Yoshua 11:3 - MUKANDA WA MYIDI MUKULU

³ Mukalenga Yabine kumvuangana kabidi ne bena Kenaane, bavua basombe ku musulu wa Yardene, luseke ludi diba dipatukila, ne luseke ludi diba dibuelela luawu. Kumvuanganaye kabidi ne bena Amore, bena Iti, bena Perizi, bena Yebusa bavua ku mikuna, ne bena Iti bavua basombe kuinshi, ku mukuna wa Ermone mu ditunga dia Mispa.

Mukanda wa Nzambi Dihungila Dikulukulu ne Dihungila Dihia-dihia 2003

³ ne kudi Bena Kanâna ba ku esete ne ba ku wesete ne Bena Amole ne Bena Hiti ne Bena Pelizi ne Bena Yebuse ba ku mikuna ne Bena Hiwi kuinshi kua mukuna wa Hêmona mu buloba bua Misepa.

Yoshua 11:3 Խաչաձեւ Հղումներ

Genese 31:49

Labane kuambila kabidi Yakobe ne: — Maweja-Nangila atutentekele patuikala bamane kushiyangana nebe. (Ke kuinyikabu muaba awu dina ne: Mispa, mmomumue ne: kaleya ka mutentekedi.)

2 Samuele 24:16

Mutumibue wa Maweja-Nangila kuolola tshianza mu tshimenga tshia Yerushalayime bua kutumamu tshipupu. Kadi Maweja-Nangila kubenga. Kuambilaye mutumibue uvua ubutula bantu ne: — Kuajiki, puekesha tshianza! Diba adi, mutumibue wa Maweja-Nangila uvua pabuipi ne muaba uvua Aravna, muena Yebusa, ushipula ntete ya kuenza bukula.

2 Samuele 24:7

Kutungunukabu mu tshimenga tshia Tigre tshivuabu bakoleshe ne bimana, ne mu bimenga bionsu bivua bia bena Ivi, ne bena Kenaane, bua kufika ku Bersheba kuinshi mu ditunga, mu buloba bua bena Yuda.

1 Bakalenga 15:22

Mukalenga Asa kubikidisha bena Yuda bonsu, kakuyi kushala muntu. Bena Yuda kuambula mabue onsu ne mabaya manene, bivua Basha munguje bua kuibaka nabi bimana bia musoku wa Rama. Kuibakabu nabi bimana bia musoku wa Ngeba wa Binyamine ne bia musoku wa Mispa, bu muvua mukalenga Asa muambe.

1 Bakalenga 9:20

bantu ba bisamba bia bende batshivua bashale mu ditunga amu, ke bena Amore, bena Iti, bena Perizi, bena Ivi ne bena Yebusa, mmumue ne: bantu bavua kabayi bena Izrayele to.

Misambu 133:3

Bidi bu lumuma, lupueka pa mukuna wa Ermone, pa mukuna wa Siyone. Bualu mu Siyone ke mudi Maweja-Nangila muteke disanka ne muoyi kashidi.

Misambu 89:12

Diulu ndiebe, buloba mbuebe kabidi, wewe ke udi muase buloba bujima, ne bionsu bidipu.

Musambu wa Solomo 4:8

Mubangila wanyi, tuyayi, shiya mikuna ya Lebanone. Umuke ku nsongu ya mukuna wa Amane, wa Senire ne wa Ermone, miaba idi nyama ya ntambue, ne ya nkashama isombela.

Yirmeya 40:10

Meme mene ndi ngasa mu Mispa emu, bua ngikale muena mpala wenu kudi bena Babilone badi bafika kunudi. Kadi nuenu nupole tumuma tua mvinyo, ne bimuma bikuabu, nuenze ne mafuta. Nubilame mu diyeba. Nuase kabidi mu bimenga munuvua basombe kumpala.

Yirmeya 40:6

Nanku Yirmeya kuya ku Mispa, muaba uvua Ngedaliya. Kusombaye munkatshi mua bantu bavua bashale mu ditunga.

Yirmeya 41:14

Nanku bantu bonsu bavua Ishemayele mukuate ku Mispa, kubengabu Ishemayele bua kulonda Yowanane.

Yirmeya 41:3

Pashishe Ishemayele kushipa bena Yuda bonsu bavua pamue ne Ngedaliya mu Mispa. Kushipaye too ne bena mvita ba bena Babilone bavua muaba awu.

