Ա ԹԱԳԱՎՈՐՆԵՐԻ 17:28 - Նոր Էջմիածին Աստվածաշունչ

²⁸ Երբ նրա ավագ եղբայր Եղիաբը լսեց նրա զրույցը այդ մարդկանց հետ, Դավթի վրա խիստ բարկանալով՝ ասաց. «Դու ինչո՞ւ ես եկել այստեղ, անապատում ո՞ւմ ես հանձնել այն փոքրաթիվ ոչխարները։ Ես գիտեմ քո մեծամտությունը և սրտի չարությունը, դու պատերազմը դիտելու համար ես եկել»։

Նոր վերանայված Արարատ Աստվածաշունչ

²⁸ Եվ երբ նրա մեծ եղբայր Եղիաբը լսեց նրա խոսելն այդ մարդկանց հետ, Եղիաբի բարկությունը բորբոքվեց Դավթի վրա, և ասաց. «Դու ինչո՞ւ ես իջել այստեղ և անապատում ո՞ւմ ես հանձնել այն մի քանի ոչխարները։ Ես գիտեմ քո գոռոզությունը և քո սրտի չարությունը. դու, անտարակույս, իջել ես ճակատամարտը տեսնելու»։

Ա ԹԱԳԱՎՈՐՆԵՐԻ 17:28 Խաչաձեւ Հղումներ

Մատթեոս 10:36

Մարդու թշնամիներն իր ընտանիքի անդամները կլինեն (Միք. 7.6)։

ԱՌԱԿՆԵՐ 18:19

Եղբորից օգնություն ստացած եղբայրն ամուր քաղաքի պես է. հզոր ու բարձր է հաստատուն թագավորության պես։

ԾՆՆԴՈՑ 37:11

Նրա եղբայրները նախանձեցին նրան, իսկ հայրը մտքում պահում էր նրա պատմածը։

ԾՆՆԴՈՑ 37:8

Եղբայրները նրան ասացին. «Մի՞թե մեր թագավորը պիտի լինես կամ մեզ տե՞ր պիտի դառնաս»։ Եվ սկսեցին ավելի ատել նրան նրա երազների ու խոսքերի պատճառով։

ԾՆՆԴՈՑ 37:4

Երբ նրա եղբայրները տեսան, որ իրենց հայրը նրան իր բոլոր որդիներից ավելի է սիրում, ատեցին նրան և նրա հետ այլևս չէին կարողանում հանդարտորեն խոսել։

Մարկոս 3:21

Երբ Հիսուսի յուրայինները լսեցին, ելան եկան նրան բռնելու, որովհետև կարծում էին, թե խելագարվել է։

Հուդա 1:10

Իսկ սրանք հայհոյում են այն բանի դեմ, որ չգիտեն. ինչ էլ որ բնազդով գիտեն, անբան անասունի պես նրանցով էլ ապականվում են։

Մատթեոս 27:18

Քանի որ Պիղատոսը գիտեր, որ նախանձից էին մատնել նրան։

ԺՈՂՈՎՈՂ 4:4

Ես տեսա նաև բոլոր հաջողություններն ու արարածների ամեն չարություն. դրա պատճառը մարդուս նախանձն է մերձավորի նկատմամբ, սակայն սա ևս ունայնություն է և քամուն բռնելու նման։

ԱՌԱԿՆԵՐ 27:4

Ցասումն անողորմ է, բարկությունը՝ սաստիկ, իսկ նախանձը պակաս չէ ոչ մեկից։

ՍԱՂՄՈՍՆԵՐ 35:11

Ողորմությունդ ծագեցրո՛ւ քեզ ճանաչողներին Եվ արդարությունդ՝ սրտով ուղիղներին։

Ա ԹԱԳԱՎՈՐՆԵՐԻ 16:13

Սամուելը ձիթայուղով լի եղջյուրն առավ և իր եղբայրների մեջ օծեց նրան։ Այդ օրվանից ի վեր Տիրոջ հոգին շարժվեց Դավթի վրա։ Սամուելը վեր կացավ ու գնաց Արիմաթեմ։

Ա ԹԱԳԱՎՈՐՆԵՐԻ 16:7

Տերն ասաց Սամուելին. «Նրա տեսքին մի՛ նայիր և ոչ էլ հասակի բարձրությանը, քանի որ ես նրան չեմ ընտրել։ Աստված այնպես չի նկատում, ինչպես նկատում են մարդիկ. մարդիկ երեսին են նայում, իսկ Աստված՝ սրտին»։

Ա ԹԱԳԱՎՈՐՆԵՐԻ 17:29

Դավիթն ասաց. «Ի՞նչ եմ արել, բան էր՝ ասացինք»։

Բ ՄՆԱՑՈՐԴԱՑ 11:18

Ռոբովամը կին առավ Դավթի որդի Հերիմութի դուստր Մոլաթին ու Հեսսեի որդի Եղիաբի դուստր Աբիադին։