Yoshua 12:3 - MUKANDA WA MYIDI MUKULU

³ Sihone uvua kabidi ulombola bantu bavua mu tshibandabanda mu tshitupa tshia luseke ludi diba dipatukila lua musulu wa Yardene, biangatshile ku dijiba dia Ngenesarete, luseke lua ku mutu, too ne ku Mayi manene a luepu, pabuipi ne Bete-Yeshimote, ne ku mukuna wa Pisga, kuinshi menemene mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

³ ku Alabâ tô ne ku mai a Kinelota a ku esete tô ne ku mai a Alabâ, Dishiba dia Luehu mene, a ku esete mu nshila wa ku Bete-yishimota; ne ku luseke lua ku Sude, kuinshi kua mukuna wa Pisega;

Yoshua 12:3 Խաչաձեւ Հղումներ

Genese 14:3

Bakalenga batanu aba kudisangisha mu tshibandabanda tshia Sidime (mmumue ne muaba udi lelu Mayi manene a luepu). Kumvuanganabu bua kuluangana mvita.

Genese 19:25

Mvula awu kubutula bimenga bionsu bibidi, kushipa bantu, kunyanga ditunga ne madimi mene kashidi.

1 Bakalenga 15:20

Benadade kuitaba dilomba dia Asa. Kutumaye bamfumu balombodi ba bena mvita bende bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Bete-Maaka, buloba bua Kinerete, ne buloba bua Naftali buvua bushala.

Yezekiyele 25:9

Nanku nentume bantu bua baluishe badi basombela mu bimenga bidi ku mikalu ya ditunga dia Mowabe. Nebabinyange bionsu bilondangane, nansha bidi bipite buimpe bu mudi Bete-Yeshimote, Baale-Meyone ne Kiriyatayime.

Dibadika 21:20

mbafike ne ku tshibandabanda tshidi tshipitshila mu ditunga dia bena Mowabe, luseke lua ku nsongu ya mukuna wa Pisga, udi mutangilangane ne tshipela.

Dibadika 34:11

Mukalu ewu neutungunuke too ne ku Ribla, luseke ludi diba dipatukila lua Ayine. Pashishe mukalu awu neuye kumpala ufika ku bibandabanda bidi luseke ludi diba dipatukila lua dijiba dia Ngenesarete,

Luke 5:1

Dituku dikuabu, Yezu uvua ku muelelu wa dijiba dia Ngenesarete. Bantu bavua bamunguila bua kuteleja muaku wa Mvidi Mukulu.

Yowanane 6:1

Pashishe, Yezu kuya dishiya dia dijiba dia Ngalileya (didibu binyika kabidi ne: dia Tiberiyade).

Dielulula 3:17

Mikalu idi luseke ludi diba dibuelela, idi ilonda tshibandabanda tshia Yardene, biangatshile ku dijiba dia Ngenesarete too ne ku Mayi manene a luepu, too ne ku mukuna wa Pisga, luseke ludi diba dipatukila.

Dielulula 4:49

ditunga dijima dia luseke ludi diba dipatukila lua musulu wa Yardene, too ne ku Mayi manene a luepu, kuinshi kua mukuna wa Pisga.

Yoshua 11:2

Uvua mubikidishe kabidi bakalenga bavua ku mikuna ku mutu wa ditunga, ne bavua mu tshibandabanda tshia Yardene kuinshi kua dijiba dia Ngenesarete, ne bavua mu mpata ne ku muelelu wa Mayi manene a pankatshi, pabuipi ne tshimenga tshia Dore luseke ludi diba dibuelela.

Yoshua 13:20

Bete-Peyore, mukuna wa Pisga ne Bete-Yeshimote.

Yoshua 15:2

Mukalu wabu wa kuinshi uvua utuadija kuinshi kua Mayi manene a luepu.

Yoshua 15:5

Ku luseke ludi diba dipatukila, mukalu uvua utuadija ku Mayi manene a luepu, utungunuka too ne ku muaba udi musulu wa Yardene udielela mu Mayi manene a luepu. Muaba awu ke uvua mukalu wa ku mutu utuadijila.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.