Yowanane 6:2 - MUKANDA WA MYIDI MUKULU

² Bantu ba bungi bavua bamulonda. Bualu bavua bamone bishima bivuaye wenza pavuaye ujikija masama a bantu.

Mukanda wa Nzambi Dihungila Dikulukulu ne Dihungila Dihia-dihia 2003

² Bantu ba bungi bakamulonda, bualu bua bakatangila bimanyinu biakenzeleye bena mabedi.

Yowanane 6:2 Խաչաձեւ Հղումներ

Matayi 12:15

Yezu umvua lumu lua tshifufu atshi, kumukaye muaba awu. Bantu bavule kumulonda. Yezu kujikija masama a bantu bonsu.

Matayi 13:2

Bu muvua bantu bavule bamunguila, kubandaye mu buatu, kusomba. Bantu bonsu kuimana ku muelelu wa mayi.

Matayi 14:14

Yezu upatuka mu buatu, kumonaye bantu ba bungi. Luse kumukuatalu. Kutuadijaye kujikija masama abu.

Matayi 8:1

Yezu upueka ku mukuna, bantu musumba munene kumulonda.

Marke 1:45

Kadi muntu awu uya, kubangaye kulondela bantu bonsu bualu buvua bumuenzekele. Nanku Yezu katshivua mua kumueneka kabidi mu tshimenga, uvua amu mushale muaba wa nkayende. Bantu ba nseke yonsu bavua baye kudiye.

Marke 6:33

Kadi bantu bavule kubamonabu baya, kubamanyabu, bena mu bimenga bionsu kunyemabu lubilu, kudianzabu kufika ku makasa muaba awu, kumpala kua Yezu ne balongi bende.

Yowanane 11:47

Baparushe ne bamfumu ba batuangaji kudisangisha mu Tshipangu tshiabu tshikulu. Kuebejanganabu ne: — Netuenze tshinyi? Bualu muntu ewu udi wenza bishima bivule!

Yowanane 12:18

Ke pavua bantu ba bungi balue kuakidila Yezu. Bualu bavua bamane kumvua muvuaye muenze bualu ebu bua dikema.

Yowanane 12:37

Nansha muvuaye muenze bishima bia bungi bobu batangila, kabavua bamuitaba to.

Yowanane 2:11

Ke bualu bua dikema bua kumpala buvua Yezu muenze mu Kana mu buloba bua Ngalileya. Nanku kulejaye butumbi buende. Balongi bende kumuitaba.

Yowanane 2:23

Patshivua Yezu ku Yerushalayime, mu tshibilu tshia Dipita dia Maweja-Nangila, bantu ba bungi basua bamuitabe, pasuabu bamone malu a dikema asuaye wenza.

Yowanane 20:30

Yezu uvua muenze kabidi ku mesu kua balongi bende, bishima bikuabu bia bungi bidibu kabayi bafunde mu mukanda ewu to.

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

Yowanane 6:14

Bantu bamona tshishima tshivua Yezu muenze, kuambabu ne: — Bulelela, muntu ewu mMuambi uvua ne bua kulua pa buloba!

Yowanane 6:22

Butshia, bantu bavua bashala dia munu dia dijiba, kumonabu ne: buatu muaba ewu buvua amu bumue. Bavua bamanye kabidi ne: Yezu kavua mubande mu buatu pamue ne balongi bende, bualu balongi bavua baye nkayabu.

Yowanane 6:26

Yezu kubandamuna ne: — Ndi nnujadikila ne: nudi nunkeba bualu nuvua badie buukute, kadi kanuvua bajingulule bishima bimvua muenze to.

Yowanane 6:30

Kumuambabu ne: — Kadi bualu bua dikema kaayi buudi mua kutuleja bua tukuitabe? Biudi mua kuenza mbinganyi?