Dibadika 13:29

Bena Amaleke mbase kuinshi kua ditunga. Bena Iti, bena Yebusa ne bena Amore mbase pa mikuna. Bena Kenaane mbase ku muelelu wa Mayi manene a pankatshi pa matunga, ne wa musulu wa Yardene.

Dielulula 4:48

Ke bena Izrayele kuya kuasa ku ditunga dijima adi, kutuadijila ku tshimenga tshia Aroyere, tshidi ku muelelu wa musulu wa Amone, too ne ku mukuna wa Ermone, udibu babikila kabidi ne: Siyone,

Dielulula 7:1

Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.

Yoshua 11:17

Yoshuwa kutshimuna, kushipa bakalenga ba matunga awa pankatshi pa mukuna kauyi ne mitshi, pabuipi ne Seyire, kuinshi mu ditunga, ne Baale-Ngade mu tshibandabanda tshia Lebanone, ku tshitaku tshia mukuna wa Ermone, ku mutu mu ditunga.

Yoshua 11:8

Maweja-Nangila kufila baluishi aba mu bianza bia bena Izrayele. Bobu kubalondakaja too ne mu thimenga tshinene tshia Sidone tshidi ku mutu, ne ku Misrefote-Mayime, ne mu tshibandabanda tshia Mispa luseke ludi diba dipatukila. Bena Izrayele kubutula baluishi bonsu. Kabawa bashiye muntu nansha umue ne muoyi.

Yoshua 13:11

Muvua kabidi ditunga dia Ngilaade, dia Ngeshure ne dia Maaka, mukuna wa Ermone, ne ditunga dijima dia Bashane too ne ku Salka.

Yoshua 13:5

Nenukuate kabidi ditunga dia Ngebale, dia Lebanone didi luseke ludi diba dipatukila dia Baale-Ngade, kuinshi kua mukuna wa Ermone, too ne ku Lebo-Amate.

Yoshua 15:38

Dilane, Mispa, Yokteyele,

Yoshua 15:63

Ndelanganyi ya Yuda kayiwa mua kuipata bena Yebusa bavua base mu Yerushalayime. Nanku too ne ku lelu bena Yebusa badi basomba mu Yerushalayime muaba umue ne bena Yuda.

Yoshua 18:26

Mispa, Kefira, Mosha,

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.

Balombodi 20:1

Bena Izrayele bonsu kumvuangana ne muoyi umue, kudisangisha ku Mispa, muaba udi Maweja-Nangila. Bivua bafume ku nseke yonsu, biangatshile ku Dane, ku mutu mu ditunga, too ne ku Bersheba, kuinshi mu ditunga. Bakuabu bavua bafume kabidi ku ditunga dia Ngilaade, didi luseke ludi diba dipatukila lua Yardene.

Balombodi 21:5

Pashishe bena Izrayele kukonkangana ne: — Ku bisamba bionsu bia bena Izrayele, kudi tshisamba tshidi katshiyi tshifike mu tshisangilu tshituvua natshi mu Mispa kumpala kua Maweja-Nangila anyi? Bualu bena Izrayele bavua bamane kuditshipa bua kushipa muntu yonsu uvua kayi mufike ku Mispa.

Balombodi 21:8

Bena Izrayele kuebejangana bua kumanya bantu ba munkatshi mua bisamba bia bena Izrayele, bavua kabayi bafike ku Mispa bua kudileja kumpala kua Maweja-Nangila. Kusanganabu ne: kakuvua muntu nansha umue wa mu tshimenga tshia Yabeshe mu Ngilaade. uvua mufike mu mitanda, muaba uvua tshisangilu atshi.

Balombodi 3:3

Bantu bavua Maweja-Nangila mushiye mu ditunga, ke bena makalenga atanu a bena Peleshete, bena Kenaane bonsu, bena Sidone, ne bena Ivi bavua base mu mikuna ya Lebanone, biangatshile ku mukuna wa Baale-Ermone, too ne ku Lebo-Amate.

Balombodi 3:5

Ke pavua bena Izrayele base munkatshi mua bena Kenaane, bene Iti, bena Amore, bena Perizi, bena Ivi, ne bena Yebusa.

1 Samuele 10:17

Samuwele kubikidisha bena Izrayele ku nzubu wa Mvidi Mukulu wa mu Mispa.