Yoshua 18:8 - MUKANDA WA MYIDI MUKULU

⁸ Bantu bavuabu basungula bua kuya kutentekela ditunga kudilongolola bua kuya. Bangabanga ne kumukabu, Yoshuwa kubambila ne: — Nuye, nuendakane ditunga dijima. Nujadike bimpe menemene mushindu udidi. Nupingane bua kungambila bionsu binuikala bamone. Nanku amu munemu mu Silo, muaba udi Maweja-Nangila, meme nentshinke bua kumanya bitupa bia buloba bishilangane binudi mua kupeta.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bantu aba bakabika, bakaya; Yoshua wakadimusha bantu bakadi baya kutangila buloba ne, Yai bienu, nuendakane ku buloba, nuhingane kabidi kundi, nungambile bu munuamona; ne meme nennuelele nshobo kunoko ku mesu kua Yehowa mu Shilo.

Yoshua 18:8 Խաչաձեւ Հղումներ

Genese 13:17

Juka, endakana mu ditunga, uditangile mu bule ne mu butshiama buadi, bualu nenkupadi.

Yeshaya 34:17

Maweja-Nangila uvua mutshinke, tshitupa tshia ditunga, tshidi yonsu wa kudiyi mua kupeta. Uvua muangate muonji, bua kupima ditunga, kudiabanyina nyama ayi. Nedishale diayi kashidi, neisombemu tshiendelele.

Rome 14:19

Nanku tukebayi bidi mua kufila ditalala, bidi mua kutushindamija pamue mu ditaba.

Yoshua 13:7

Nanku matunga awu udi ne bua kuabanyina bisamba tshitema bia bena Izrayele, ne tshia bibidi tshimue tshia tshisamba tshia bena Menashe, bidi kabiyi bianji kupeta muaba wa kuasa.

Yoshua 15:1

Buloba buvuabu batshinka bua kupesha bena Yuda, bilondeshile meku abu, buvua butuadija kuinshi mu ditunga, luseke ludi diba dipatukila, ku mukalu ne bena Edome. Tshipela tshia Tsine tshivua tshitupa tshia kuinshi menemene tshia buloba abu.

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

Yoshua 18:10

Muaba uvua Maweja-Nangila, Yoshuwa kutshinka bua kumanya mushindu uvuabu mua kuabanyina bena Izrayele bitupa bia buloba abi. Yoshuwa kupesha tshisamba tshionsu tshiatshi tshitupa tshia buloba mu ditunga adi.

Yoshua 18:6

Kadi nujadike bimpe mushindu udi bitupa bikuabu muana mutekete bia buloba abu. Nupingane bua kungambila bionsu binuikala bamone. Kadi muaba udi Maweja-Nangila Mvidi Mukulu wetu ke undi meme mua kutshinkila bua kumanya tshitupa tshia buloba tshidibu mua kuangata kudi tshionsu tshia ku bisamba bienu.

Yoshua 18:9

Bantu abu kuendakana ditunga dijima. Kufundabu bionsu bivuabu bamone mu bitupa bia buloba abi muanda mutekete. Kufundabu kabidi mena a bimenga bionsu bivuamu. Pashishe kupinganabu muaba uvua Yoshuwa mu mitanda ya mu Silo.

1 Samuele 14:41

Shawule kulomba Maweja-Nangila ne: — Mvidi Mukulu wa bena Izrayele, kuena mungandamune lelu bua tshinyi? Maweja-Nangila, ungandamune ku bintu bia tshijila ebi: pikala Yonatane muenze bibi nansha meme, ungandamune ku Urime. Kadi pikala bena mvita benze bibi, ungandamune ku Tumime. Kujadikabu ne bubi budi luseke lua Yonatane ne tatuende. Bena mvita kabena ne bualu to.