Yoshua 23:10 - MUKANDA WA MYIDI MUKULU

¹⁰ Muntu umue wa kunudi, udi mua kutshimuna baluishi tshinunu, bualu Maweja-Nangila Mvidi Mukulu wenu, udi ku luseke luenu, unuluila mvita, bu muvuaye mumane kulaya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Umue wenu neihate tshinunu tshia bantu; bualu bua Yehowa, Nzambi wenu, udi unuluila nvita bu muakanuambileye.

Yoshua 23:10 Խաչաձեւ Հղումներ

2 Samuele 23:8

Mena a bena mvita ba Davide bavua ne bukitu avua nenku: Ishebale, muena Akmoni, mfumu wa tshisumbu tshia bilobu bisatu. Bavua bamubikila kabidi ne: Adino, muena Esni. Yeye ke uvua mushipe bantu nkama muanda mukulu musangu umue.

1 Kulondolola 5:20

Bavua batekemena kudi Mvidi Mukulu munkatshi mua mvita ayi. Kusengelelabu Mvidi Mukulu bua kupeta diambuluisha. Mvidi Mukulu kubateleja, kubambuluisha. Bobu kutshimuna bena Agri ne bonsu bavua batue ku tshiabu.

1 Kulondolola 5:22

Bavua bashipa kabidi baluishi ba bungi. Bionsu abi, amu bualu Mvidi Mukulu uvua nabu, ubambuluisha. Kuasabu mu buloba bua bena Agri, too ne ku tshikondu tshikuabu baye nabu ku bupika.

Misambu 35:1

Musambu wa mu mukanda wa misambu ya Davide. Maweja-Nangila, luangana ne bankinyi banyi, uluishe badi bangenza mvita.

Misambu 46:7

Padi Mvidi Mukulu wakula, bisamba bidi bizakala, makalenga atutakana, buloba bunyungakana.

Ekesode 14:14

Lekelayi kupampakana, bualu Maweja-Nangila nealuangane mvita eyi pa mutu penu.

Yeshaya 30:17

Padi muluishi umue ukana bena mvita benu tshinunu, nebanyeme. Kadi padi batanu bakana, nenunyeme lubilu buonsu buenu. Tshiluilu tshienu tshionsu netshijimine. Netshishiye amu mutshi wa dibendele, muasa ku lusongu lua mukuna.

Lewitiki 26:7

Nenutshimune baluishi benu, nenubashipe bonsu.

Lewitiki 26:8

Bena Izrayele batanu nebatshimune baluishi lukama. Bena Izrayele lukama, nebatshimune baluishi binunu dikumi, babashipe bonsu.

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Dielulula 20:3

“Nuenu bena mvita ba bena Izrayele, numanye ne: lelu nudi nuluangana ne bena lukuna benu. Panuafika muaba udibu, nukoleshe muoyi. Kanubatshinyi, kanupampakanyi, kanuzakadi to.

Dielulula 20:4

Maweja-Nangila Mvidi Mukulu wenu udi nenu. Neanuluile mvita ayi, bua nuenu kubatshimuna!”

Dielulula 28:7

Maweja-Nangila neanuambuluishe bua nutshimune baluishi benu. Pikalabu bavuile njila umue, nebanyeme bapingena mu njila muanda mutekete mishilangane.

Dielulula 3:22

Nanku, kanubatshinyi to, bualu Maweja-Nangila Mvidi Mukulu wenu neanuluile mvita ayi.”

Dielulula 32:20

Ke Maweja-Nangila kuamba ne: “Tshiena mua kutekemena kudi bena Izrayele to. Kabena ne kanemu nansha kakese to. Tshiena musue kubalama kabidi to. Nemmone bidi mua kubenzekela.

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.

Yoshua 10:42

Kukuataye matunga aa. Kutshimunaye bakalenga abu anu musangu umue. Bualu Maweja-Nangila Mvidi Mukulu wa bena Izrayele nkayende ke uvua uluila bena Izrayele mvita.

Yoshua 23:11

Nanku nudimuke, nunange amu Maweja-Nangila Mvidi Mukulu wenu.

Yoshua 23:3

Nuvua badimuene bionsu bivua Maweja-Nangila Mvidi Mukulu wenu muenzele bisamba bivua mu ditunga edi, bualu buenu. Maweja-Nangila uvua ku luseke luenu, unuluila mvita.

Balombodi 15:15

Shimeshone kumona lubanga lua nyama wa mpunde, mumane kushipa kupita matuku makese. Kuambulaye lubanga alu. Kushipaye nalu bantu tshinunu.

Balombodi 3:31

Mulombodi uvua ulonda Ekude, ke Shamgare, muana wa Anate. Kushipaye bena Peleshete nkama isambombu anu ne mutshi wa kusaka nawu ngombe, bua kusungidila bena Izrayele.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.