Yoshua 12:7 - MUKANDA WA MYIDI MUKULU

⁷ Pashishe Yoshuwa ne bena Izrayele kutshimuna bakalenga bavua luseke ludi diba dibuelela lua musulu wa Yardene. Matunga abu avua malabale, biangatshile ku Baale-Ngade udi mu tshibandabanda tshia mu Lebanone luseke lua ku mutu, too ne ku mukuna udi kauyi mitshi, udi pabuipi ne Seyire luseke lua kuinshi. Yoshuwa uvua muabanyine bena Izrayele matunga awu, bilondeshile bisamba biabu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Au mmena a bakelenge ba buloba bakashihabo kudi Yoshua ne Bena Isalele ku luseke lua wesete lua Yadene, ku Bâla-gada mu tshibanda tshia Lebanona tô ne ku mukuna wa Halaka mu nshila wa ku Sei; Yoshua wakabuabanyina bisamba bia Bena Isalele bu buhianyi buabo, bu muakatahuluilabo bisamba;

Yoshua 12:7 Խաչաձեւ Հղումներ

Genese 14:6

Kuluishabu kabidi bena Ori bavua ku mukuna wa Seyire, kubipata too ne ku Ele-Parane pabuipi ne tshipela.

Genese 32:3

Yakobe ubamona, kuelaye diyi dikole wamba ne: — Muaba ewu mmitanda ya Mvidi Mukulu. Kuinyikaye muaba awu ne: Mahanayime.

Genese 36:20

Bantu ba kumpala ba mu ditunga dia Edome bavua ndelanganyi ya Seyire, muena Ori. Bamfumu ba bena Ori: ke Lotane, Shobale, Sibeyone, Ana,

Genese 36:30

Dishone, Eshere ne Dishane. Bavua basombe mu ditunga dia Seyire.

Genese 36:8

Ke muvua Esawu, udibu babikila kabidi ne: Edome, muye kuasa ku mukuna wa Seyire.

Misambu 135:11

bobu abu ke Sikone, mukalenga wa bena Amore, Oge, mukalenga wa Bashane ne bakalenga bonsu ba Kenaane.

Dielulula 2:1

Pashishe tuetu kualuka, kupingana mu tshipela, batangile ku Mayi manene makunze, bu muvua Maweja-Nangila mungambile. Tuetu kushala ku mikuna ya Seyire matuku mapite bungi.

Dielulula 2:4

Maweja-Nangila kuntuma bua kunumanyisha ne: “Nupitshile ku mikuna ya Seyire, muaba udibu basombe kudi bana benu, ndelanganyi ya Esawu. Nebanutshine. Kadi nuikale badimuke.

Yoshua 11:17

Yoshuwa kutshimuna, kushipa bakalenga ba matunga awa pankatshi pa mukuna kauyi ne mitshi, pabuipi ne Seyire, kuinshi mu ditunga, ne Baale-Ngade mu tshibandabanda tshia Lebanone, ku tshitaku tshia mukuna wa Ermone, ku mutu mu ditunga.

Yoshua 11:23

Yoshuwa kukuata ditunga dijima mu mvita, muvua Maweja-Nangila muambile Moshe. Yoshuwa kuabanyina bena Izrayele ditunga adi, bilondeshile bisamba biabu. Ke bena Izrayele kuanji kuikisha bua dipungi dia mvita.

Yoshua 3:17

Batuangaji bavua bambula mushete wa tshijila, kuimana balulame mu lusenga lume, munkatshi mua musulu wa Yardene, too ne mudi bonsu basabuka bafika dia muamua ku makasa kume.

Yoshua 9:1

Bakalenga bonsu bavua base luseke ludi diba dibuelela lua musulu wa Yardene, bavua bumvue muvua bena Izrayele banyangakaje tshimenga tshia Ayi: ke bakalenga bonsu bavua ku mikuna, mu mpata, ne ku muelelu wa Mayi manene a pankatshi pa matunga, too ne ku Lebanone. Nanku bakalenga ba bena Iti, bena Amore, bena Kenaane, bena Perizi, bena Ivi ne bena Yebusa,