Yowanane 7:6 - MUKANDA WA MYIDI MUKULU

⁶ Yezu kubambila ne: — Dianyi diba kadiena dianji kufika to. Kadi buenu nuenu, diba dionsu ndimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yesu wakabambila ne, Diba dianyi kadiena dianze kufika, kadi diba dienu didiku matuku onso.

Yowanane 7:6 Խաչաձեւ Հղումներ

Misambu 102:13

Kadi wewe, Maweja-Nangila, udi mukalenga wa kashidi, udi Mvidi Mukulu wa bikondu bionsu.

Matayi 26:18

Yezu kubandamuna ne: — Nuye mu tshimenga kua muntu kampanda, numuambile ne: “Mulongeshi udi wamba ne: diba dianyi didi pabuipi. Meme ne balongi banyi, netuenzele tshibilu tshia Dipita dia Maweja-Nangila kuebe.”

Yowanane 13:1

Dituku dimue kumpala kua tshibilu tshia Dipita dia Maweja-Nangila, Yezu mumanye muvua diba dimane kufika dia kumuka panu bua kupingana kua Tatu, bu muvuaye munange bantu bende ba pa buloba matuku onsu, kubanangaye too ne ku ndekelu.

Yowanane 17:1

Yezu mumane kuakula nanku, kutangilaye mulu, wamba ne: — Tatu, diba ndimane kufika. Leja butumbi bua Muanebe, bua Muana aleje kabidi butumbi buebe.

Yowanane 2:4

Kadi Yezu kumuandamuna ne: — Mamu, wewe ke ukadi ungambila tshindi ne bua kuenza anyi? Diba dianyi ki ndianji kukumbana.

Yowanane 7:30

Nanku bantu bavua basue kumukuata. Kadi muntu nansha umue kavua mua kumupeta, bualu diba dia kumukuata kadivua dianji kukumbana.

Yowanane 7:8

Nuye nuenu ku tshibilu. Meme tshiena nya ku tshibilu etshi to, bualu dianyi diba kadiena dianji kufika.

Yowanane 8:20

Yezu uvua muambile bantu miaku eyi, pavuaye ulongesha mu nzubu wa Mvidi Mukulu, mu tshibambalu tshiyuabu balamina mishete ya kuela makuta a kulambula Mvidi Mukulu. Muntu nansha umue kavua mumukuate, bualu diba diende kadivua dianji kukumbana.

Bienzedi 1:7

Yezu kubandamuna ne: — Tatu ke udi ujadika meba ne bikondu ku bumfumu buende. Nuenu kanuena ne bua kubimanya to.