Yoshua 8:2 - MUKANDA WA MYIDI MUKULU

² Nenuenzele tshimenga atshi ne mukalenga watshi, anu bu munuvua benzele tshimenga tshia Yeriko ne mukalenga watshi. Kadi wewe ne bena mvita bebe bonsu, nenuangate bintu bionsu binuasangana mu tshimenga atshi too ne bimuna, bishale bintu bienu. Utume bantu panyima pa tshimenga baye kujikidila baluishi padibu kabayi banji kudilongolola.

Mukanda wa Nzambi Dihungila Dikulukulu ne Dihungila Dihia-dihia 2003

² ne wewe newenzele Ai ne mukelenge wa musoko bu muwakenzela Yeleko ne mukelenge wau; kadi bintu bia mu musoko ne bimuna, nubiangate bu bintu bienu; utume balaminyi ku nyima kua musoko.

Yoshua 8:2 Խաչաձեւ Հղումներ

2 Kulondolola 13:13

Diba adi, Yerobowame kutuma tshisumbu tshikuabu tshia bena mvita kunyima kua bena Yuda bua kubaluisha. Nanku bena Yuda bavua ne baluishi ba bena Izrayele kumpala ne kunyima kuabu.

2 Kulondolola 20:22

Pavuabu batuma musambu wa kutumbisha Mvidi Mukulu, Maweja-Nangila kubueja tshimvundu munkatshi mua bena Amone, bena Mowabe, ne bena Edome, bavua bafike bua kuluisha bena Yuda. Nanku bena lukinu babu kuluishangana nkayabu.

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Nsumuinu 13:22

Muntu muimpe udi ushiya bumpianyi kudi ndelanganyi yende. Kadi mpetu ya babi, bakane badi bayipeta.

Nsumuinu 28:20

Muntu wa muoyi umue mmuena diakalenga. Kadi udi uzukila amu bua kupeta biuma, kakupanga dinyoka nansha.

Yirmeya 17:11

Mudi nzolu uladila mayi a dibata, ke mudi muntu udi upeta bubanji mu buivi. Patshidiye ne bukole, bintu biende bidi bimujika. Yeye mumane kukulakaja, udi bu muntu mutatakane.

Yirmeya 51:12

Nuele diyi dia nuenu kubanga kuluisha bimenga bia Babilone. Nuteke bena mvita ku nseke yonsu ya tshimenga. Nuteke batentekedi. Ke mudi Maweja-Nangila ukumbaja tshivuaye mujadike bua kuenzela bena Babilone.

Dielulula 2:35

Tuetu kukuata bimuna, ne bintu bionsu bituvua basangane mu bimenga abi.

Dielulula 20:14

Kadi, bakaji, bana, bimuna, ne bintu bionsu bidi mu tshimenga atshi, nubiangate, nuenza nabi munudi basue. Bualu bintu bia baluishi benu mbintu bidi Maweja-Nangila Mvidi Mukulu wenu munupeshe.

Dielulula 3:2

Ke Maweja-Nangila kungambila meme Moshe ne: “Kutshinyi mukalenga uvuavua awu to! Nkadi mumane kumufila mu bianza biebe, yeye ne bantu bende bonsu, kabidi ne ditunga diende dijima. Neumuenze muuvua muenze Sihone, mukalenga wa bena Amore, uvua muase mu Eshebone.”

Yoshua 10:1

Mukalenga Adoni-Sedeke wa mu Yerushalayime, kumvuaye muvua Yoshuwa mukuate tshimenga tshia Ayi, mutshinyangakaje tshionsu, mushipe ne mukalenga watshi, anu muvuaye munyangakaje tshimenga tshia Yeriko, mushipe kabidi ne mukalenga watshi. Uvua mumane kumvua kabidi ne: bena Ngibone mbamane kutua ndondu wa ditalala ne bena Izrayele, basombe munkatshi muabu.

Yoshua 10:28

Amu dituku adi, Yoshuwa kukuata tshimenga tshia Makeda, kushipa mukalenga watshi, ne bantu bonsu bavuamu. Kawa mushiye muntu ne muoyi to. Uvua muenzele mukalenga wa mu tshimenga tshia mu Makeda biwaye muenzele mukalenga wa mu tshimenga tshia Yeriko.

Yoshua 11:14

Bena Izrayele kuangata bimuna ne bintu bivuabu basangana mu bimenga abi. Kadi bavua babutula bantu bonsu. Kabawa bashiye muntu nansha umue ne muoyi to.

Yoshua 6:21

Kushipabu bantu ba mu tshimenga atshi: balume, bakaji, bantu bakole ne bana batekete. Kushipabu too ne ngombe, mikoku ne mpunde.

Yoshua 8:12

Yoshuwa kusungula bantu balume bavua ne bukole bua kuluangana mvita bu binunu bitanu. Uvua mubambile bua basokome pankatshi pa tshimenga tshia Betele ne tshia Ayi, luseke ludi diba dibuelela lua tshimenga.

Yoshua 8:14

Butshia dinda, mukalenga wa mu tshimenga tshia Ayi, umona bena Izrayele, kupatukaye mu tshimenga ne bena mvita bende bonsu, bua kuluisha bena Izrayele, anu muaba uvuabu baluishilangana musangu mukuabu, luseke lua ku tshibandabanda tshia ku musulu wa Yardene. Mukalenga kuvua mumanye ne: bena mvita ba bena Izrayele mbamane kutualamina panyima pa tshimenga to.

Yoshua 8:19

Anu Yoshuwa olola tshianza mutangije mu tshimenga tshia Ayi, bena mvita ba bena Izrayele bavua basokome, kupatuka lukasa, kunyema kubuela mu tshimenga, kutshikuata, kutshiosha diakamue.

Yoshua 8:24

Bena Izrayele bavua bashipa baluishi babu munkatshi mua mpata, muaba uvua baluishi abu babalondakaja. Bobu bamane kubutula bena Ayi bonsu, kakuyi kushala muntu nansha umue, kupinganabu kabidi mu tshimenga tshia Ayi. Kubutulabu bantu bonsu bavua bashale ne muoyi.

Yoshua 8:3

Yoshuwa kudilongolola bua kuya kuluishi bena Ayi pamue ne bena mvita bende bonsu. Kusungulaye bantu binunu makumi asatu, batshivua ne bukole bua kuluangana mvita. Kubatumaye butuku,

Yoshua 8:7

Diba adi, nuenu nenujuke miaba inudi basokome. Nenukuate tshimenga, bualu Maweja-Nangila Mvidi Mukulu wenu udi munupatshi.

Yoshua 8:8

Amu nuenu bamane kukuata tshimenga, nutshioshe bilondeshile diyi dia Maweja-Nangila. Nukumbaje menemene bindi nnuambila ebi.

Yoshua 8:9

Yoshuwa kutuma bena mvita ku Ayi, ku muaba uvuabu basungule bua kubundila bena mu tshimenga. Bobu kuimana pankatshi pa tshimenga tshia Betele ne tshia Ayi, luseke ludi diba dibuelela lua tshimenga tshia Ayi. Yoshuwa uvua mulale mu mitanda muaba uvua bena mvita bakuabu bashale.

Yoshua 9:3

Kadi bena Ngibone bavua bena Ivi, kumvuabu muvua Yoshuwa munyangakaje tshimenga tshia Yeriko ne tshia Ayi.