Yobe 7:16 - MUKANDA WA MYIDI MUKULU

¹⁶ Bionsu bia panu mbimane kuntonda. Tshiena musue kupashala. Undekele matuku anyi kaena ne bua nsongu panu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Muoyo wanyi udi untonda! Tshiena musue kuikala ne muoyo tshiendelele. Undekele, bualu bua matuku anyi adi anu bu muhuya.

Yobe 7:16 Խաչաձեւ Հղումներ

Genese 27:46

Ke Rebeka kuambila Izake ne: — Panu mpantonde, bualu bua bakaji ba bena Iti, badi muananyi Esawu musele. Kadi bu Yakobe mua kusela kabidi mukaji wa bena Iti, ndi mua kufua.

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

Yobe 10:1

Bia panu bidi bindukisha, tshiena ndekela kutua mikemu, tshiena mua kupuwa to, bualu ndi nyingalala bikole.

Yobe 10:20

Matuku anyi a panu mmashale makese. Nanku, lekela kunduisha, umuka kundi bua nsombe talalaa matuku makese andi mushale nawu.

Yobe 14:6

Nanku, ulekele kumutentekela, asombe talala. Ajikije mudimu wende udiye ukuata.

Yobe 6:9

Mbimpe Mvidi Mukulu anzaze, alekele kundama, ambutule.

Yobe 7:15

Eyowa, bu wewe mua kungela kankosa ku nshingu, mbimpe bitambe! Ndi musue kufua, pa mutu pa meme kunyana, kushala anu mifuba nkayayi nunku.

Yobe 7:7

Eyi Mvidi Mukulu, umanye ne matuku anyi a panu adi amu lupepela. Diakalenga dianyi ndimane kujika kashidi.

Yobe 9:21

Bushuwa, tshiena muenze bualu bubi to. Kadi nansha meme mufue, bidi amu bimpe. Ya panu ikadi mintonde, bionsu bidi amu mushindu umue.

Misambu 144:4

Muntu udi amu bu lupepela, matuku ende a panu adi bu mundidimbi udi ujimina.

Misambu 39:10

Ndi mpuwa, tshiyi mbulula mukana. Bualu wewe ke udi muenze bionsu ebi.

Misambu 39:13

Maweja-Nangila, teleja mundi nkutendelela, teya matshi ku lubila luanyi. Pandi ndila muadi, ungambuluishe. Bu muvua bankambua banyi bonsu, ndi amu muenyi kumpala kuebe, tshiyi ne diyi dia kuamba.

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Misambu 62:9

— Nuenu bonsu, bantu ba Mvidi Mukulu, tekemenayi amu kudiye. Numupuile ntatu yenu. Yeye ke muaba utudi mua kunyemena.

Misambu 78:33

Nenku kubajimijaye diakamue, kubashipa bonsu musangu umue.

Misambu 78:39

uvua uvuluka ne badi amu bantu, badi bu lupepela ludi lupatuka kaluyi lupingana kabidi.

Muambi 2:17

Nanku bia panu bivua bintonde. Ke meme kudiwula malu onsu adi bantu benza muinshi mua diba, bualu adi a tshianana, adi bu kuipatangana ne lupepele.

Yirmeya 8:3

Maweja-Nangila wabukole buonsu udi wamba ne: Bena mu ditunga edi bikale bashale ne muoyi, miaba yonsu indi mbatangalaja, nebajinge kufua pa mutu pa kushala ne muoyi.

Yona 4:3

Maweja-Nangila, mpindiewu ndi nkusengelela ne: ungumushe panu. Bualu mbimpe meme kufua pamutu pa kushala ne muoyi.

Yona 4:8

Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”