Yoshua 13:9 - MUKANDA WA MYIDI MUKULU

⁹ Mikalu ya maloba awu ivua nunku: kuinshi kua ditunga kuvua tshimenga tshia Aroyere tshivua ku musulu wa Amone, ne tshimenga tshidibu base munkatshi mua tshibandabanda tshia musulu awu. Muvua kabidi mikuna ya ku Medeba too ne ku Dibone,

Mukanda wa Nzambi Dihungila Dikulukulu ne Dihungila Dihia-dihia 2003

⁹ ku Aloê udi ku muelelu wa tshibanda tshia Ânona, ne musoko udi munkatshi mua tshibanda, ne mpata mujima wa Medeba tô ne ku Dibona;

Yoshua 13:9 Խաչաձեւ Հղումներ

2 Samuele 24:5

Basabuka Yardene, kutuadijabu ne tshimenga tshia Aroyere, ne tshimenga tshivua muinshi mu tshibandabanda. Kutungunukabu bapitshila mu bena Ngade bua kuya ku Yazere.

1 Kulondolola 19:7

Ke muvuabu bapete matempu a mvita binunu makumi asatu ne bibidi. Kuangatabu ne bena mvita ba mukalenga wa bena Maaka ku mudimu. Bena mvita aba kuya kuasa mitanda pabuipi ne tshimenga tshia Medeba. Ke bena Amone kabidi kupatuka mu bimenga biabu, kuela mualu wa mvita.

Nehemya 11:25

Meku makuabu a tshisamba tshia bena Yuda avua masombe mu misoku ya ku mpenga: ke mu Kiriyate-Arba, ne mu misoku idi mutumba; mu Dibone ne misoku idi mutumba; mu Yekabseyele ne misoku idi mutumba;

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Yirmeya 48:18

Bena Dibone, nutuluke mu nkuasa wenu wa lumu, nusombe mu lupuishi. Bualu baluishi bavua babutula Mowabe badi bafika bua kunuluisha nuenu. Badi bashimbula nzubu yenu inuvua bakoleshe ne bimana.

Yirmeya 48:22

tshia Dibone, tshia Nebo, tshia Bete-Diblatayime,

Yirmeya 48:8

Muena tshinyangu neapitshile ku tshimenga ne ku tshimenga, bua kubinyangakaja bionsu. Nansha bidi mu tshibandabanda, nansha bidi mu mpata nebinyanguke. Ke mudi Maweja-Nangila muambe nanku.

Dibadika 21:30

Kadi tuakuasa bena Amore mikete! Tuakubutula Eshebone! Tuakunyangakaja ditunga dijima too ne ku Dibone, too ne ku Nofa, ne ku Medeba mene.”

Dielulula 2:36

Maweja-Nangila Mvidi Mukulu wetu, uvua mutuambuluishe bua kukuata bimenga bionsu bivua pankatshi pa tshimenga tshia Aroyere, tshidi pabuipi ne musulu wa Amone, ne tshimenga tshikuabu tshidi mu tshibandabanda tshine atshi, too ne ku ditunga dia Ngilaade. Tshimenga nansha tshimue tshia mu bimenga ebi, katshivua ne bukole bua kutuluisha.

Dielulula 3:12

Ke mutuvua bakuate ditunga didi ku mutu kua tshimenga tshia Aroyere, tshidi pabuipi ne musulu wa Amone. Meme Moshe, mvua mupeshe ndelanganyi ya Rubene ne ya Ngade tshitupa tshia ditunga dia mikuna dia Ngilaade, ne bimenga bionsu bivuamu.

Dielulula 3:16

Kadi ndelanganyi ya Rubene ne ya Ngade, ndi muyipeshe ditunga dia pankatshi pa ditunga dia Ngilaade ne musulu wa Amone. Musulu wa Amone ke mukalu wa kuinshi wa ditunga adi. Musulu wa Yaboke udi wenza mukalu wadi ne ditunga dia bena Amone.

Yoshua 12:2

Mukalenga wa kumpala uvua Sihone, muena Amore, uvua musombele mu tshimenga tshia Eshebone. Uvua ulombola bantu bavua basomba mu tshitupa tshia tshibandabanda tshia musulu wa Amone, biangatshile ku Aroyere, ulombola kabidi bavua basombe mu tshitupa tshia Ngilaade too ne ku musulu wa Yaboke, udi wenza mukalu wa ditunga dia bena Amone.

Yoshua 13:10

bimenga bia mukalenga Sihone, muena Amore, wa mu Eshebone, uvua ne bumfumu bua ditunga dijima adi too ne ku mikalu ne bena Amone.

Yoshua 13:16

kuinshi mu ditunga kuvua tshimenga tshia Aroyere tshidi ku muelelu wa musulu wa Amone, ne tshimenga tshivua mu tshibandabanda tshia musulu awu. Mu buloba abu muvua mikuna ya pabuipi ne Medeba.

Yoshua 13:8

Bisamba bia bena Rubene ne bena Ngade, ne tshia bibidi tshia tshisamba tshia bena Menashe, bivua bimane kupeta maloba awa ku musulu wa Yardene, luseke luawu ludi diba dipatukila. Moshe, muntu wa Maweja-Nangila, uvua mumane kubabanyina maloba awu.