Yoshua 2:14 - MUKANDA WA MYIDI MUKULU

¹⁴ Batentekedi abu kumuandamuna ne: — Tudi baditshipa kuudi. Tuetu katuyi bakumbaje bitudi tukulaya, Maweja-Nangila atushipe, kadi amu wewe kuyi muambile muntu tshitudi bavuile munemu. Nanku, padi Maweja-Nangila utupa ditunga edi, netukumbaje tshitudi bakulaye. Netukufuile luse.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Balume aba bakamuambila ne, Netudie mioyo yetu bua kukufuila. Biwikala kuyi usokolola bualu buetu ebu hatuha Yehowa buloba, netukuenzele malu a luse ne a bushuwa.

Yoshua 2:14 Խաչաձեւ Հղումներ

Genese 24:49

Mpindiewu panuikala bitabe bua kukumbaja dijinga dia mfumuanyi, nansha panuikala babenge, nungambile patoke bua mmone tshindi mua kuenza.

Genese 47:29

Yakobe umvua ne: diba dia lufu diakumbanyi, kubikilaye muanende Yozefe, umuambila ne: — Pawikala munnange, kunjiki mu Ejipitu nansha. Kuata muinshi mua tshibelu tshianyi, uditshipe bua kundeja muudi munnange ne mundamate.

2 Samuele 2:5

kutumaye bantu bua bambila bena mu Yabeshe ne: “Maweja-Nangila anuele lupemba, bualu nudi bajike mfumuenu Shawule, baleje munuvua bamunange.

2 Samuele 2:6

Maweja-Nangila anuenzele bimpe, anunange. Meme nennuenzele kabidi bimpe, munuvua benza nanku.

2 Samuele 9:1

Dituku dikuabu, Davide kukonka ne: — Mu nzubu mua Shawule, kamuena muntu nansha umue udi mushale ne muoyi anyi? Ndi musue kumuenzela bimpe mu dina dia Yonatane.

1 Bakalenga 20:39

Pavua mukalenga Akabe upita, muambi kumuambila ne: — Mukalenga, mvua munkatshi mua mvita. Muntu mukuabu kumuka ku milongu ya bena mvita, kumpesha muena lukanu, ungambila ne: “Undamine muntu ewu! Yeye munyeme, wewe neuye mu bupika pa muaba wende, anyi neumpeshe nkanu mitoke ya mushinga mukole binunu bisatu.”

Nsumuinu 14:22

Bantu badi bela meji a kuenza bibi badi bapambuke. Kadi bantu badi bela meji mempe, bantu nebabanange ne muoyi umue.

Nsumuinu 18:24

Muntu udi ne balunda ba bungi, bobu mene badi mua kumukebela dikenga. Kadi mulunda muimpe mmupite ne muanenu.

Matayi 5:7

Bantu badi bafuila bakuabu luse, ke bena diakalenga, bualu Mvidi Mukulu neabafuile luse!

Bienzedi 23:22

Mulombodi kulayangana ne nsongalume, kumukandika ne: — Kuambidi muntu bualu buudi mutumanyishe.

Yoshua 2:13

Nundaye bua kupandisha baledi banyi, bana betu ba balume ne ba bakaji, too ne bena meku etu bonsu. Kanuanyishi bua batushipe to.

Yoshua 2:15

Nzubu wa Rakabe uvua mutuangane ne tshimana tshia tshimenga. Nanku kupatulaye bantu babidi abu ku madidishi, ubapuekeshila ku muonji.

Yoshua 6:17

Tshimenga etshi netshibutuke ne bionsu bidimu, bualu mbintu bia kulambula Maweja-Nangila. Nulekele amu Rakabe, mukaji muena tshiendenda, ne muoyi, yeye ne bantu bonsu badi mu nzubu muende. Bualu uvua musokoke batentekedi betu batuvua batume.

Yoshua 6:22

Yoshuwa kuambila bantu babidi bavua batentekela tshimenga tshia Yeriko ne: — Ndayi kua Rakabe, mukaji muena tshiendenda. Numupatule mu nzubu amu ne bena diende bonsu, ne bapika, bu munuvua bamane kuditshipa kudiye.

Yoshua 6:25

Yoshuwa uvua mulame Rakabe, mukaji muena tshiendenda, ne bonsu bavuaye nabu, ne muoyi. Bualu mukaji awu, uvua musokoke bantu bavua baye kutentekela tshimenga tshia Yeriko. Nanku Rakabe kusomba munkatshi mua bena Izrayele, ndelanganyi itshidi isombamu too ne mpindiewu.

1 Samuele 20:8

Nanku, wewe undeje muudi munnange. Bualu tudi batue nebe ndondu wa bulunda mu dina dia Maweja-Nangila. Pangikala muenze bualu bubi bua mushindu kaayi, unshipe wewe nkayebe pa mutu pa kumfila kudi tatuebe Shawule.