Yowanane 3:31 - MUKANDA WA MYIDI MUKULU

³¹ — Muntu udi ufuma mu diulu udi ku mutu kua bionsu. Muntu wa pa buloba udi muena panu, udi wakula malu a panu. Muntu udi ufuma mu diulu udi ku mutu kua bionsu.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Udi mufume mulu ngudi mutambe bonso; wa ha buloba udi wa ha buloba, udi wamba malu a ha buloba; udi mufume mulu udi mutambe bonso.

Yowanane 3:31 Խաչաձեւ Հղումներ

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Yowanane 1:15

Yowanane ke uvua muambile bantu bualu buende. Uvua muele diyi dikole ne: — Yeye ewu ke umvua muambe ne: “Muntu neafike panyima panyi udi muntambe meme, bualu kabayi banji kundela, yeye ukavuaku.”

Yowanane 1:27

Udi ulua panyima panyi. Kadi tshiena nansha muakanyine kusulula nshinga ya bisabata biende.

Yowanane 1:30

Yeye ke umvua muambe ne: “Muntu udi ulua panyima panyi. Kadi udi mumpite meme. Bualu kabayi banji kundela, yeye ukavuaku.”

Yowanane 3:30

Nenku Yeye atante, meme nkepele.

Yowanane 6:33

Bualu diampa didi Mvidi Mukulu ufila, ke didi difuma mu diulu, dipetesha bantu muoyi.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Yowanane 8:23

Yezu kubandamuna ne: — Nuenu nudi bafume panshi pa buloba. Kadi meme ndi mfuma mulu. Nuenu nudi ba pa buloba ebu, kadi meme tshiena wa pa buloba ebu nansha.

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

Ebrewu 9:1

Ndondu wa kumpala uvua ne mikenji milongolola bua kutendelela Mvidi Mukulu, uvua kabidi ne nzubu wa Mvidi Mukulu wa pa buloba.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.

1 Yone 4:5

Bambi ba dishima badi bakula bua bia panu. Ke padi bena panu babateleja, bualu bambi aba mba panu.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”