Ա ԹԱԳԱՎՈՐՆԵՐԻ 10:16 - Նոր Էջմիածին Աստվածաշունչ

¹⁶ Սավուղն ասաց իր ազգականին. «Նա մեզ հայտնեց, որ էշերը գտնվել են»։ Սակայն թագավորության մասին Սամուելի ասածները նրան չհայտնեց։

Նոր վերանայված Արարատ Աստվածաշունչ

¹⁶ Եվ Սավուղն իր հորեղբորն ասաց. «Նա մեզ հստակ ասաց, որ էշերը գտնվել են»։ Բայց թագավորության մասին Սամուելի ասած խոսքը չհայտնեց նրան։

Ա ԹԱԳԱՎՈՐՆԵՐԻ 10:16 Խաչաձեւ Հղումներ

ԱՌԱԿՆԵՐ 29:11

Անզգամն իր ողջ բարկությունը միանգամից է թափում, իսկ իմաստունը համբերում է հեզությամբ։

Ա ԹԱԳԱՎՈՐՆԵՐԻ 9:27

Երբ նրանք հասան քաղաքի եզրին, Սամուելը Սավուղին ասաց. «Ասա՛ քո ծառային, որ մեզանից առաջ անցնի»։ Եվ նա առաջ անցավ։ Սամուելը Սավուղին ասաց. «Դու այսօր այստեղ կմնաս և կլսես Տիրոջ պատգամները»։

Ա ԹԱԳԱՎՈՐՆԵՐԻ 9:20

Երեք օր առաջ կորցրած քո ավանակների համար մի՛ մտածիր, քանի որ դրանք գտնվել են։ Եվ ո՞ւմ է պատկանում Իսրայելի փառքը, եթե ոչ քո տանը և քո հոր ողջ տանը»։

ԴԱՏԱՎՈՐՆԵՐ 14:6

Տիրոջ հոգին աջակցեց նրան, և նա պատռեց առյուծին, ինչպես մի ուլի, թեպետ նրա ձեռքին զենք չկար։ Նա իր արածը չպատմեց իր հորն ու մորը։

ԵԼՔ 4:18

Մովսեսը վերադարձավ Հոթորի՝ իր աներոջ մոտ ու ասաց նրան. «Վերադառնամ Եգիպտոսում գտնվող իմ եղբայրների մոտ և տեսնեմ, թե տակավին կենդանի՞ են»։ Եվ Հոթորն ասաց Մովսեսին. «Բարի ճանապարհ»։

Ա ԹԱԳԱՎՈՐՆԵՐԻ 10:15

Ազգականը Սավուղին ասաց. «Պատմի՛ր ինձ, Սամուելը քեզ ի՞նչ ասաց»։

ԴԱՏԱՎՈՐՆԵՐ 14:9

Նա առավ այն իր բերանը և ուտելով գնաց իր հոր և մոր մոտ, նրանց էլ տվեց, և նրանք կերան։ Բայց նրանց չասաց, որ մեղրն առյուծի բերանից է հանել։

ԱՌԱԿՆԵՐ 12:23

Իմաստուն մարդը խորագիտության գահն է, անզգամների սիրտը նզովքի պիտի ենթարկվի։

ԺՈՂՈՎՈՂ 3:7

պատռելու ժամանակը և կարկատելու ժամանակը, լռելու ժամանակը և խոսելու ժամանակը,