Yoshua 3:8 - MUKANDA WA MYIDI MUKULU

⁸ Kadi wewe ambila batuangaji badi bambula mushete wa ndondu ne: padibu bafika ku muelelu wa Yardene, babuele mu mayi, bimane.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Wewe Wambile bakuidi badi batuala mushete wa tshihungidi tshia mei ne, Hanuafika kukala kua mai a Yadene, mumane balulame mu Yadene.

Yoshua 3:8 Խաչաձեւ Հղումներ

2 Bakalenga 2:6

Eliya kuambila kabidi Elisha ne: — Ushale muaba ewu. Maweja-Nangila mmuntume ku muelelu wa Yardene. Kadi Elisha kumuandamuna ne: — Bu mudi Maweja-Nangila ne muoyi, ne bu muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi!

2 Kulondolola 29:15

Bena Levi abu kusangisha bantu ba meku abu onsu. Bonsu kumusha mikiya ivuabu nayi. Pashishe, bu muvua mukalenga Izkiya mumane kubatumina diyi, bantu bonsu kuya mu nzubu wa Mvidi Mukulu bua kumushamu mikiya, bu muvua Mvidi Mukulu musue.

2 Kulondolola 29:27

Izkiya kutuma diyi bua balambule milambu ya kuosha pa tshilambuilu. Pavuabu batuadija kulambula milambu, bavua bimba misambu bua kutumbisha Maweja-Nangila, bela mpungi, bimba biombelu bia Davide, mukalenga wa bena Izrayele.

2 Kulondolola 29:30

Mukalenga Izkiya ne bakulu kuambila bena Levi bua batumbishe kabidi Maweja-Nangila ne misambu ivuabu benze kudi Davide ne kudi muambi Ashafe. Bena Levi kuimba misambu ne disanka dinene, pashishe kudielabu panshi bua kutumbisha Maweja-Nangila.

2 Kulondolola 30:12

Mu bukalenga bua Yuda, Maweja-Nangila kuambuluisha bantu, bua bitabe bonsu ne muoyi umue mua kukumbaja bionsu bivua mukalenga Izkiya ne bakulu babambile mu dina dia Maweja-Nangila.

Nehemya 13:22

Nanku, meme kuambila bena Levi, bua bumushe mikiya yabu, baye kulama biibi bia tshimenga, bua bantu banemeke dituku dia Dikisha. “Eyi, umvuluke Mvidi Mukulu wanyi, bua bualu ebu kabidi. Wewe udi muena dinanga, umfuile luse!”

Nehemya 13:28

Muana umue wa Yoyada, muikulu wa mutuangaji munene Eliyashibe, uvua musele muana wa Sanebalate, muena Orone. Ke pamvua mumuipate mu Yerushalayime.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Muadi 3:26

Bidi bimpe kuindila ne lutulu lupandu ludi Maweja-Nangila ukutumina.

Yoshua 3:17

Batuangaji bavua bambula mushete wa tshijila, kuimana balulame mu lusenga lume, munkatshi mua musulu wa Yardene, too ne mudi bonsu basabuka bafika dia muamua ku makasa kume.

Yoshua 3:3

bambila bantu ne: — Panudi numona batuangaji ba bena Levi bambule mushete wa ndondu wa Maweja-Nangila Mvidi Mukulu wenu, numuangale bonsu muaba awu, nubatue mu nyima.

Yoshua 3:7

Maweja-Nangila kuambila Yoshuwa ne: — Biangatshile ku lelu, ndi njadika bumfumu buebe ku mesu kua bena Izrayele bonsu. Nebamanye ne: ndi nebe, bu mumvua ne Moshe.

Yoshua 3:9

Ke Yoshuwa kuambila bena Izrayele ne: — Semenayi apa, nuteleje mudi Maweja-Nangila Mvidi Mukulu wenu wamba.

Yoshua 4:11

Nanku bantu bonsu bamane kufika dishiya dia musulu, batuangaji kusabuka, kupita kabidi kumpala kua bena Izrayele bonsu, bambule mushete wa tshijila.