Yoshua 17:6 - MUKANDA WA MYIDI MUKULU

⁶ Kabena bapesha amu bantu balume ba mu tshisamba tshia Menashe nkayabu maloba to. Bavua baapesha kabidi bantu bakaji ba mu tshisamba etshi. (Buloba bua Ngilaade buvua bua ndelanganyi mikuabu ya Menashe.)

Mukanda wa Nzambi Dihungila Dikulukulu ne Dihungila Dihia-dihia 2003

⁶ bualu bua bana ba bakashi ba Manashe bakangata buhianyi munkatshi mua bana bandi ba balume. Buloba bua Gilada buakadi bua bana ba balume bakuabo ba Manashe.

Yoshua 17:6 Խաչաձեւ Հղումներ

Yezekiyele 48:4

Bua bena Menashe nebutuangane ne bua bena Naftali.

Yoshua 13:29

Buloba buvua Moshe muabanyine bena tshia bibidi tshimue tshia tshisamba tshia Menashe, bilondeshile meku abu, buvua ne mikalu nenku:

Yoshua 13:30

kuinshi mu ditunga kuvua Makanayime. Mu buloba ebu muvua ditunga dijima dia Bashane, ditunga dijima dia Oge, mukalenga wa Bashane, ne misoku makumi asambombu ya Yayire ivua mu ditunga dia Bashane.

Yoshua 13:31

Muvua kabidi tshitupa tshia ditunga dia Ngilaade, ne bimenga bia Ashetarote ne Edreyi, bimenga binene bia kale bia Oge, mukalenga wa Bashane. Buloba buonsu ebu bavua babuabanyine tshia bibidi tshia meku a ndelanganyi ya Makire, muana wa Menashe.

Yoshua 17:5

Tshisamba tshia Menashe kupeta bitupa bia maloba dikumi, katuyi tubala buloba bua Ngilaade ne bua Bashane, awa luseke ludi diba dipatukila lua Yardene.

Yoshua 17:7

Buloba bua Menashe buvua butuadijila ku Ashere, buya too ne ku Mikmetate, luseke ludi diba dipatukila lua Shekeme. Kumukila ku Mikmetate, mukalu uvua upuekela kuinshi muditunga, uya too ne ku muaba uvua bena Ene-Tapuwa.

Yoshua 22:7

Kubambilaye ne: — Pinganayi kuenu, ne bintu bionsu binudi bapete: bimuna, nkanu ya tshiamu tshitoke tshia mushinga mukole, biamu bia mpawungi, biamu bikunze, bifike, ne bilamba bipite bungi. Nanku nuabanyangane bintu bionsu, binudi banyenga baluishi betu ebi, ne bena bisamba bienu bakuabu. Bena tshitupa tshia tshisamba tshia Menashe,