Yowanane 12:29 - MUKANDA WA MYIDI MUKULU

²⁹ Bantu bavule bavua muaba awu bumvua diyi adi, kuambabu ne: — Ndikubakuba dia mvula! Bakuabu bavua bamba ne: — Mutumibue wa Mvidi Mukulu uvua uyukila nende!

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Bantu bakadi bimane ha buihi bakunvua di edi, bakamba ne, Mukungulu wa nvula; bakuabo bakamba ne, Muanjelo wakuakula nʼandi.

Yowanane 12:29 Խաչաձեւ Հղումներ

Yobe 40:9

Udi ne bukole bundi meme nabu anyi? Diyi diebe ndikole bu dianyi anyi?

Ekesode 19:16

Nanku, dituku disatu dinda, makubakuba ne miele ya mvula kumvuika ku mukuna. Pashishe divuba dinene kumueneka ku mukuna. Bantu bonsu bavua mu mitanda, bumvue kabidi muadi mukole wa mpungi, kuzakala bikole.

Ekesode 20:18

Bantu bonsu bumvue makubakuba ne miadi ya mpungi, bamone kabidi miela ya mvula ne muinshi ufuima ku mukuna, kutshinabu, kuzakalabu, kuimanyinabu pa bule.

Yezekiyele 10:5

Mutoyi wa mapuapua a bakerubine uvua umvuika too ne mu lupangu lua pambelu pa nzubu wa Mvidi Mukulu. Mutoyi uvua mukole mufuanangane ne diyi dia Mvidi Mukulu wa bukole buonsu, padiye wakula.

Bienzedi 9:7

Bantu bavua ne Shawule mu njila, kupampakana, bapuwa. Bavua bumvua diyi, kabayi bamona muntu.

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.

Didimanyisha 14:2

Meme kumvua diyi difumina mu diulu, dikungula bu bibila binene bia mayi, bu dikubakuba dikole. Kadi diyi adi divua diumvuika kabidi bu miadi ya bisanji bia lunzenze.

Didimanyisha 6:1

Pashishe meme kumona Muana wa mukoku ulamuna tshitampi tshia kumpala tshia ku bitampi muanda mutekete. Meme kumvua tshimue tshia ku Bia muoyi binayi tshiela diyi bu dikubakuba ne: “Lua!”

Didimanyisha 8:5

Pashishe mutumibue kuangata mbabula, kuelamu kapia ka ku tshilambuilu, kuwuja. Pashishe kuitshikijaye kapia pa buloba. Ke makubakuba kuakulawu, mikenya kupenya, tshikumina kuenzeka pa buloba.