՎՈՐՆԵՐԻ 18:7

և Տերը նրա հետ էր, և Եզեկիան ինչ որ անում էր, խելամտորեն էր անում։ Նա ապստամբեց Ասորեստանի արքայի դեմ, չծառայեց նրան,

Ա ՄՆԱՑՈՐԴԱՑ 18:13

Նա հովտում բերդապահ զորք դրեց, և եդովմացիները Դավթի ծառաները դարձան։ Տերը փրկեց Դավթին ամենուրեք, ուր էլ գնում էր։

Ա ՄՆԱՑՈՐԴԱՑ 18:6

Նա Ասորիքում՝ Դամասկոսի մոտ, բերդապահ զորք դրեց, և ասորիները Դավթի հարկատու ծառաները դարձան։ Տերը փրկեց Դավթին ամենուրեք, ուր էլ գնում էր։

Բ ՄՆԱՑՈՐԴԱՑ 17:3

Տերը Հովսափատի հետ էր, քանզի նա ընթացավ իր հոր այն ճանապարհներով, որ նա որդեգրել էր իր իշխանության սկզբում. կուռքեր չպաշտեց,

ՍԱՂՄՈՍՆԵՐ 101:2

Տե՛ր, լսի՛ր աղոթքներս, թող քեզ հասնի աղաղակս,

Մատթեոս 1:23

«Ահա կույսը կհղիանա և որդի կծնի, և նրան կկոչեն Էմմանուել» (Ես. 7.14), որ նշանակում է «Աստված մեզ հետ»։

Մատթեոս 28:20

Սովորեցրե՛ք նրանց պահել այն ամենը, ինչ պատվիրեցի ձեզ։ Եվ ահա ես ձեզ հետ եմ բոլոր օրերին, մինչև աշխարհի վախճանը»։

Գործք Առաքելոց 18:10

քանի որ ես քեզ հետ եմ, և ոչ ոք քեզ վրա չպիտի հարձակվի՝ քեզ վնասելու համար, քանի որ այս քաղաքում ես բազում ժողովուրդ ունեմ»։

ՀԵՍՈՒ 6:27

Տերը Հեսուի հետ էր, և նրա անունը տարածվեց ամբողջ երկրում։

ԴԱՏԱՎՈՐՆԵՐ 1:19

Տերը Հուդայի հետ էր, և նա ժառանգեց լեռնային շրրջաններ։ Հովիտների բնակիչների տարածքները, սակայն, չկարողացավ ժառանգել, որովհետև Ռեքաբը արգելք եղավ նրանց, և նրանք երկաթե կառքեր ունեին։

Ա ԹԱԳԱՎՈՐՆԵՐԻ 10:7

Երբ այս նշանները քեզ հետ կատարվեն, ինչ որ մտածես, արա՛, քանզի Աստված քեզ հետ է։

Ա ԹԱԳԱՎՈՐՆԵՐԻ 16:18

Ծառաներից մեկն ասաց. «Ես տեսել եմ բեթղեհեմացի Հեսսեի տղային, որ գիտի սաղմոսել, շնորհալի մարդ է ու պատերազմիկ, իմաստուն ու ճարտասան, գեղեցիկ տեսքով։ Եվ Տերը նրա հետ է»։

Ա ԹԱԳԱՎՈՐՆԵՐԻ 18:15

Սավուղը տեսնելով, որ նա չափազանց իմաստուն է, երկյուղ էր կրում նրանից։

Ա ԹԱԳԱՎՈՐՆԵՐԻ 19:8

Դարձյալ պատերազմ եղավ, ու Դավիթը դուրս եկավ այլազգիների դեմ պատերազմի։ Նա շատ մեծ ջարդ տվեց նրանց, և նրանք փախան նրա առջևից։

Ա ԹԱԳԱՎՈՐՆԵՐԻ 3:19

Սամուելը մեծացավ, Տերը նրա հետ էր, և Նրա ասած խոսքերից ոչ մեկը գետնին չմնաց։